[᭖᭘ 68B]
᭖᭘
ᬥᭂᬧ᭄ᬰᬹᬘᬶ᭞ᬧᬗ᭄ᬮᭂᬩᬸᬭᬦ᭄ᬲᬮᬄᬳᬮᬄ᭞ᬢᬸᬤᬸᬄᬢᬸᬤᬶᬂᬲᬸᬩᬧᬢᬹᬢ᭄᭚ᬥᬬᬦ᭄ᬩᬓᬦᬾᬧᬲᬗᬂ᭞ᬳᬧᬂᬬᬢ᭄ᬦ᭞ᬲᬭᬸᬩᬦ᭄ᬧᬗᬧᬸᬲ᭄᭞ᬲ᭄ᬫᬸᬳᬧᬂᬮᬸᬳᬸᬂ᭞ᬧᬮ᭄ᬬᬢᬾᬳᬧᬂᬓᬲᬶᬄ᭞
ᬜᬶᬳ᭄ᬦᬵᬬᬂᬳᬶᬥᭂᬧᬾᬚ᭄ᬦᬵᬃ᭞ᬓᭂᬫᬶᬓᬦ᭄ᬩᬶᬩᬶᬄᬳᬾᬧᬗᬸᬲ᭄᭞ᬢᬶᬗ᭄ᬕᬲᬂᬓᬬᬂᬓᬵᬢ᭄ᬗᬄ᭞ᬳᬧᬂᬳ᭄ᬤᬵᬚ᭄ᬯᬫᬘᬶᬭᬶ᭞ᬫᬾᬭᬗᬾᬲᭂᬧᭂᬮ᭄ᬳᬶᬮᬶᬤᬂ᭞ᬳᬢᬶᬢᭂᬧᭂᬢ᭄ᬳᬗ᭄ᬕᬾᬦ᭄ᬫᬗᬧᬸᬲ᭄
᭚ᬲᬸᬮᬸᬳᬶᬦ᭄ᬫᬮᬸᬤᬶᬳᬓ᭄᭞ᬘᬶᬭᬶᬦ᭄ᬫ᭄ᬦᬵᬂ᭞ᬳᬧᬂᬲᬶᬤ᭄ᬟᬵᬘᬮᬸᬄ᭞ᬤᬶᬢᬸᬳᬧᬂᬲᬭᬸ᭞ᬮᬫᬸᬦ᭄ᬳᬜᭂᬢᬾᬫᬓᭂᬩ᭄ᬬᬄᬕᬶᬥᬶᬄ᭞ᬫᭂᬦ᭄ᬢᬶᬓ᭄ᬤ᭄ᬫᭂᬦ᭄ᬫᬲᬯᬂᬍᬕ᭞ᬓᭂᬦ᭄ᬟᭂᬮᬯᬦᬳᬾᬤᬶᬢᬸ᭞
ᬗᬫᭀᬂᬪᬵᬕ᭄ᬬᬦᬾᬢ᭄ᬓᬵ᭞ᬳᬫᭀᬦ᭄ᬢᭀᬩᬳᬦ᭄ᬗᬹᬮᬢᬶ᭞ᬢᬦᬸᬭᬸᬗᬦ᭄ᬧᬘᬂ᭠ᬲᬶᬤ᭄ᬟᬵ᭞ᬲᬤ᭄ᬬᬦᬾᬬᬧᬘᬂᬢᭂᬧᬸᬓ᭄᭚ᬳ᭄ᬤᭃᬚᭃᬩ᭄ᬯᬶᬦ᭄ᬦᭀᬮᬶᬄᬓᬲᬫ᭄ᬧᬶᬂ᭞ᬗᬾᬦ᭄ᬤᬄᬧᬾ
[᭖᭙ 69A]
ᬮᬕ᭄᭞ᬭᬶᬫ᭄ᬩᬶᬢ᭄ᬤᬢᬳᬶᬢᬸᬂ᭞ᬫᬸᬦ᭄ᬥᬸᬃᬳᬯᬓᬾᬮᬦ᭄ᬢᬸᬤ᭄᭞ᬲᬤ᭄ᬬᬦᬾᬳᭂᬦ᭄ᬢᭀᬕᬲᬶ᭞ᬳᬸᬗ᭄ᬲᬶᬕᬗ᭄ᬕᭀᬦ᭄ᬳᬶᬲᬶᬦ᭄ᬤᬸᬮᬂ᭞ᬩᭂᬓᭂᬮ᭄ᬳᬗ᭄ᬕᭀᬦ᭄ᬦᬸᬦ᭄ᬢᬸᬢ᭄ᬳᬶᬤᬸᬧ᭄᭞ᬗᬸᬗ᭄ᬲᬶᬲᬤ᭄ᬬᬦᬾᬓᬯ᭄ᬓᬲ᭄᭞ᬤᬦᬾᬕᬓᬮ᭄ᬳ
ᬗ᭄ᬕᭀᬦ᭄ᬢᬶᬢᬶ᭞ᬢᭂᬫ᭄ᬩᬾᬦᬶᬂᬦᬸᬫᬥᬶᬚᬦ᭄ᬫᬵ᭞ᬳᬢ᭄ᬫᬵᬦᬾᬫᬗ᭄ᬕᬸᬄᬭᬵᬳᬬᬸ᭚ᬬᬦ᭄ᬧ᭄ᬭᬤᬾᬩ᭄ᬮᭀᬕᬾᬕᬶᬲᬶ᭞ᬢᬦ᭄ᬧᬰᬵᬲ᭄ᬢ᭄ᬭ᭞ᬫᬲᬵᬩ᭄ᬢᭂᬓ᭄ᬩᬦ᭄ᬢᬸᬢᬸᬃ᭞ᬫᬸᬦ᭄ᬤᬸᬃᬲᬬᬦ᭄ᬮᬶᬗ᭄ᬮᬸᬂ᭞ᬧᬹᬃᬡ᭄ᬦᬫᬢᬶᬍᬫ᭄ᬳᬶᬫ᭄ᬧᬲᬶᬦ᭄᭞ᬲᬶᬂ᭠
ᬢᬳᬾᬦ᭄ᬫᬦᬸᬦᬲ᭄ᬳᬶᬘ᭄ᬘᬵ᭞ᬮ᭄ᬬᬢᬢᬸᬚᭀᬦᬾᬳᬶᬢᬸᬂ᭞ᬩ᭄ᬭᬗ᭄ᬢᬶᬫᬗᭂᬦᭂᬳᬶᬦ᭄ᬮᬬᬄ᭞ᬧ᭄ᬲᬸᬭᬯᭀᬲᬾᬧ᭄ᬤᬶᬄ᭞ᬫᬗᬶᬢᬸᬗᬂᬢ᭄ᬯᬭᬳᬤᬵ᭞ᬫᬯ᭄ᬢᬸᬫᬦᬳᬾᬩᬶᬗᬸᬂ᭚ᬳ᭄ᬦᬾᬳᬤᬮᬶᬗᬶᬂᬳᬚᬶ᭞ᬫᬳᬸᬢ᭄ᬢ
ᬫ᭞ᬧᬦ᭄ᬢᭂᬲ᭄ᬳᬗ᭄ᬕᭀᬦ᭄ᬢᬸᬢᬸᬃ᭞ᬧᬂᬳ᭄ᬤᬵᬲᬬᬦ᭄ᬩᬶᬗᬸᬂ᭞ᬧᬸᬃᬡ᭄ᬦᬫᬢᬶᬍᬫ᭄ᬫᬩᬺᬲᬶᬄ᭞ᬫᬫ᭄ᬢᬶᬓ᭄ᬧ᭄ᬭᬶᬜ᭄ᬘᬶᬦᬶᬂᬢᬢ᭄ᬬ᭞ᬢᬸᬢᬸᬓ᭄ᬚᬭᬶᬚᬶᬦᬾᬳᬶᬢᬸᬂ᭞ᬲᬫ᭄ᬩᬮ᭄ᬫᬗᬸᬬᬸᬧ᭄ᬳᬗ᭄ᬓ᭄ᬬᬦ᭄᭞ᬧᬜ᭄ᬚᬂᬳᬗ᭄ᬓ᭄ᬬᬦᬾᬫᬵ
Kaca:Bali-lontar-gaguritan-sebun-bangkung-300ppi.pdf/69
Kaca puniki sampun kauji-wacén
