[᭘ 8B]
᭘
ᬧᬸᬢᬸᬲ᭄᭞ᬫᬗᭂᬫ᭄ᬧᬸᬫᬭᬶᬂᬰᬭᬶᬭ᭚ᬳ᭄ᬜᬾᬦ᭄ᬤᬶᬢᬸ᭞ᬗᭂᬫ᭄ᬧᬹᬫᬭᬶᬂᬕ᭄ᬟᭀᬂᬳᬶᬓ᭞ᬬᬦᬶᬂᬢ᭄ᬯᬭᬦᬯᬂ᭞ᬤᬶᬢᬸᬢᬓᭀᬦᬂᬧᬂᬧᬱ᭄ᬭᬶ᭞ᬬᬦᬶᬂᬧᬸᬢᬸᬲ᭄᭞ᬫᬦᬸᬗ᭄ᬕᬬᬫᬭᬶᬂᬭᬵᬕ᭚ᬦ᭄ᬬᬂᬗᭂᬫ᭄ᬧᬸ᭞ᬓᬓᬶᬗᭂ
ᬫ᭄ᬧᬹᬩᬧᬗᭂᬫ᭄ᬧᬹ᭞ᬳᬶᬫᬾᬫᬾᬫᬗᭂᬫ᭄ᬩᬦ᭄᭞ᬮᬦ᭄ᬜᬫᬦᬾᬧᬢ᭄ᬧᬢ᭄ᬲᬫᬶ᭞ᬧᬕᭂᬄᬗᭂᬫ᭄ᬧᬸ᭞ᬲᬂᬳ᭄ᬬᬭᬭᬾᬭᬶᬂᬧᬫᬺᬫᬦ᭄᭚ᬲᬫᬶᬫ᭄ᬧᬸ᭞ᬳᬶᬦᬶᬦᬶᬫᬲᬶᬓᭂᬧ᭄ᬲᬥᬸ᭞ᬳᬶᬓᬓᬶᬗᬕᭂᬫ᭄ᬧᭂᬥᬂ᭞ᬳᬶᬩᬧ
ᬫᬗᬕᭂᬫ᭄ᬓ᭄ᬭᬶᬲ᭄᭞ᬧᬥᬗᭂᬫ᭄ᬧᬸ᭞ᬳᬶᬫᬾᬫᬾᬫᬗᬕᭂᬫ᭄ᬘᬓ᭄ᬭ᭚ᬜᬫᬦᬾᬘᬢᬸᬃ᭞ᬳᭂᬦ᭄ᬢᭀᬲᬫᬶᬧᬥᬗᭂᬫ᭄ᬧᬹ᭞ᬫᬋᬧ᭄ᬯᬾᬢᬦ᭄ᬓᬸᬮᭀᬦ᭄᭞ᬮᭀᬃᬓᬶᬤᬸᬮ᭄ᬧᬥᬗᭂᬫᬶᬢ᭄᭞ᬭᬳᬶᬦᬵᬤᬮᬸ᭞ᬳᬾ
ᬓᬲᬫᬶᬫᬯᬶᬰᬾᬱᬵ᭚ᬲᬢᭀᬗᭂᬫ᭄ᬧᬸ᭞ᬲᬶᬗ᭄ᬳᬵᬩᬭᭀᬂᬧᬥᬗᭂᬫ᭄ᬧᬸ᭞ᬕᬚᬄᬯᬭᬓ᭄ᬫᬘᬦ᭄᭞ᬫᬭᬶᬂᬲᭀᬃᬩ᭄ᬟᬵᬯᬂᬧᬸᬢᬶᬄ᭞ᬫᬭᬶᬂᬮᬸᬳᬸᬃ᭞ᬕᬭᬸᬥᬧᬸᬢᬶᬄᬳᬶᬭᬶᬓ᭚ᬥᬹᬃᬕ᭄ᬕᬧᬢᬸᬄ᭞ᬲᬵᬯ᭄ᬯᬳ
[᭙ 9A]
ᬳᬾᬂᬧᬥᬧᬢᬸᬄ᭞ᬤᬦᬾᬧᬥᬳᭀᬮᬲ᭄᭞ᬲᬵᬃᬯ᭄ᬯᬫᬦ᭄ᬤᬶᬧᬥᬳᬲᬶᬄ᭞ᬲᬫᬶᬧᬢᬸᬄ᭞ᬫᬓ᭄ᬚᬵᬂᬧᬥᬫᬦᭂᬫ᭄ᬩᬄ᭚ᬭᬭᬾᬦᬶᬗ᭄ᬲᬸᬦ᭄᭞ᬫᬲᬭᬾᬤᬶᬕ᭄ᬟᭀᬂᬩᬢᬸ᭞ᬓᬮᬱᬦᬾᬓᭀᬘᬧ᭄᭞ᬧᬢᬸᬓᬸᬫᬮᬱ
ᬳᬶᬓᬶ᭞ᬓᬭᬂᬳᬸᬮᬸ᭞ᬯᬢᬸᬳᬶᬳᭂᬫᬾᬧᬸᬦᬶᬓ᭚ᬤᭀᬤᭀᬢ᭄ᬳᬶᬓᬸ᭞ᬫᬤᭀᬢ᭄ᬢᭂᬫ᭄ᬩᬕᬯ᭄ᬮᬸ᭞ᬗᬶᬍᬳᬶᬦ᭄ᬲᬕᬭ᭞ᬕ᭄ᬦᬶᬫᬸᬭᬸᬩ᭄ᬫᬗᬶᬤᭂᬭᬶᬦ᭄᭞ᬕᬸᬦᬸᬂᬧᬶᬢᬸ᭞ᬫᬲ᭄ᬮᬢ᭄ᬲᬕᬭᬲᬗ᭚ᬤᬾᬯᬤᬶᬢᬸ᭞ᬪᬝᬭ
ᬦᬾᬲᬫᬶᬗᭂᬫ᭄ᬧᬸ᭞ᬧᬜ᭄ᬘᬋᬱᬶᬳᬶᬓᬵ᭞ᬧᬢᭂᬓ᭄ᬦᬵᬯᬲᬗ᭄ᬳᬵᬗ᭄ᬫᬶᬢ᭄᭞ᬧᬥᬗᭂᬫ᭄ᬧᬹ᭞ᬲᬂᬳ᭄ᬬᬂᬭᬭᬾᬭᬶᬂᬧᬫᬺᬫᬦ᭄᭚ᬫᬮᬶᬄᬓᬯᬸᬯᬸᬲ᭄᭞ᬫᬶᬚᬶᬮ᭄ᬲᬂᬧᬶᬭᬢ᭄ᬢᬳᬕᬸᬂ᭞ᬢ᭄ᬯᬄᬜᬫᬦᬾᬧᬢ᭄ᬧᬢ᭄ᬓᭀ
ᬘᬧ᭄᭞ᬲᬋᬂᬫᬶᬚᬶᬮ᭄ᬲᬫᬶ᭞ᬲᬫᬶᬗᭂᬫ᭄ᬧᬸ᭞ᬳᬦᬸᬗ᭄ᬕᬸᬭᬭᬾᬧᬸᬦᬶᬓ᭚ᬬᬦᬶᬂᬯ᭄ᬭᬸᬄ᭞ᬭᬶᬂᬜᬫᬦᬾᬳᬶᬓᬘᬢᬸᬃ᭞ᬳᬧᬂᬧ᭄ᬟᬲ᭄ᬢᬯᬂ᭞ᬢᭀᬢᬢᬲᬂᬳᬧᬂᬧᬱ᭄ᬝᬶ᭞ᬢᬸᬦ᭄ᬤᬾᬦ᭄ᬗᭂᬫ᭄ᬧᬸ᭞ᬜᬶᬮᬸᬂᬗ᭄ᬮᬸᬂᬉᬭᬶᬧ᭄ᬮᬦ᭄ᬧ᭄ᬚᬄ
Kaca:Bali-lontar-gaguritan-sebun-bangkung-300ppi.pdf/9
Kaca puniki sampun kauji-wacén
