Kaca:Bali-lontar-gaguritan-sebun-bangkung-300ppi.pdf/41

Saking Wikisource
Kaca puniki sampun kauji-wacén

[᭔᭐ 40B]
᭔᭐
ᬭᬶᬲᬳᬶᬤᬵ᭞ᬕ᭄ᬟᬶᬲ᭄ᬫᬦᬸᬭᬸᬦᬂ᭞ᬩᬕᬶᬦ᭄ᬟᬵᬮᬶᬳᬭᬦᬾᬓᬶ᭞ᬦᬵᬗ᭄ᬳᬶᬂᬦᭀᬭᬚ᭄ᬦᭂᬓ᭄‌ᬮᬸᬗ᭄ᬕᬸᬄ᭞ᬭᬶᬂᬚᬕᬢ᭄ᬳᬶᬤᬵᬫᬮᬶᬗ᭄ᬕᬶᬄ᭞ᬫᬮᬶᬄᬰᬓ᭄ᬢᬶᬦᬾᬓᬮᬶᬦ᭄ᬢᬂ᭞ᬢᬸᬃᬯᬶᬃᬬ᭄ᬬᬦᬾᬓᬯᬶᬦᬸᬯᬸᬲ᭄᭞ᬳᬶᬤᬵᬫᬜᬗ᭄ᬓᬄᬦ
ᬕᬭ᭞ᬫᬭᬶᬂᬤᬸᬦ᭄ᬬ᭞ᬲᬋᬂᬢᬶᬕᬢᬶᬓᬲᬫᬶ᭞ᬲᬫᬫᬜᬗ᭄ᬓᬄᬦᬵᬕᬭ᭚ᬯᬾᬦ᭄ᬢᭂᬦ᭄ᬋᬓᭀᬩᬕᬶᬡ᭄ᬟᬫᬮᬶᬄᬓᬓᬮᬶᬄ᭞ᬫᬧᭂᬲᬾᬗᬦ᭄᭞ᬩᬕᬾᬡ᭄ᬟᬲᬸᬮᬾᬫᬦ᭄᭞ᬫ᭄ᬯᬂᬩᬕᬵᬡ᭄ᬟᬵᬬᬄᬫᬮᬶᬄ
᭞ᬲᬫᬲᬫᬰᬓ᭄ᬢᬶᬦᬶᬓᬸ᭞ᬯ᭄ᬦᬂᬳᬦᬯ᭄ᬦᬂᬢᬸᬲᬶᬂ᭞ᬜᬓᬺᬩ᭄ᬯᬦᬵᬫᬭᬶᬂᬤᬸᬦ᭄ᬬ᭞ᬓᬕᬾᬢ᭄‌ᬤᬶᬦᬶᬓᬕᬾᬢ᭄‌ᬤᬶᬢᬸ᭞ᬲᬦᬾᬫᬗ᭄ᬓᬶᬦ᭄‌ᬘᬭᬶᬢᬬᬂ᭞ᬫᬭᬶᬂᬳᬮᬲ᭄᭞ᬘ᭄ᬭᬶᬢᬦᬶᬭᬢ᭄ᬯᬦ᭄ᬳᬩᬶᬢ᭄᭞ᬫ
ᬤ᭄ᬭᬸᬯᬾᬧᬸᬢ᭄ᬭᬶᬲᬦᬸᬗ᭄ᬕᬮ᭄᭚ᬳᬶᬲ᭄ᬢ᭄ᬭᬶᬮ᭄ᬯᬶᬄᬦᬶᬥ᭄ᬬᬄᬲᬸᬓᬵᬲᬾᬦᬶ᭞ᬳᬬᬸᬓ᭄ᬮᬶᬦ᭄ᬢᬂ᭞ᬯᬵᬃᬡ᭄ᬦᬦᬾᬕᬸᬫᬶᬮᬂ᭞ᬲ᭄ᬟᭂᬂᬳᬗᬬᭀᬦ᭄‌ᬚ᭄ᬕᬾᬕᬾ᭞ᬦᬵᬗ᭄ᬳᬶᬂᬤᬦᬾᬮᬶᬦ᭄ᬢᬵᬂᬮᬘᬸᬃ᭞ᬲᬳᬶᬮᬸᬗ᭄ᬳᬵᬗᬤᭀᬮ᭄
[᭔᭑ 41A]
ᬍᬗᬶᬲ᭄᭞ᬭᬯᬸᬄᬧᬦᬗ᭄ᬓᬦᬶᬂᬩᬾᬤ᭞ᬭᬭᬶᬲ᭄ᬤᬦᬾᬭᬸᬦ᭄ᬢᬸᬄ᭞ᬫᬜ᭄ᬮᬾᬫ᭄ᬧᭀᬄᬕᬸᬘᬶᬩ᭄ᬮᬄ᭞ᬤᭂᬓ᭄ᬟᭂᬓ᭄ᬩᭂᬜ᭄ᬘᬃ᭞ᬍᬗᬶᬲ᭄‌ᬫᬸᬬᬕ᭄ᬫᭂᬫ᭄ᬩᬄᬲᬫᬶ᭞ᬦᬵᬗᬶᬲ᭄ᬢᬸᬃᬫᬗᬫᬾᬤᬾᬯ᭚ᬲᬶᬗ᭄ᬕᬶᬄᬪᬝᬭᬲ᭄ᬯᬾᬘ᭄ᬙᬦᬶᬦ᭄ᬳᬶ
ᬢ᭄ᬬᬂᬫᬗ᭄ᬓᬶᬦ᭄᭞ᬲᬂᬳ᭄ᬬᬂᬯ᭄ᬦᬂ᭞ᬫᬗ᭄ᬯᬵᬲᬭᬶᬂᬚᬕᬢ᭄᭞ᬧᬸᬧᬸᬢᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂᬳᬶᬤᬸᬧ᭄᭞ᬢᬦᬸᬭᬸᬂᬢᬶᬢ᭄ᬬᬂᬓᬢᬶᬕ᭄ᬢᬶᬕ᭄᭞ᬳᬦ᭄ᬢᬸᬓ᭄‌ᬬᬬᬄᬫ᭄ᬯᬂᬭᬾᬡ᭞ᬮᬾᬦ᭄ᬢᬶᬢ᭄ᬬᬂᬲᬫ᭄ᬧᬸᬦ᭄ᬢᬸᬬᬸᬄ
᭞ᬲᬸᬓᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬧ᭄ᬚᬄ᭞ᬲᬧᬶᬲᬦᬦ᭄᭞ᬘᬶᬗᬓ᭄ᬢᬶᬢ᭄ᬬᬂᬭᬢᬸᬳ᭄ᬬᬂᬯᬶᬥᬶ᭞ᬫᬮᬄᬲᬜ᭄ᬚᬲᬸᬭᬸᬧ᭄‌ᬲᬹᬃᬬ᭄ᬬ᭚ᬲᬸᬓᬵᬲᬾᬦᬶᬳᬲᬲᬫ᭄ᬩᬵᬢ᭄ᬦᬵᬗᬶᬲ᭄᭞ᬳᬦᬧ᭄ᬭᬧ᭄ᬢᬵ᭞ᬳᬶᬤᬩᬕᬾᬡ᭄ᬟᬵ᭞
ᬗᬦ᭄ᬤᬶᬓᬵᬳᬮᬸᬲ᭄ᬳᬸᬚᬭᬾ᭞ᬳ᭄ᬦᬾᬓᬾᬦ᭄ᬓᬾᬦ᭄‌ᬜᬳᬶᬳᬬᬸ᭞ᬓ᭄ᬭᬡᬵᬤᬶᬦᬶᬜᬳᬶᬗ᭄ᬮᬶᬂ᭞ᬫᬮᬄᬧ᭄ᬢᭃᬂᬤᬾᬭᬾᬂᬩᬸᬤᬮ᭄᭞ᬤᬶᬦᬶᬜᬳᬶᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬲᬸᬓᬵᬲᬾᬦᬶᬫᬢᬸᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄ