Kaca:Bali-lontar-gaguritan-semaun-300ppi.pdf/25

[᭒᭔ 24B]
᭒᭔
ᬲᬮᬫᬦ᭄᭞ᬳᬦᬸᬮ᭄ᬬᬤᭀᬳᬚᭃᬂᬦᬪᬶ᭟ᬳᬢᬤᬳᬫᬶᬦ᭄ᬲᬤᬬ᭞ᬚᭃᬂᬦᬪᬶᬗᬦ᭄ᬤᬶᬓᬳᬭᬶᬲ᭄᭟ᬫᬸᬕᬶᬢᬓᬩᬾᬄᬳᬲᬶᬦᬸᬂ᭞ᬭᬢᬬᬸᬫᬭᬶᬂᬳ᭄ᬬᬂᬯᬷᬥᬶ᭞ᬲᬫᬗᬸᬦ᭄ᬧ᭄ᬭᬲᬫᬩᬸᬩᬃ᭞ᬮᬯᬦ᭄ᬲᬕᬸᬗᬶᬂᬧ᭄ᬭᬚᬸᬭᬶ
ᬢ᭄᭞ᬧ᭄ᬭᬧ᭄ᬢᬾᬬᬯᬶᬦᬶᬂᬲᬗ᭄ᬳᬵᬭ᭞ᬩᭂᬦ᭄ᬤᬾᬦᬾᬢᬶᬦᭂᬫ᭄ᬩᬂᬫᬸᬦᬶ᭟ᬲᬫᬗᬸᬦ᭄ᬮᬸᬫᬫ᭄ᬧᬳᬬᬸᬦ᭄᭞ᬢᬸᬗ᭄ᬓᬸᬮ᭄ᬩᬦ᭄ᬤᬾᬭᬦ᭄ᬤᬭᬳᬗ᭄ᬭᬯᬶᬢ᭄᭞ᬢᬘᬶᬭᬶᬥᬷᬭᬤᬫᭂᬢ᭞ᬳᬸᬦ᭄ᬤᬓᬦ᭄ᬦᬶᬢᬶᬄᬢᬸᬭᬗ᭄ᬕᬶ᭞ᬤᬾᬦᬶᬭᬶᬧ᭄ᬭᬚᬸᬭᬶᬢᬶᬭ᭞ᬩᬲᬳᬾᬳᬶ
ᬓᬂᬲᬯᬶᬚᬶ᭟ᬩᬦ᭄ᬤᬾᬭᬢᬸᬗ᭄ᬕᬸᬮᬾᬩᬶᬭᬸ᭞ᬘᬶᬭᬶᬦᬶᬭᬯᭀᬦ᭄ᬤᬧᬸᬢᬶᬄ᭞ᬮᬸᬫᬫ᭄ᬧᬳᬶᬗᬸᬭᬶᬦᬶᬭ᭞ᬕᬋᬩᭂᬓ᭄ᬧ᭄ᬭᬚᬸᬭᬶᬢ᭄ᬦᬾᬓᬶ᭞ᬤᬾᬦᬾᬩᬲᬄᬓᬂᬲᬢᬸᬗ᭄ᬕᬮ᭄᭞ᬲᬸᬫᬫ᭄ᬩᬸᬗᬭᬶᬦᬶᬭᬾᬓᬶ᭟ᬩᬗᬸᬦ᭄ᬢᬸᬮᬓ᭄ᬢᬸᬗ᭄ᬕ
ᬮᬸᬧᬸᬦ᭄᭞ᬦᬓ᭄ᬭᬳᬶᬓᬂᬫᭂᬮᬸᬗᬶ᭞ᬩᬲᬳᬾᬳᬶᬓᬂᬲᬢᬸᬗ᭄ᬕᬮ᭄᭞ᬩᬦ᭄ᬤᬾᬭᬦᬾᬤᬯᬸᬄᬫᭂᬮᬢᬶᬃ᭟ᬧᬸᬧᬸᬄᬫᬵᬲ᭄ᬓᬸᬫᬶᬫ᭄ᬩᬄ᭟᭐᭟ᬘᬶᬭᬶ
[᭒᭕ 25A]
ᬦᬾᬬᬸᬓ᭄ᬤᬓᬦᬶᬭᬧᬸᬦᬶᬓᬶ᭞ᬕᬋᬩᭂᬓ᭄ᬩᬮᬮᬸᬫᬫ᭄ᬧᬄ᭞ᬩᬦ᭄ᬤᬾᬭᬧᬢ᭄ᬲᬫᬶ᭞ᬳᬲ᭄ᬫᬸᬚᬮᬢ᭄ᬮᬄᬢᬶᬤᬸᬮᬶᬲᬦ᭄᭟ᬤᬢᬦ᭄ᬓᬯᬗ᭄ᬲᬶᬢᬦ᭄ᬲᬶᬭᬾᬂᬫᬃᬕ᭄ᬕᬶ᭞ᬯᬸᬲ᭄ᬧ᭄ᬭᬧ᭄ᬢᬧᬕᭀᬦᬶᬂᬢᭀᬬ᭞ᬮᬗ᭄ᬓᬸᬂᬯ᭄ᬬᬃᬓᬩᬦᬸᬳᬶ
᭞ᬓᬲᬃᬣᬯ᭄ᬦᬶᬂᬢᭀᬬᬦ᭄ᬬ᭟ᬬᬢᬲᬫᬗᬸᬦ᭄ᬲᬶᬭᬳᬕ᭄ᬮᬶᬳᬭᬶᬲ᭄᭞ᬥᬢ᭄ᬗᬶᬲᬕᬸᬂᬯᬤ᭄ᬬᬦᬶᬭ᭞ᬓᭀᬘᬧ᭄ᬧᬥᬋᬋᬩᬶᬭᬾᬓᬶ᭞ᬇᬓᬶᬢ᭄ᬕᬮ᭄ᬧᭂᬤᭂᬓ᭄ᬩᬗᬯᬦ᭄᭟ᬕ᭄ᬬᬮᬾᬭᬾᬄᬲᬶᬭᬧᬭᬧ᭄ᬭᬚᬸᬭᬶᬢ᭄᭞ᬩᭀᬘ
ᬦᬾᬯᬸᬲ᭄ᬧᬶᬦᬲᬂ᭞ᬳᬕᭂᬕᭂᬂᬓᬤ᭄ᬬᬦᬵᬕᬭᬷ᭞ᬧᬓᬸᬯᭀᬦᬧᬾᬢᬓ᭄ᬧᬾᬢᬓ᭄᭟ᬩᬢᬳᬤᬂᬳᬶᬓᬂᬳᬯᬃᬡ᭄ᬦᬶᬯᬃᬡ᭄ᬦᬶ᭞ᬲᬸᬓᬲᬸᬕᬸᬗᬾᬯᬤ᭄ᬬᬩᬮ᭞ᬤᬾᬦ᭄ᬧᬓᬸᬄᬯᬵᬦ᭄ᬧᬋᬓ᭄ᬯᬭᬶ᭞ᬲᬫᬶᬗᬫ᭄ᬩᬶᬮ᭄ᬢᭀᬬᬓᬦᬲ᭄᭟ᬲ
ᬯ᭄ᬦᬾᬳᬦᬲᬶᬭᬫᬦᬾᬂᬯᬶᬭ᭞ᬳᬦᬓᬕᬸᬬᬂᬳᬸᬭᬗ᭄ᬕᬦ᭄ᬬ᭞ᬲᬸᬓᬲᬸᬓᬋᬋᬧᬶᬭᬳᬶᬧᬶᬗ᭄ᬕᬶᬃ᭞ᬩᬗᬯᬦ᭄ᬓᬮᬗ᭄ᬓᬸᬗᬕᬸᬂᬦ᭄ᬬ᭟ᬬᬢᬲᬫᬗᬸᬦ᭄ᬲᬶᬭᬓᬂᬲᬶᬦᬶᬯᬭᬶ᭞ᬫ᭄ᬭᬶᬲᬕᬸᬗᬾᬧ᭄ᬭᬚᬸᬭᬶᬭ᭞ᬳᬢᬸᬭᬶᬭᬩ