Kaca:Bali-lontar-gaguritan-semaun-300ppi.pdf/19

Saking Wikisource
Kaca puniki sampun kauji-wacén

[᭑᭘ 18B]
᭑᭘
ᬩᬶᬩᬶᬮᬳᬭᬶᬲ᭄᭞ᬩᬶᬮᬄᬮᬦ᭄ᬧᬋᬓᬶᬗ᭄ᬯᬂ᭞ᬩᬶᬮᬄᬮ᭄ᬧᬄᬧᬋᬓᬗᬃᬱᬶ᭞ᬤᬦ᭄ᬭᬲᬸᬮ᭄ᬗᬦ᭄ᬤᬶᬓᬳᬭᬶᬲ᭄᭞ᬩᬶᬮᬄᬲᬶᬳᬶᬲᬸᬦᬸᬢᬸᬲ᭄‌᭞ᬫᬭᬶᬂᬦᬵᬕ᭄ᬭᬶᬫᬤᬶᬦᬄ᭞ᬲᬭᬹᬧᬦᬾᬯ᭄ᬯᭀᬂᬚ᭄ᬭᭀᬦᬵᬕᬭᬷ᭞ᬳᬶᬫᬤᬶᬦᬄ᭞ᬓᬂᬓ
ᬋᬧ᭄ᬧ᭄ᬭᬂᬲᬩᬶᬮ᭄ᬮᬸᬮᬄ᭟ᬫᬭᬶᬂᬦᬵᬕᬭᬷᬲᬗ᭄ᬳᬵᬭ᭞ᬮᬯᬦᬯᬾᬄᬳᬬᬸᬥᬦᬶ᭞ᬳᬶᬬᬫᬭᬶᬂᬕᬃᬯ᭄ᬯᬦᬶᬗ᭄ᬯᬂ᭞ᬮᬦ᭄ᬕᬃᬯ᭄ᬯᬲᬩᬢ᭄ᬲᬸᬦ᭄ᬲᬫᬶ᭞ᬲᬭᬳᬶᬮ᭄ᬮᬯᬦ᭄ᬲᬭᬧᬶᬮ᭄᭞ᬓᬮᬫᬸᬤᬵᬃᬱᬧᬗ᭄ᬕᬸᬄ᭞ᬮᬯᬦ᭄ᬯᬭᬳᭂᬦ᭄ᬧᬥ᭞ᬓᬂᬮ
ᬫᬸᬦ᭄ᬮᬓᬶᬦᬶᬭᬾᬓᬶ᭞ᬢᬸᬯᬶᬲ᭄ᬦᬧᬥᬳᬶᬦᬶᬩᬓᬓᬾᬲᬸᬧᬢ᭞ᬫᬸᬲᬓᬧ᭄ᬮᬯᬦ᭄ᬢᬓ᭄ᬮᬶᬤ᭞ᬦᭀᬭᬫᬜ᭄ᬚᬶᬗᬶᬦᬵᬕᬭᬷ᭞ᬫᬤᬶᬦᬄᬮᬫᬸᬦ᭄ᬢᬦ᭄ᬩᭂᬤᬄ᭞ᬬᬦ᭄ᬲᬗ᭄ᬳᬵᬭᬦᬵᬕᬭᬷ᭞ᬩᬶᬲᬳᬩᭀᬬᭀᬂᬧᬸᬢ᭄ᬭᬷ᭞ᬫᬢᬾᬦ
ᬲᬂᬓᬧ᭄ᬢᬶᬧ᭄ᬭᬪᬸ᭞ᬩᬶᬮᬄᬢᬸᬃᬲᭂᬫ᭄ᬩᬄᬫᬾᬦ᭄ᬢᬃ᭞ᬤᬢᬦ᭄ᬓᬯᬃᬡ᭄ᬦᬳᬶᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬫᬭᬶᬂᬦᬵᬕᬭᬶᬫᬤᬶᬦᬄ᭟ᬩᬶᬮᬄᬦᬸᬮ᭄ᬬᬗᬸᬦ᭄ᬤᬗᬸᬦ᭄ᬤᬂ᭞ᬤᬢᭂᬂᬯ᭄ᬯᭀᬂᬫᬤᬶᬦᬄᬦᬵᬕ᭄ᬭᬷ᭞ᬩᭂᬦ᭄ᬤᬾᬦᬾᬢᬶᬦᬫ᭄ᬩᬸᬄᬯᬓᬂ᭞ᬢ
[᭑᭙ 19A]
ᬫ᭄ᬩᬃᬲ᭄ᬮᬾᬩᬾᬃᬓᬮᬯᬦ᭄ᬲᬸᬮᬶ᭞ᬲᬬᬕᬧ᭄ᬭᬚᬸᬭᬶᬢ᭄᭞ᬘᬳᭀᬲ᭄ᬦᬳᬸᬭᬗ᭄ᬕᬦᬶᬧᬸᬦ᭄᭞ᬯᬯᬦᬾᬄᬘᬳᭀᬲᬸᬢ᭞ᬲ᭄ᬦᬸᬓ᭄ᬫᬾᬫᭂᬭᬾᬗ᭄ᬓᬾᬫᬃᬓᬸᬮ᭄ᬤᬶ᭞ᬮᬦᬦ᭄ᬤᬓᬩᬶᬢ᭄ᬳᬤᬮᬤᬮ᭄᭟ᬩᬦ᭄ᬤᬾᬭᬫᬢᬸᬗ᭄ᬕᬸᬮ᭄ᬧ᭄ᬢᬓ᭄᭞ᬳᬩᬂᬩᬶ
ᬭᬸᬢᬶᬚᭀᬓᬸᬦᬶᬂ᭞ᬲᬯᭂᬦᬾᬄᬩᬦ᭄ᬤᬾᬭᬭᬓ᭄ᬢ᭞ᬳᬢᭂᬗᭂᬃᬭᬭᬾᬗᬚᬸᬭᬶᬢ᭄᭞ᬲᬂᬕᬸᬗᬾᬧᬭᬳᬾᬲ᭄ᬢ᭄ᬭᬷ᭞ᬲᬤᬬᬧᬓ᭄ᬱᬫᬶᬢᬸᬫᬹᬢ᭄᭞ᬳᬸᬢᬯᬶᬩᭀᬘᬄᬩᭀᬘᬄ᭞ᬲᬫᬶᬫᬶᬮ᭄ᬬᬩᬶᬬᬸᬂ᭞ᬦᬓᬶ᭞ᬕ᭄ᬭᬯᬦᬶᬭᬲᬕᬸᬗᬾᬧᬭᬲ
ᬳᬩᬢ᭄᭟ᬇᬓᬂᬯᬸᬲ᭄ᬲᬫᬶᬲᬸᬧᬢ᭞ᬳᬦᬾᬂᬲᬢ᭄ᬗᬄᬯᬦᬤ᭄ᬭᬶ᭞ᬓᭀᬘᬧᬕ᭄ᬭᬯᬦᬶᬭ᭞ᬲᬫᬗᬸᬦ᭄ᬫᬗ᭄ᬓᬾᬯᬶᬦᬃᬩ᭄ᬦᬶ᭞ᬳᬯᬲ᭄ᬤᬾᬦ᭄ᬬᬫᬶᬳᬃᬱᬶ᭞ᬮᬫᬸᬦ᭄ᬮᬓᬶᬦᬾᬧᬸᬦᬶᬓᬸ᭞ᬲᬵᬫ᭄ᬧᬸᬦ᭄ᬫᭂᬤᬮ᭄ᬲᬸᬧᬢ᭞ᬦᬯᬦᬫᬸᬲᬓᬧ᭄ᬮᬓᬶ
᭞ᬲᬢ᭄ᬦᬭᬢᬸ᭞ᬬᬫᬳᬦᬓᬧᬂᬓᬧᬂ᭟ᬢᬸᬫᬹᬢ᭄ᬦᬸᬲᬸᬮ᭄ᬫᬭᬶᬂᬯᬦ᭞ᬮᬯᬦ᭄ᬫᬭᬶᬲ᭄ᬧᬸᬄᬦᬾᬓᬶ᭞ᬓᬶᬓᬮᬶᬢ᭄ᬫᬶᬯᬄᬩᭀᬓ᭄ᬳᬸᬦᬄ᭞ᬮᬸᬫ᭄ᬩᬃᬦᬶᬢᬶᬄᬢᬸᬭᬗ᭄ᬕᬶ᭞ᬳᬤᬲᬯᬦᬾᬳᬦᬶᬢᬶᬄ᭞ᬳᬸᬦ᭄ᬢᬳᬦᬶᬢᬶᬄᬲ᭄ᬢᬓ᭄᭞ᬓᬶᬫᬃᬓᬸᬮ᭄ᬤᬶᬮᬦ᭄ᬩᬶᬳᬶ