[᭔᭖ 46B]
᭔᭖
ᬦ᭄᭞ᬧ᭄ᬬᬦᬓ᭄ᬢᬶᬢ᭄ᬬᬂᬧᬸᬦᬶᬓᬸ᭞ᬲᬓᬭᬶᬧᬢᬸᬢ᭄ᬳᬶᬭᬶᬓᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬢᬸᬭᬂ᭞ᬭᬶᬂᬳᬶᬭᬢᬸᬲᬢ᭄ᬧᬦᬸᬓᬸ᭞ᬦᬵᬗ᭄ᬳᬶᬂᬤᬯᭂᬕ᭄ᬲᬶᬦᬫ᭄ᬧᬸᬭᬵ᭞ᬯᭀᬂᬯᬶᬫᬸᬥᬵ᭞ᬤᬕᬶᬂᬲᬧᬓᬬᬸᬦ᭄ᬳᬸᬕᬶ᭞ᬳᬶᬧᬸᬦ᭄ᬳᬗ᭄ᬕᬾᬦ᭄ᬢᬶ
ᬢ᭄ᬬᬂᬮᬶᬬᬢ᭄᭚ᬲᬸᬓᬲᬶᬭᬩᬕᬾᬦ᭄ᬟᬜᬯᬸᬭᬶᬦ᭄᭞ᬓᬾᬢᭀᬩᬧᬵ᭞ᬲᬸᬩᬕ᭄ᬬᬦᬭᬶᬫ᭞ᬳ᭄ᬬᬸᬦ᭄ᬢ᭄ᬯᬦ᭄ᬳᬩᬶᬢᬾᬚᬢᬶᬧᬥᬲᬸᬓᬫᬭᬶᬂᬓᬳ᭄ᬬᬸᬦ᭄᭞ᬩᬕᬾᬡ᭄ᬟᬭᬶᬂᬢ᭄ᬯᬦ᭄ᬳᬩᬶᬢ᭄᭞ᬫᬗ᭄ᬓᬾᬲ
ᬫᬶᬧᬥᬋᬡᬵ᭞ᬲᬓᬲᬾᬦᬶᬲᬵᬫ᭄ᬧᬦᬓᬢᬹᬃ᭞ᬓᬕᬵᬃᬯ᭄ᬯᬦ᭄ᬢᬸᬓ᭄ᬩᬕᬾᬦ᭄ᬟ᭞ᬳᬯᭀᬃᬧᬶᬲᬦ᭄᭞ᬦᬸᬢᬹᬃᬢᬶᬦᬸᬢᬸᬭᬦ᭄ᬫᬗ᭄ᬓᬶᬦ᭄᭞ᬫᬲᬮᬶᬦ᭄ᬲᬶᬦᭀᬫ᭄ᬓᬂᬢᭂᬫ᭄ᬩᬂ᭚᭜᭚ᬲᬶᬦᭀᬫ᭄
᭚᭜᭚ᬯᬾᬦ᭄ᬢᭂᬦ᭄ᬧᬗᬦ᭄ᬢᬶᬦᬶᬂᬘ᭄ᬭᬶᬢ᭄ᬢ᭞ᬯᬢᭂᬓ᭄ᬤᬾᬯᬢᬦᬾᬲᬫᬶ᭞ᬫᬶᬯᬄᬯᬢᭂᬓ᭄ᬋᬱᬶᬋᬓᭀ᭞ᬕᬦ᭄ᬟᬃᬯ᭄ᬯᬫᬶᬯᬄᬕᬦ᭄ᬤᬃᬯ᭄ᬯᬶ᭞ᬲᬫᬶᬧᬥᬮᬶᬦ᭄ᬢᬂᬲ᭄ᬤᬶᬄ᭞ᬫᬾᬮᬶᬂᬳᬶᬤᬵᬫ
[᭔᭗ 47A]
ᬭᬶᬂᬓᬳ᭄ᬬᬸᬦ᭄᭞ᬓᬾᬦᬾᬧᬫᬲ᭄ᬢᬸᬦᬶᬂᬳ᭄ᬬᬂ᭞ᬲᬓᬶᬂᬲᬸᬓ᭄ᬱ᭄ᬫᬯᬶᬦᬶᬱ᭄ᬝᬶ᭞ᬳ᭄ᬬᬂᬯᬶᬥᬶᬓᬸ᭞ᬫᬫᬲ᭄ᬢᬸᬲᬓᬾᬂᬲᬸᬓ᭄ᬱ᭄ᬫᬵ᭟ᬲᬫᬶᬳᬗ᭄ᬯᬗᬹᬦ᭄ᬧ᭄ᬭᬬᭀᬕ᭞ᬫ᭄ᬬᬰᬫᬬᭀᬕᬫᬓᬾᬃᬢ᭄ᬢᬶ᭞ᬫᬦᬸᬗ᭄ᬕᬮᬂᬤᬰᬾᬦ᭄ᬤ᭄ᬭᬶᬬ᭞ᬧᬵ
ᬜ᭄ᬘᬯᬶᬰᬬᬦᬾᬫᬗ᭄ᬓᬶᬦ᭄᭞ᬩᬬᬸᬰᬩ᭄ᬟᬇᬥᭂᬧ᭄ᬢᬸᬗ᭄ᬕᬶᬮ᭄᭞ᬫ᭄ᬭᬕᬧ᭄ᬭᬮᬶᬡᬲᬵᬫ᭄ᬧᬸᬦ᭄᭞ᬧ᭄ᬭᬡᬩᬬᬸᬫᬶᬯᬄᬅᬢ᭄ᬫᬵ᭞ᬫ᭄ᬭᬕᬧ᭄ᬭᬮᬶᬡᬲᬫᬶ᭞ᬳ᭄ᬦᬶᬂᬓᬳ᭄ᬬᬸᬦ᭄᭞ᬲᬫᬶᬳᬶᬤᬵᬜᬸᬓ᭄ᬮᬭᬵᬕ᭄ᬕ᭚ᬢ᭄ᬯᬶᬲᬶᬥᬶᬗ᭄ᬯ
ᬗᬸᬦ᭄ᬩ᭄ᬭᬢ᭄ᬚ᭞ᬳᬶᬘ᭄ᬙᬮᬸᬕ᭄ᬭᬳᬵᬳ᭄ᬬᬂᬯᬶᬥᬶ᭞ᬫᬗ᭄ᬓᬶᬦ᭄ᬓᬳ᭄ᬬᬸᬦ᭄ᬳᬶᬤᬵᬜᬸᬧᬢ᭄᭞ᬓ᭄ᬭᬦ᭄ᬭᬓᬦ᭄ᬤᬾᬯᬦᬾᬲᬫᬶ᭞ᬕᬦ᭄ᬟᬃᬯ᭄ᬯᬫᬶᬯᬄᬕᬦ᭄ᬟᬃᬯ᭄ᬯᬶ᭞ᬓᬮᬸᬕ᭄ᬭᬫᬫᬗ᭄ᬕᬶᬄᬳᬬᬸ᭞ᬢᬶᬦᬶᬩᬓᭂᬦ᭄ᬧᬹ
ᬚᬯᬾᬤ᭄ᬟᬵ᭞ᬫᬳᬵᬃᬤ᭄ᬟᬶᬓᬵᬓᬤᬶᬗᬹᬦᬶ᭞ᬲᬦᬾᬓᬦ᭄ᬢᬸᬦ᭄᭞ᬳ᭄ᬬᬂᬰᬶᬯ᭄ᬯᬫ᭄ᬯᬂᬳ᭄ᬬᬂᬮᬸᬫᬗ᭄ᬮᬵᬂ᭚ᬪᬕᬯᬦ᭄ᬮᬸᬫᬗ᭄ᬮᬵᬂᬓᭀᬘᬧ᭄᭞ᬓᬦ᭄ᬢᬸᬦ᭄ᬤᬤᭀᬲ᭄ᬕᬕᬓ᭄ᬧᬸᬢᬶᬄ᭞ᬫᬗ᭄ᬮᬬᬂᬗᬸᬫ᭄ᬩᬭᬵᬤᬾ
Kaca:Bali-lontar-gaguritan-sebun-bangkung-300ppi.pdf/47
Kaca puniki sampun kauji-wacén
