[᭗ 7B]
᭗
ᬜᬦᬾᬢ᭄ᬯᬄᬳᬩ᭄ᬲᬶᬓ᭄᭞ᬫᭀᬤ᭄ᬭᬾᬳᬶᬓᬸ᭞ᬉᬭᬶᬧ᭄ᬜᬦᬾᬓᬳᬯᬰᬵ᭚ᬩ᭄ᬯᬶᬦ᭄ᬳᬶᬢᬸᬂ᭞ᬉᬭᬶᬧ᭄ᬯ᭄ᬭᬾᬳᬲ᭄ᬢ᭄ᬭᬧᬸᬦᬶᬓᬸ᭞ᬫᬳᬸᬭᬶᬧ᭄ᬮᬮᬶᬫ᭞ᬢ᭄ᬭᬶᬧᬸᬭᬸᬱᬗᬭᬦᬾᬓᬶ᭞ᬦᬾᬢᬮᬸ᭞ᬫᬸᬮᬶᬄᬬᬚᬢᬶᬒᬁᬗ᭄ᬓ
ᬭ᭚ᬘ᭄ᬦᬶᬂᬩᬕᬸᬲ᭄᭞ᬳᬫᭀᬦ᭄ᬢᭀᬓᬓᬶᬫᬦᬸᬢᬸᬃ᭞ᬳᬶᬗᭂᬢᬂᬤᬶᬫᬦᬄ᭞ᬢᬸᬢᬸᬃᬓᬓᬶᬦᬾᬧᬸᬦᬶᬓᬶ᭞ᬗᬭᬦ᭄ᬢᬸᬢᬸᬃ᭞ᬭᬵᬚᬧᬾᬦᬶᬮᬯᬦ᭄ᬚᬦ᭄ᬫ᭚ᬘ᭄ᬦᬶᬂᬩᬕᬸᬲ᭄᭞ᬢᭂᬧᭂᬢ᭄᭞ᬓ᭄ᬦᭂᬳᬾᬲᬳᬶᬭᬸᬭᬸᬄ᭞ᬓᬓᬶᬩ᭄ᬯᬶᬦ᭄
ᬦᬸᬢᬸᬭᬂ᭞ᬳᬦᬳᬓ᭄ᬱᬭᬓᬓᬮᬶᬄ᭞ᬫᬲᬸᬓ᭄ᬯᭂᬢᬸ᭞ᬗᬭᬦ᭄ᬳ᭄ᬬᬂᬭ᭄ᬯᬪᬶᬦᬾᬤ᭄ᬟᬵ᭚ᬘ᭄ᬦᬶᬂᬩᬕᬸᬲ᭄᭞ᬬᬦᬋᬧ᭄ᬢᬵᬧᬜ᭄ᬚᬂᬢᬸᬯᬸᬄ᭞ᬅᬁᬫᬭᬶᬂᬩ᭄ᬭᬳ᭄ᬫᬵ᭞ᬢᬶᬓᬵᬬᬕ᭄ᬮᬭᬂᬉᬭᬶᬧ᭄᭞ᬬᬦᬶᬂᬢᬶᬫᬹᬃ᭞ᬅᬄᬓᬵᬭᬦᬾ
ᬭᬶᬂᬰᬶᬯᬵ᭚ᬘᭂᬦᬶᬂᬩᬕᬸᬲ᭄᭞ᬬᬦᬶᬂᬘᭂᬦᬶᬂᬤᬸᬭᬸᬂᬯ᭄ᬭᬸᬄ᭞ᬓᬓᬶᬩ᭄ᬯᬶᬦ᭄ᬦᬸᬢᬸᬭᬂ᭞ᬳᬦᬲᬚ᭄ᬭᭀᬦᬶᬂᬦᬵᬪᬶ᭞ᬫᬃᬕ᭄ᬕᬵᬲᬸᬦᬹᬢ᭄᭞ᬲᬯ᭄ᬬᬓ᭄ᬢᬶᬦ᭄ᬬᬩ᭄ᬦᭃᬂᬧᬹᬃᬯ᭄ᬯ᭚ᬢᬸᬢᬹᬃᬳᬶᬓᬸ᭞ᬧᬧᬸᬧᬸᬮᬦ᭄ᬗᬭᬦᬾᬓᬸ᭞
[᭘ 8A]
ᬳᬦᬘᬢᬸᬲ᭄ᬨᬢ᭄ᬢ᭞ᬲᬗ᭄ᬓᬾᬂᬭᬶᬓᬵᬢᬢᬲ᭄ᬲᬫᬶ᭞ᬓᬶᬤᬸᬮ᭄ᬢᬸᬚᬸ᭞ᬓᬢᭀᬦ᭄ᬢᬾᬚᬩᬵᬂᬤᬸᬫᬶᬮᬄ᭚ᬢᬸᬢᬹᬃᬳᬶᬓᬸ᭞ᬰ᭄ᬯᬃᬕ᭄ᬕᬦ᭄ᬬᬳ᭄ᬬᬂᬩ᭄ᬭᬳ᭄ᬫᬵᬳᬶᬓᬸ᭞ᬬᬦ᭄ᬭᬶᬂᬓᬸᬮᭀᬦᬶᬓ᭞ᬢᬾᬚᬚ᭄ᬦᬃᬓᬢᭀᬦ᭄ᬗᭂᬦ᭄ᬤᬶᬄ᭞
ᬢᬢ᭄ᬯᬦᬶᬓᬸ᭞ᬰ᭄ᬯᬃᬕ᭄ᬕᬦ᭄ᬬᬳ᭄ᬬᬂᬫᬳᬵᬤᬾᬯ᭚ᬬᬦ᭄ᬓᬤᬸᬮᬸ᭞ᬉᬢ᭄ᬢᬭᬤᬸᬫᬶᬮᬄᬫᬸᬭᬸᬩ᭄᭞ᬓᬵᬢᬸᬢᬸᬭᬦᬶᬓ᭞ᬰ᭄ᬯᬃᬕ᭄ᬕᬦ᭄ᬬᬳ᭄ᬬᬂᬯᬶᬱ᭄ᬡᬸᬚᬢᬶ᭞ᬫᬮᬶᬤᬸᬮᬸ᭞ᬭᬶᬂᬧᬹᬃᬯ᭄ᬯᬫᬳᭂᬦ᭄ᬤᬶᬄᬲ᭄ᬯᬾᬢ᭄ᬢᬵ᭚ᬢᬸᬢᬸᬃᬳᬶᬓᬸ᭞ᬰ᭄ᬯᬃ
ᬕ᭄ᬕᬦ᭄ᬬᬳ᭄ᬬᬂᬇᬰ᭄ᬯᬭᬾᬓᬸ᭞ᬧᬸᬦᬶᬓᬢᬸᬯᬸᬢᬂ᭞ᬳᭂᬦ᭄ᬢᭀᬧᬶᬮᬶᬄᬤᬦᬾᬓᬗᬶᬦ᭄᭞ᬘ᭄ᬦᬶᬂᬩᬕᬸᬲ᭄᭞ᬢᬸᬢᬸᬃᬓᬓᬶᬦᬾᬳᭂᬥᬿᬧᬂ᭚ᬳᬦᬸᬂᬳᬦᬸᬂ᭞ᬧᬸᬦᬧᬶᬳᬭᬦᬶᬂᬳᬦᬸᬂ᭞ᬚᬸᬳᬶᬋᬓᭀᬳᬭᬦ᭄ᬬ᭞ᬓᬸ᭠
ᬫᬺᬩ᭄ᬬᬓ᭄ᬲᬚ᭄ᬭᭀᬦᬶᬳᬢᬶ᭞ᬧᬸᬢᬶᬄᬢᬶᬫᬸᬃ᭞ᬅᬩᬵᬂᬯᬾᬢ᭄ᬢᬦ᭄ᬳ᭄ᬬᬂᬇᬰ᭄ᬯᬭᬵ᭚ᬳ᭄ᬜᬾᬦ᭄ᬤᬶᬢᬸ᭞ᬤᬶᬓᬸᬤᬸᬂᬳᬢᬶᬫᬮᬸᬗ᭄ᬕᬸᬄ᭞ᬳ᭄ᬬᬂᬰᬶᬯᬵᬫᬦᬸᬗ᭄ᬕᬮ᭄᭞ᬭᬶᬂᬢᭂᬗᬄᬧᬸᬢᬶᬳᬶᬂᬳᬢᬶ᭞ᬦ᭄ᬢᭀᬦᬾ
Kaca:Bali-lontar-gaguritan-sebun-bangkung-300ppi.pdf/8
Kaca puniki sampun kauji-wacén
