[᭑᭐ 10B]
᭑᭐
ᬦᭂᬲᬂᬧᬸᬢ᭄ᬭᬶ᭞ᬳᬢ᭄ᬫᬚᬦᬶᬭ᭞ᬳᬶᬲᬗ᭄ᬳᬵᬭᬰ᭄ᬭᬷᬓᬧ᭄ᬢᬶ᭟ᬇᬓᬫᬮᬓᬸᬫᬦᬶᬭᬓ᭄ᬭᬾᬬᬕᬃᬯ᭄ᬯ᭞ᬦᬗ᭄ᬳᬶᬂᬯᬂᬲᬸᬮᬦ᭄ᬫᬫᬶ᭞ᬯ᭄ᬯᭀᬂᬢᬦ᭄ᬤᬸᬯᬾᬓᬃᬱ᭞ᬧᬦᬶᬲᬸᬦ᭄ᬦᭀᬭᬲᬸᬓ᭞ᬯᬶᬢ᭄ᬧᬸᬢ᭄ᬭᬶᬫᬓ᭄ᬱᬶᬄᬓᬧᬶᬃ᭞ᬤᬸᬭᬸᬗᬵᬕᬫ᭞ᬮ
ᬯᬦ᭄ᬭᬵᬫᬦᬶᬭᬾᬓᬶ᭟ᬦᭀᬭᬤ᭄ᬫᭂᬦ᭄ᬬᬫᬭᬶᬂᬭᬕᬦᬶᬗ᭄ᬯᬂ᭞ᬮᬸᬫᬸᬄᬩᬗᭂᬢᬦᬫ᭄ᬧᬶᬓ᭄᭞ᬲᬂᬤᬾᬯᬶᬭᬯᬶᬬᬄ᭞ᬬᬢᬫᬢᬸᬭᬦᭂᬫ᭄ᬩᬄ᭞ᬫᬭᬶᬂᬭᬲᬸᬮᬗᬲᬶᬳᬲᬶᬄ᭞ᬧᬦᬹᬢᬦᬵᬫ᭄ᬩ᭞ᬮᬫᬸᬦ᭄ᬢᬦ᭄ᬢᬸᬮᬸᬲ᭄ᬧᬧᬗ᭄ᬕᬶᬄ᭟ᬫᬭᬶᬂᬧᬸᬢ᭄ᬭᬶ
ᬲᬗ᭄ᬳᬵᬭᬫᬃᬬᬢᬸᬮ᭄ᬓᬧ᭄ᬢᬶᬬᬄ᭞ᬧᬸᬓᬸᬮᬸᬦ᭄ᬢᬶᬓᬯᬾᬢᬶ᭞ᬲᬗᭂᬢᬾᬫᬾᬭᬂ᭞ᬳᬦ᭄ᬯᬸᬲ᭄ᬢᬫᬦᬄᬳᬫ᭄ᬩ᭞ᬧᬦ᭄ᬢᬸᬳᬦ᭄ᬓᬮᬶᬗ᭄ᬓᬸᬗᬶ᭞ᬢ᭄ᬫᬄᬯ᭄ᬯᭀᬂᬓᬢᬄ᭞ᬢᬦ᭄ᬯᬗ᭄ᬤᬾᬫᬦᬄᬲ᭄ᬭᬶᬓ᭄᭟ᬬᬂᬧᬤᬸᬓᬚᬸᬫ᭄ᬦᭂᬂᬦᬪᬶᬯ᭄ᬓᬲᬦ᭄᭞ᬧᬓᬧᬦᬸ
ᬢᬸᬧ᭄ᬧᬭᬦᬤᬶ᭞ᬓᬓᬲᬶᬳᬶᬲᬸᬓ᭄ᬱ᭄ᬫ᭞ᬫᬓᬶᬦᬵᬃᬱᬳᬓ᭄ᬭᬫ᭞ᬢ᭄ᬫᬳᬦ᭄ᬢᬸᬳᬦ᭄ᬢᬶᬦᬫ᭄ᬧᬶᬓ᭄᭞ᬦᬵᬕ᭄ᬭᬷᬲᬗ᭄ᬳᬭ᭞ᬜ᭄ᬩᭀᬓ᭄ᬦᬵᬕ᭄ᬭᬷᬲᬗ᭄ᬳᬭᬕᬸᬲ᭄ᬢᬶ᭟ᬢᬸᬳᬦ᭄ᬕᭂᬫ᭄ᬧᬸᬭᬶᬫᬸᬭᬄᬢᬤᭀᬦᬬᬸᬥ᭞ᬧ᭄ᬭᬚᬸᬭᬶᬢ᭄ᬢᬸᬳᬦ᭄ᬫᬓᬶᬦ᭄᭞ᬢᬸᬃᬲᬫᬶ
[ ᭑᭑11A]
ᬧ᭄ᬭᬓᭀᬱ᭞ᬫᬗ᭄ᬓᬾᬢᬦ᭄ᬤᬶᬗᬶᬬᬸᬥ᭞ᬯ᭄ᬯᭀᬂᬲᬶᬚᬶᬫᬸᬲᬸᬄᬲᬓ᭄ᬢᬶ᭞ᬦᬤ᭄ᬬᬦ᭄ᬲᬬᬸᬳ᭞ᬫᬗ᭄ᬲᬳᬸᬭᬸᬗᬶᬗ᭄ᬲᬸᬜ᭄ᬚᬸᬭᬶᬢ᭄᭟᭐᭟ᬧᬸᬧᬸᬄᬤᬂᬤᬂ᭟᭐᭟ᬧᬦ᭄ᬲᬫᬗᬸᬦ᭄ᬢᬸᬯᬶᬩᬕᬾᬦ᭄ᬤᬮᬶ᭞ᬮᬫᬸᬦ᭄ᬢᬸᬳᬦ᭄᭞ᬳᬶᬓᬂᬓᬸᬤᬸᬓ
᭞ᬧᬸᬦᬶᬓᬬᬦ᭄ᬓᬮᬶᬳᬾ᭞ᬩ᭄ᬤᬄᬲᬗ᭄ᬳᬭᬕᭂᬫ᭄ᬧᬸᬃ᭞ᬤᬯᭂᬓ᭄ᬤᬳᬃᬢᬸᬃᬳᬸᬮᬸᬕᬸᬲ᭄ᬢᬶ᭞ᬦᬪᬶᬳᬮ᭄ᬮᬄᬗᬦ᭄ᬤᬶᬓ᭞ᬩᬗᭂᬢ᭄ᬯᬶᬭᬗᬶᬧᬸᬦ᭄᭞ᬬᬫᬭᬳᬶᬧᬗᬾᬭᬦ᭄᭞ᬩ᭄ᬤᬄᬧ᭄ᬭᬚ᭞ᬫᬃᬕ᭄ᬕᬦᬫ᭄ᬩᬸᬢ᭄ᬧᬯᬾᬲ᭄ᬢ᭄ᬭᬷ᭞ᬭᬶᬦᬢᬸᬫᬭᬶᬫᬮᬾᬓ
ᬢ᭄᭟ᬧᬶᬦᬲ᭄ᬢᬶᬳᬦᬳᬸᬚᬃᬫ᭄ᬭᬶᬫᬫᬶ᭞ᬭᬲᬸᬮ᭄ᬮᬮ᭄ᬮᬄ᭞ᬮᬦ᭄ᬲᬳᬩᬢ᭄᭞ᬓᬮᬯᬦ᭄ᬓᬸᬧᬃᬋᬩᬸᬢ᭄ᬭᭀᬓ᭄᭞ᬫᬃᬕ᭄ᬕᬦᬾᬯᬶᬭᬗᬶᬓᬸ᭞ᬳᬯᬶᬢ᭄ᬲᬓᬶᬂᬋᬩᬸᬢ᭄ᬧᬯᬾᬲ᭄ᬢ᭄ᬭᬷ᭞ᬮᬦ᭄ᬫᬦᬾᬄᬓᬢ᭄ᬭᬸᬳᬦ᭞ᬓᬂᬫᬢᬶᬤᭀᬫ᭄ᬭᬶᬳᬶᬲᬸ
ᬦ᭄᭞ᬫᬾᬦ᭄ᬤᬄᬤᬾᬦᬾᬕᬸᬬᬸᬦᬶᬭ᭞ᬳᬶᬤᬸᬜᬫᬦ᭄᭞ᬦᬶᬭᬳᬶᬘ᭄ᬙᬲᬬᬓ᭄ᬢᬶ᭞ᬩᬾᬜ᭄ᬚᬂᬳᬦᬾᬂᬳᬳᬾᬭᬢ᭄᭟ᬧᬲ᭄ᬢᬓᬩᬾᬄᬲᬫᬯᬸᬤᬤᬭᬷ᭞ᬮᬦ᭄ᬫᬮ᭄ᬓᬢ᭄᭞ᬦᬸᬤᬶᬂᬫᬭᬶᬂᬗ᭄ᬯᬂ᭞ᬳᬦᬗᬶᬲ᭄ᬲᬶᬓᬶᬮ᭄ᬓᬶᬯᬢᬸᬤᬶᬗᬾ᭞ᬧ
Kaca:Bali-lontar-gaguritan-semaun-300ppi.pdf/11
Kaca puniki sampun kauji-wacén
