[᭖᭙ 69B]
᭖᭙
ᬢᬶᬢᬶᬲ᭄᭞ᬧᬢᬶᬢᬶᬲᬾᬫᬳᬸᬢ᭄ᬢᬫ᭞ᬳᬶᬭᬶᬓᬭᬶᬂᬳ᭄ᬦᬶᬗᬶᬂᬓᬳ᭄ᬬᬸᬦ᭄᭚ᬧᬫᬜ᭄ᬘᬸᬢ᭄ᬳᬢ᭄ᬫᬦᬾᬧᬶᬗᬶᬢ᭄᭞ᬭᬶᬂᬧᬤ᭄ᬫᬵᬳᬺᬤᬵᬬ᭞ᬢᬢᬲᬂᬚ᭄ᬯᬤᬶᬢᬸ᭞ᬭᬶᬂᬕᬸᬳ᭄ᬬᬦᬶᬂᬢ᭄ᬮᬸ᭞ᬲᬶᬫ᭄ᬧᭂᬦ᭄ᬭᬶᬂᬭᬳᬲ᭄ᬬᬚᬢᬶ᭞ᬳ
ᬧ᭄ᬯᬶᬦᬾᬭᬶᬂᬦᬵᬪᬶᬋᬓᭀ᭞ᬳᬗ᭄ᬕᬾᬦ᭄ᬧᬗ᭄ᬲᭂᬗᬦ᭄ᬮᭂᬢᬸᬄ᭞ᬧᬗᬦ᭄ᬓᬶᬦᬸᬫᬾᬋᬓᭀ᭞ᬬᬦ᭄ᬯᬸᬲ᭄ᬲᬶᬤ᭄ᬟᬾᬂᬓᬧ᭄ᬢᬶ᭞ᬢᬶᬩᬓᬦᬤᬾᬦᬶᬇᬫᬺᬢ᭄ᬢ᭞ᬳᬢ᭄ᬫᬦᬾᬭᬶᬂᬲ᭄ᬓᬵᬃᬢᬸᬜ᭄ᬚᬸᬂ᭚ᬢᬸᬫᬸᬮᬶᬫᬗᬸᬧᬯᬰᬵ᭞ᬗ
ᬯᬲ᭄ᬘᬾᬬ᭞ᬳᬢ᭄ᬫᬦᬾᬫᬶᬚᬶᬮ᭄ᬳᬶᬓᬸ᭞ᬭᬶᬂᬢ᭄ᬮᭂᬗᬶᬂᬧᬦ᭄ᬫᬵᬫᬸᬭᬸᬩ᭞ᬓᬤᬶᬕ᭄ᬦᬶᬗᬭᬩ᭄ᬚᬢᬶ᭞ᬘᬬᬦᬾᬕᬮᬂᬧᬶᬲᬦ᭄᭞ᬓᬤᬶᬮᬯᬢ᭄ᬭᬶᬂᬫ᭄ᬓᬵᬧᬗᬸᬲ᭄᭞ᬘᬬᬦ᭄ᬮᬗᬶᬢᬾᬕᬮᬂ᭞ᬓᬢᬾᬚᬦᬦ᭄ᬲᬹᬃ
ᬬ᭄ᬬᬰᬰᬶ᭞ᬯᬶᬦ᭄ᬢᬗᬾᬫᬘᬬᬩᬸᬗᬄ᭞ᬕᭀᬩᬦᬾᬫᬶᬮᬄᬫᬸᬭᬸᬩ᭄᭚ᬫᬮᬄᬓᭂᬦ᭄ᬤᭂᬮ᭄ᬓᬤᬾᬦ᭄ᬚᬢᬶ᭞ᬓᬧᬸᬢᬸᬲᬦ᭄᭞ᬢᬾᬦ᭄ᬤᬾᬦ᭄ᬢᬲᬓ᭄ᬮᬸᬯᬸᬂ᭞ᬳ᭄ᬦᬸᬫᬲᬶᬄᬲᬭᬸ᭞ᬚᬢᬶᬮ᭄ᬬᬸᬳ᭄ᬦᬸᬭᬱᬦᬶ
[᭗᭐ 70A]
ᬦ᭄᭞ᬧᬢᬶᬦᬾᬢᭀᬦ᭄ᬤᬾᬦ᭄ᬫᬳᬸᬓᬸᬤᬦ᭄᭞ᬦᬸᬲᬫ᭄ᬩᭂᬦ᭄ᬮᭂᬓᬲᬾᬤᬶᬢᬸ᭞ᬦᬸᬮ᭄ᬬᬧᬺᬮᬶᬡᬬᬂ᭞ᬫᬃᬕ᭄ᬕᬦᬾᬜᭂᬩᬶᬢ᭄ᬜᭂᬩᬶᬢ᭄᭞ᬳᬗ᭄ᬤᬾᬦ᭄ᬜᬫᬗᭂᬥᭂᬂᬧᭂᬜ᭄ᬘᬃ᭞ᬦᬸᬫᬶᬮᬶᬳᬶᬦ᭄ᬫᬜ᭄ᬫᬓ᭄ᬩᬸᬘᬸ᭚ᬲᬶᬂᬜ
ᬓ᭄ᬦᬲᬶᬂᬧ᭄ᬮᬶᬸᬜᬧ᭄ᬮᬶᬄ᭞ᬫᬧᬦ᭄ᬲᭂᬗ᭄ᬓᬵ᭞ᬦᬸᬮ᭄ᬬᬩᬾᬤᬦ᭄ᬜᬤᬶᬢᬸ᭞ᬧᬂᬳ᭄ᬟᭃᬗᬸᬮᬄᬮᬓᬸ᭞ᬮᬫᬸᬦ᭄ᬲᬚᬵᬬᬤᬤᬶ᭞ᬬᬦ᭄ᬤᬶᬚᬮᬦᬾᬩᬾᬤᬵ᭞ᬳᭂᬗ᭄ᬲᬧ᭄ᬫᬫᬸᬮᬶᬲᬄᬩᬶᬗᬸᬂ᭞ᬢ᭄ᬯᬭᬓ᭄ᬦᬩᬦ᭄ᬗᬶᬗᭂᬢᬂ᭞
ᬓᬤᭀᬧᬚᬮᬦᬾᬧ᭄ᬮᬶᬄ᭞ᬳ᭄ᬤᬵᬦ᭄ᬤᬾᬦ᭄ᬧᬢᬶᬜᬕᭂᬭᬂ᭞ᬓᬶᬤᬂᬫ᭄ᬮᬳᬶᬩ᭄ᬢᭀᬦ᭄ᬤᬾᬦ᭄ᬩᬓᬢ᭄ᬳᭂᬚᬸᬓ᭄᭚ᬮᬫᬸᬦ᭄ᬲᬓᬶᬢ᭄ᬳᭂᬗ᭄ᬓᬾᬦ᭄ᬦᬾᬤᬤᬶ᭞ᬓᬕᬧᬸᬓᬂ᭞ᬮᬫᬸᬦ᭄ᬢᭀᬦ᭄ᬤᬾᬦ᭄ᬢᬳᬸ᭞ᬢ
ᬢᬲ᭄ᬦᬯᬂᬢᬸᬢᬸᬃ᭞ᬦᬾᬓᬤᭀᬩ᭄ᬯᬶᬦ᭄ᬓᬧᬗ᭄ᬕᬶᬄ᭞ᬳᬧᬚᬦᬶᬳᬗ᭄ᬕᭀᬦ᭄ᬤᬲᬃ᭞ᬫᬧᬸᬭᬓᬾᬯᭂᬄᬢᬧᬸᬓ᭄᭞ᬜᬵᬦ᭄ᬤᬶᬢᬸᬢᬸᬦ᭄ᬤᬾᬦ᭄ᬜᬗ᭄ᬕ᭄ᬭᬵ᭞ᬳᬧᬂᬳᬤᬵᬫᬦᬸᬮᬸᬗᬶᬦ᭄᭞ᬤᬶᬦᬶᬲᬚᬳᬤᬩ
Kaca:Bali-lontar-gaguritan-sebun-bangkung-300ppi.pdf/70
Kaca puniki sampun kauji-wacén
