Kaca:Bali-lontar-gaguritan-sebun-bangkung-300ppi.pdf/72

Saking Wikisource
Kaca puniki sampun kauji-wacén

[᭗᭑ 71B]
᭗᭑
ᬦᬲᬂ᭞ᬲ᭄ᬓᭂᬦᬂᬩᬶᬓᬲᬾᬫᬢᬸᬃ᭚ᬮᬫᬸᬦ᭄‌ᬲᬸᬩᬚᬢᬶᬯᬭᬄᬓᬩᬶᬲᬶᬓᬦ᭄᭞ᬳ᭄ᬤᬵᬩ᭄ᬯᬶᬦ᭄ᬯᬮᬂᬓᬳ᭄ᬬᬸᬦ᭄᭞ᬚᬢᬢ᭄ᬫᬢᬶᬳᬶᬤᬸᬧ᭄᭞ᬳ᭄ᬤᬵᬕᬶᬗ᭄ᬲᬶᬃᬧᬘᬂᬦᬦ᭄ᬤᬶᬗᬶᬦ᭄᭞ᬲᬶᬧᬢᬾᬳᬧᬂᬲᬚᬵ᭞ᬢ
ᬧᬗᬫᬦ᭄ᬢ᭄ᬭᬸᬲ᭄ᬢᬸᬜ᭄ᬚᬸᬂ᭞ᬉᬭᬶᬧᬾᬲᬓᬮᬵ᭞ᬳᬗ᭄ᬕᭀᬦ᭄ᬧᬗᬦ᭄ᬢᬶᬳᬦ᭄ᬢᬶ᭞ᬬᬦ᭄‌ᬲᬸᬩᬕᬦ᭄ᬢᬶ᭠ᬧ᭄ᬭᬮᬬᬵ᭞ᬤ᭄ᬫᭂᬦ᭄ᬳᬢᬶᬦᬾᬳᬗ᭄ᬕᭀᬦᬲᬗᬸ᭚ᬳᬧᬂᬢ᭄ᬓᭂᬓ᭄‌ᬩᬦ᭄ᬫᬗᬶᬲᬶ᭞ᬳᬧᬂᬬᬢ᭄ᬦ᭞ᬚᬯᬢ᭄‌ᬬ
ᬧᬸᬦ᭄ᬤᬸᬢ᭄᭞ᬩᬋᬂᬲᬶᬮᬸᬗ᭄ᬮᬸᬂ᭞ᬫᬤᬲᬃᬩᬦ᭄ᬧᬗᬸᬩᬓ᭄ᬢᬶ᭞ᬤ᭄ᬬᬲ᭄ᬢᬸᬫᬭᬸᬧᬘᬦᬂ᭞ᬓᬾᬢᭀᬢᬶᬗ᭄ᬓᬳᬾᬫᬕᬸᬭᬸ᭞ᬦᬲᬭᬶᬦ᭄ᬳᬶᬤ᭄ᬧᬾᬰᬸᬘ᭄ᬬ᭞ᬫᬗ᭄ᬮᭂᬩᬸᬭᬂᬧᬸᬢᭂᬓ᭄ᬳᬢᬶ᭞ᬳᬜᬸᬢ᭄ᬩᬵᬦ᭄ᬢᬶᬃᬢ᭄ᬢᬦᬶᬃᬫ᭄ᬫᬮ
᭞ᬍᬢᭂᬄᬳᬶᬥᭂᬧᬾᬧᬂᬍᬩᬸᬃ᭚ᬲᬫᭀᬥᬦᬲᬂᬫᬗᬸᬭᬶᬢ᭄᭞ᬤᬸᬄᬳᬫ᭄ᬧᬸᬭᬵ᭞ᬧᬦ᭄ᬮᬶᬯᬢᬶᬂᬤᬸᬲᬸᬦ᭄᭞ᬧᭀᬗᬄᬜᬮᬄᬳᬸᬦ᭄ᬤᬸᬓ᭄᭞ᬦᬾᬢ᭄ᬯᬭᬢᬯᬂᬳᬗ᭄ᬓᬸᬳᬶᬦ᭄᭞ᬳᬧᬂᬫᬶᬭᬶᬩ᭄ᬳᬸᬮᬢ᭄ᬩᬶ
[᭗᭒ 72A]
ᬱ᭞ᬓᬋᬧᬾᬢ᭄ᬯᬄᬤ᭄ᬫᭂᬦ᭄ᬳᬚᬸᬫ᭄᭞ᬤᭀᬢ᭄ᬫᬶᬢᬸᬢᬸᬭᬶᬦ᭄ᬭᭀᬯᬂ᭞ᬳᬧᬂᬮ᭄ᬬᬸᬳᬚᬓ᭄ᬳᬸᬦᬶᬂ᭞ᬢᬢ᭄ᬯᬦᬾᬧᬂᬧᬥᬵᬦᬯᬂ᭞ᬩᬸᬮᬓ᭄ᬩᬮᬶᬓ᭄ᬩᬦ᭄ᬮᬶᬗᬶᬂᬢᬸᬢᬸᬃ᭚ᬲᬸᬩᬧ᭄ᬭᬕᬢ᭄ᬩᬦ᭄ᬫᬗᬸᬭᬶᬢ᭄᭞ᬗᬗ᭄ᬕᭀᬦ᭄ᬢᭂᬫ᭄ᬩᬂ᭞
ᬢᭂᬫ᭄ᬩᬂᬧᬸᬧᬸᬄᬤ᭄ᬫᬸᬂ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬗᬶᬩᬸ ᬮᬃ᭞ᬢᬢ᭄ᬯᬦᬾᬢᭀᬳᬗ᭄ᬕᬾᬦ᭄ᬓᬯᬶᬢ᭄᭞ᬢᬸᬳᬸᬩᬯᭀᬲ᭄ᬩᬮᬶᬓᬸᬭᬂ᭞ᬰᬵᬲ᭄ᬢ᭄ᬭᬦᬾᬢᭀᬳᬗ᭄ᬕᭀᬦ᭄ᬕᬸᬭᬸ᭞ᬫᬤᬲᬃᬧᬜ᭄ᬘᬰᬶᬮ᭞ᬗᬲ᭄ᬢᬶᬢᬶᬭᬶᬂᬲᬗ᭄ᬳ᭄ᬬᬂᬯᬶᬤ᭄ᬟᬶ᭞ᬧ
ᬜ᭄ᬘᬬᬚ᭄ᬜᬦᬾᬕ᭄ᬮᬭᬂ᭞ᬳᬗ᭄ᬕᭀᬦ᭄‌ᬗᬲ᭄ᬢᬶᬢᬶᬭᬵᬳᬬᬸ᭚᭜᭚ᬧᬸᬧᬸᬢ᭄‌ᬲᬶᬦᬸᬭᬢ᭄ᬭᬶᬂᬭᬳᬶᬦᬵ᭞ᬯᬺ᭞ᬧ᭞ᬯᬭᬢᬫ᭄ᬩᬶᬃ᭞ᬢᬶᬣᬶ᭞ᬧᬂ᭞ᬧᬶᬂ᭞᭘᭞ᬰᬰᬶᬄ᭞ᬓ᭞᭑᭐᭞ᬭᬄ᭞᭑᭞
ᬢᭂᬗ᭄ᬕᭂᬓ᭄᭞᭑᭞ᬇᬰᬓ᭞᭑᭙᭑᭑᭞ᬯᬃᬱᬦᬶᬗ᭄ᬮᭀᬓᬵ᭟ᬓᬲᬹᬭᬵᬢ᭄ᬳᬦ᭄ᬢᬸᬓ᭄᭝ᬳᬶᬤᬵᬩᬕᬸᬲ᭄ᬫᬥᬾᬚ᭄ᬮᬡ᭄ᬝᬶᬓ᭄᭞ᬭᬶᬂᬕ᭄ᬭᬶᬬᬵᬓᬘᬶᬘᬂ᭞ᬳᬫ᭄ᬮᬧᬸᬭ᭝ᬓᬭᬗ᭄ᬳᬵᬲᭂᬫ᭄᭟