Kaca:Bali-lontar-gaguritan-sebun-bangkung-300ppi.pdf/42

Saking Wikisource
Kaca puniki sampun kauji-wacén

[᭔᭑ 41B]
᭔᭑
ᬢᬸᬳᬦ᭄᭞ᬬᬦᬶᬂᬢᬶᬢ᭄ᬬᬂᬩᬸᬤᬮ᭄ᬫᬗ᭄ᬓᬶᬦ᭄᭞ᬢᬦᬸᬭᬸᬂᬫᬗ᭄ᬕᬶᬄᬲᬗ᭄ᬲᬭᬵ᭚ᬳᬦ᭄ᬢᬸᬓ᭄‌ᬫᬶᬜᬓ᭄ᬢᬶᬢ᭄ᬬᬂᬢᬦ᭄ᬓᬭᬶ᭞ᬕᬸᬘᬶᬩ᭄ᬮᬄ᭞ᬓ᭄ᬯᬾᬳᬗ᭄ᬕᬾᬦ᭄ᬳᬶᬯᬂ᭞ᬩᭀᬬᬵᬮᬦᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬩᬕᬶᬡ᭄ᬟᬯ᭄ᬮᬲ᭄ᬭᬶᬓᬳ᭄ᬬᬸᬦ᭄
᭞ᬫᬶᬋᬂᬲ᭄ᬯᬭᬵᬦᬂᬲᬂᬳᬮᬶᬢ᭄᭞ᬓᬤᬶᬕᬸᬬᬸᬗᬦ᭄ᬤᬶᬓᬵ᭞ᬦᬄᬓᬾᬦᬾᬜᬳᬶᬲᬂᬳᬬᬸ᭞ᬮᬫᬸᬦ᭄ᬜᬓ᭄‌ᬢ᭄ᬓᬾᬦᬶᬂᬩᬧᬵ᭞ᬩᬧᬵᬗᬢᭂᬧᬂ᭞ᬲᬓᬵᬲᬾᬦᬶᬫᬢᬸᬃᬳᬭᬶᬲ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭚ᬩ
ᬕᬾᬡ᭄ᬟᬭᬭᬶᬲ᭄‌ᬗᬫ᭄ᬩᬶᬮ᭄ᬕᬸᬘᬶ᭞ᬓᬳᬢᭂᬧᬂ᭞ᬯ᭄ᬯᬲ᭄ᬚᬢᬶᬫᬹᬮ᭄ᬬ᭞ᬫᬗ᭄ᬓᬶᬦ᭄ᬓᬧᭂᬲᭂᬂᬢᬦᬳᬾ᭞ᬧ᭄ᬲᬸᬍᬗᬶᬲ᭄ᬫ᭄ᬫᬦ᭄ᬮᭂᬩᬸᬢ᭄᭞ᬲᬵᬫ᭄ᬧᬸᬦ᭄ᬬᬫᬯᬥᬄᬕᬸᬘᬶ᭞ᬳ᭄ᬬᬂᬧ᭄ᬭᬢᬶᬯᬶᬭᬭᬶᬲ᭄ᬫᭂᬤᬮ᭄᭞ᬩᬕᬾᬡ᭄ᬟᬵᬘᭀ
ᬗᬄᬳᬗ᭄ᬓᬸᬄ᭞ᬫ᭄ᬯᬄᬯ᭄ᬓᬲᬦ᭄‌ᬬᬦ᭄ᬧ᭄ᬚᬵᬄ᭞ᬳᬶᬗ᭄ᬲᬸᬦ᭄ᬢᬦ᭄ᬧᬳᬧ᭄ᬬ᭞ᬍᬢᬸᬳᬾᬓᬭᬶᬦ᭄ᬭᬸᬯᬾᬦᬶᬦ᭄᭞ᬢᬦ᭄ᬧᬓᬾᬃᬢ᭄ᬢᬶᬧᬸᬢᬸᬲᬦ᭄ᬬ᭚ᬲᬫᬗ᭄ᬓᬦᬧᬲ᭄ᬢᬸᬦᬶᬭᬂᬩᬲᬸᬦ᭄ᬟᬭᬶ᭞ᬭᬶᬂᬩᬕᬾᬦ᭄ᬟᬵᬭᬶᬓᬯ᭄ᬓ
[᭔᭒ 42A]
ᬲᬦ᭄ᬬ᭞ᬭᬶᬓᬵᬮᬦ᭄ᬲᬶᬤ᭄ᬟᬵᬓᬧᬢᬶ᭞ᬕᬸᬂᬳᬫ᭄ᬧᬸᬭᬵᬓᬸᬧᬸᬓᬸᬮᬸᬦ᭄᭞ᬢᬶᬢ᭄ᬬᬂᬫᬢᬹᬃᬭᬶᬂᬢ᭄ᬬᬂᬓ᭄ᬱᬶ᭠ᬢᬶ᭞ᬭᬭᬾᬓᬶᬓᬮᬭ᭞ᬦᭀᬭᬲᬬᬂᬳᬦ᭄ᬢᬸᬓ᭄‌ᬇᬩᬸ᭞ᬫᬦᬗᬶᬲ᭄ᬓᬳᬾᬭᬂᬳᬾᬭᬂ᭞ᬲᬶᬭᬲᬸᬓᬵ᭞ᬗ
ᬫ᭄ᬩᬶᬮ᭄ᬫᬶᬜᬓ᭄‌ᬯᬾᬢ᭄ᬦᬶᬂᬫᬶᬲ᭄ᬓᬶᬦ᭄᭞ᬢᬦᬸᬭᬸᬂᬫᬦᬤᭀᬲ᭄‌ᬳᬸᬢ᭄ᬢᬂ᭚ᬢ᭄ᬯᬶᬳᬦᬧᬲ᭄ᬢᬸᬲᬂᬓᬯᬶ᭞ᬫᬗᬯᭂᬦᬂᬳᬦᬮᬮᬫ᭄ᬧᬳᬦ᭄᭞ᬩᬕᬶᬡ᭄ᬟᬮᬶᬦ᭄ᬢᬂᬥᬃᬫᬵᬦᬾ᭞ᬭᬭᬶᬲ᭄ᬫᬗᬦ᭄ᬤᬶᬓᬵᬳᬮᬸᬲ᭄᭞ᬩᬦ᭄‌ᬍᬗᬶᬲᬾ
ᬲᬵᬫ᭄ᬧᬸᬦ᭄‌ᬓ᭄ᬦᬶ᭞ᬜᬳᬶᬳᬶᬗᭂᬢ᭄ᬭᬶᬂᬲᬸᬩᬬᬵ᭞ᬲᬸᬓᬲᬾᬦᬶᬭᬭᬶᬲ᭄ᬫᬢᬹᬃ᭞ᬩᭀᬬᬵᬢᬶᬢ᭄ᬬᬂᬫᬵᬗ᭄ᬮᬮᬶᬬᬂ᭞ᬭᬶᬂᬧᬶᬯ᭄ᬮᬲ᭄᭞ᬲ᭄ᬮᬫᬶᬳᬶᬤᬸᬧ᭄‌ᬭᬯᬸᬄᬫᬢᬶ᭞ᬳᬾᬮᬶᬂᬢᬶᬢ᭄ᬬᬂᬭᬶᬂᬳᬸᬩᬬᬵ᭚ᬲᬸᬓᬵᬲᬾᬦᬶ᭠
ᬫᬗ᭄ᬓᬶᬦ᭄ᬫᬫᬧᬫᬶᬢ᭄᭞ᬲᬶᬗ᭄ᬕᬶᬄᬢᬶᬢ᭄ᬬᬂ᭞ᬫᬗ᭄ᬓᬶᬦ᭄ᬧᬘᬂᬮ᭄ᬯᬲ᭄᭞ᬗᬤᭀᬮ᭄ᬫᬶᬜᬓ᭄ᬫᬗ᭄ᬤᬮᬦ᭄ᬢᬶᬄ᭞ᬩᬕᬶᬦ᭄ᬟᬵᬗᬦ᭄ᬤᬶᬓᬵᬳᬮᬸᬲ᭄᭞ᬉᬥᬸᬄᬜᬳᬶᬲᬸᬓᬵᬲᬾᬦᬶ᭞ᬯᬲ᭄ᬢᬸᬜᬕᬶᬦ᭄ᬫᬸᬩᬕ᭄ᬬ᭞ᬲᬥᬵᬦᬦᬾ᭠