[᭔᭘ 48B]
᭔᭘
ᬢ᭄ᬢᬶᬭᬶᬂᬲᬶᬱ᭄ᬬ᭞ᬗᬃᬥᬶᬮᬦ᭄ᬤᬸᬄᬢᬶᬓᬂᬪᬹᬫᬶ᭞ᬯᬢᭂᬓ᭄ᬭᬢᬸ᭞ᬩ᭄ᬭᬳ᭄ᬫᬡᬯᬾᬱ᭄ᬬᬮᬦ᭄ᬲᬸᬤᬺ᭚ᬲᬫᬶᬧᬥᬧ᭄ᬭᬫᬘᬸᬓ᭞ᬮ᭄ᬯᬶᬄᬧᬫᬹᬓ᭄ᬢᬶᬦᬶᬂᬪᬹᬫᬶ᭞ᬲᬯᭂᬗ᭄ᬓᭀᬦᬶᬂᬳᬶᬦ᭄ᬤᭀᬦᬾᬱ᭄ᬬ᭞ᬲᬓ᭄ᬯᬾᬄᬯᬗ᭄ᬰᬲᬫᬶᬫᬹᬚᬶ᭞ᬲᬫᬶᬧ
ᬥᬫᬦᬸᬭᭀᬦᬶᬦ᭄᭞ᬧᬥᬲᬫᬶᬲᬸᬓᬾᬂᬓᬳ᭄ᬬᬸᬦ᭄᭞ᬋᬡᬗᬓᬺᬢ᭄ᬢᬦᬶᬂᬚᬕᬢ᭄᭞ᬧᬢᬸᬄᬚᬤ᭄ᬫᬵᬫᬓᬲᬫᬶ᭞ᬲᬫᬶᬮᬦ᭄ᬤᬸᬄ᭞ᬲᬓᬶᬂᬲᬂᬳ᭄ᬬᬂᬯᬶᬥᬶᬲ᭄ᬯᬾᬘ᭄ᬘᬵ᭚ᬦᬾᬫᬗ᭄ᬓᬶᬦ᭄ᬫᬮᬶᬄᬘᬭᬶᬢ᭞ᬢᬶᬗ᭄ᬓᬄᬲᬂᬩᬕᬯᬦ᭄ᬟᬮᬶ᭞
ᬫᭃᬂᬧᭃᬂᬓᬲ᭄ᬫᬵᬭᬦ᭄ᬋᬓᭀ᭞ᬲᬢ᭄ᬬᬲᬫᬶᬮᬦᬂᬳᬶᬲ᭄ᬢ᭄ᬭᬶ᭞ᬮ᭄ᬯᬶᬃᬓᬸᬫ᭄ᬩᬂᬗᬶᬲᭂᬧ᭄ᬲᬭᬶ᭞ᬳᬸᬮᬗᬸᬦ᭄ᬲᬫᬲᬮᬸᬮᬸᬢ᭄᭞ᬫᬢᭂᬫ᭄ᬯᬂᬲ᭄ᬫᬭᬵᬢᬦ᭄ᬢ᭄ᬭ᭞ᬫᬜᬸᬲᬸᬧ᭄ᬲᬚ᭄ᬭᭀᬦᬶᬂᬳᬢᬶ᭞ᬰᬓ᭄ᬢᬶᬦ᭄ᬭᬸᬲ᭄᭞ᬗᬺᬲᭂᬧ᭄ᬲᬚ᭄ᬭᭀ
ᬦᬶᬂᬰᬭᬶᬭ᭚ᬓᬲ᭄ᬯᬾᬦ᭄ᬳᬶᬤᬵᬫᬭᬩ᭄ᬬᬦ᭄᭞ᬮᬯᬦ᭄ᬤᬾᬯᬶᬲᬸᬓᬲᬾᬦᬶ᭞ᬭᬭᬶᬲ᭄ᬫᬵᬗ᭄ᬓᬾᬤᬵᬫᭀᬩᭀᬢ᭄᭞ᬫ᭄ᬢᬸᬧᬸᬢ᭄ᬭᬦ᭄ᬜᬦᬾᬫᬗ᭄ᬓᬶᬦ᭄᭞ᬓ᭄ᬯᬾᬄᬘᬶᬭᬶᬦ᭄ᬜᬦᬾᬮᬸᬯᬶᬄ᭞ᬩᬕᬾᬡ᭄ᬟᬲᬸᬓᬭᬶᬂᬓᬳ᭄ᬬᬸᬦ᭄᭞ᬩᬕᬸ
[᭔᭙ 49A]
ᬲ᭄ᬯᬃᬡ᭄ᬦᬦᬾᬕᬸᬫᬶᬮᬂ᭞ᬓᬤᬶᬯᭀᬂᬰ᭄ᬯᬃᬕ᭄ᬕᬦ᭄ᬜ᭄ᬮᭂᬳᬶᬦ᭄᭞ᬲᬫᬶᬳᬸᬢᬸᬦ᭄᭞ᬫᬳᬵᬭᬦ᭄ᬭᬤᬾᬦ᭄ᬫᬸᬳᬫᬤ᭄᭚ᬲᬓᬳᬶᬂᬓᬥᬂᬫᬶᬢ᭄ᬭ᭞ᬲᬫᬶᬳᬲᬶᬄᬮᬦᬂᬳᬶᬲ᭄ᬢ᭄ᬭᬶ᭞ᬧᬤᬵᬋᬓᬾᬫᬜᬬᬗᬂ᭞ᬭᬭᬾᬦᬾ
ᬗᭂᬜᬸᬤᬶᬦ᭄ᬳᬢᬶ᭞ᬳᬦᬓ᭄ᬳᭀᬥᬄᬢᬫᬗ᭄ᬓᬶᬦ᭄᭞ᬫ᭄ᬬᬃᬱᬵᬩᬕᬾᬦ᭄ᬟᬵᬓᬯᬸᬯᬸᬲ᭄᭞ᬳᬶᬳᭀᬥᬄᬓᬮᬶᬦ᭄ᬢᬂᬲᬸᬓᬵ᭞ᬭᬶᬂᬳᬶᬤᬵᬲᬂᬩᬕᬦ᭄ᬟᬵᬮᬶ᭞ᬢᬹᬃᬓᬢᬸᬭᬦ᭄᭞ᬫ᭄ᬮᬶᬗ᭄ᬕᬶᬄᬭᬶᬂᬦᬵᬕᬭᬲ᭄ᬬᬵᬫ᭄᭚ᬫ᭄ᬯᬄ
ᬓᬢᬸᬭᬦ᭄ᬭᬚᬵᬩ᭄ᬭᬡᬵᬲᬤᬕᬶᬂᬓᬳ᭄ᬬᬸᬦ᭄ᬳᬸᬮᬸᬭᬶᬦ᭄᭞ᬫᬶᬯᬄᬧᬸᬭᬶᬳᬧ᭄ᬮᭃᬩᬳᬦ᭄᭞ᬲᬫ᭄ᬧᬸᬦ᭄ᬯᬾᬦ᭄ᬓᬘᬸᬫᬯᬶᬲ᭄᭞ᬫᬓᬧᬢᬶᬃᬢ᭄ᬢᬦ᭄ᬓᬂᬪᬹᬫᬶ᭞ᬳᬶᬭᬶᬓᬵᬳᬶᬤᬵᬫᬮᬸᬗ᭄ᬕᬸᬄ᭞ᬳᬶᬭᬶᬓᬭᬶᬂ
ᬦᬵᬕᬭᬲ᭄ᬬᬵᬫ᭄᭞ᬭᬩᬶᬦᬾᬫᬮᬶᬄᬕᬃᬩ᭄ᬪᬶᬡᬶ᭞ᬫᬮᬶᬄᬫᭂᬢᬸ᭞ᬦᬾᬳᬮᬶᬢᬦ᭄ᬭᬤᬾᬦ᭄ᬅᬫᬤ᭄᭚ᬩᬕᬾᬦ᭄ᬟᬲᬸᬓᬭᬶᬘᬶᬢ᭄ᬢ᭞ᬲᬋᬂᬤᬾᬯᬶᬲᬸᬓᬲᬾᬦᬶ᭞ᬧᬤᬫᬸᬧᬸᬓᬲ᭄ᬫᬭᬦ᭄᭞᭠
Kaca:Bali-lontar-gaguritan-sebun-bangkung-300ppi.pdf/49
Kaca puniki sampun kauji-wacén
