[᭓᭘ 38B]
᭓᭘
ᬲᭀᬭᬫᬗ᭄ᬓᬶᬦ᭄᭞ᬩ᭄ᬭᬳ᭄ᬫᬮᬸᬤ᭄ᬭ᭞ᬫ᭄ᬯᬂᬳ᭄ᬬᬂᬳᬵᬤᬾᬯ᭞ᬲᬗ᭄ᬓᬵᬭᬳ᭄ᬬᬂᬯᬶᬱ᭄ᬡᬸᬋᬓᬾ᭞ᬳ᭄ᬬᬂᬲᬫ᭄ᬩᬸᬳ᭄ᬬᬂᬰᬶᬯᬫᬲ᭄ᬢᬸ᭞ᬲᬫᬶᬋᬓᬾᬗᬯᬲ᭄ᬢᭀᬦᬶᬦ᭄᭞ᬫᬗᬃᬬ᭄ᬬᬦᬂᬓᬦ᭄ᬭᬵᬓᬦ᭄᭞ᬲᬂᬳ᭄ᬬᬂᬮᬶᬘᬶᬦ᭄ᬦᭀ
ᬭᬓᬾᬗ᭄ᬕᬸᬄ᭞ᬭᬱᬯᬶᬦᬸᬮᬢᬦ᭄ᬓᬵᬮᬄ᭞ᬓᬓᬵᬲᭀᬭᬂ᭞ᬭᬶᬂᬰᬓ᭄ᬢᬶᬦᬶᬭᬳ᭄ᬬᬂᬮᬶᬘᬶᬦ᭄᭞ᬲᬂ᭠ᬳ᭄ᬬᬂᬰᬶᬯᬳᬶᬤᬵᬫᬾᬭᬂ᭚ᬲᬮ᭄ᬯᬶᬃᬪᬵᬯᬪᬵᬯᬦᬶᬂᬓᬰᬓ᭄ᬢᬶᬦ᭄᭞ᬲᬫᬶᬧᬸᬦᬄ᭞ᬢᬦᬵᬦᬫᬶᬓᬭᬵ᭞
ᬳ᭄ᬬᬂᬩ᭄ᬭᬳ᭄ᬫᬵᬩᭂᬦ᭄ᬤᬸᬓᬳ᭄ᬬᬸᬦᬾ᭞ᬫᭂᬦ᭄ᬢᬂᬳᬲ᭄ᬢ᭄ᬭᬖ᭄ᬦᬶᬫᬸᬭᬸᬩ᭄᭞ᬪᬝᬭᬯᬶᬱ᭄ᬡᬸᬜᬋᬗᬶᬦ᭄᭞ᬫᭂᬦ᭄ᬢᬂᬘᬓ᭄ᬭᬲᬸᬥᬵᬃᬰᬡᬵ᭞ᬲᬋᬂᬫᬫᬦᬄᬫᬗ᭄ᬤᬸᬓ᭄᭞ᬲᬂᬳ᭄ᬬᬂᬮᬶᬘᬶᬦ᭄ᬦᭀᬭᬕᬶᬗ᭄ᬕᬵᬂ᭞ᬓᬢᬶᬯᬲᬦ᭄᭞ᬕ᭄ᬦᬶ
ᬦ᭄ᬘᬓ᭄ᬭᬦᬾᬢᬦ᭄ᬓᬵᬭᬶ᭞ᬲᬫᬶᬧᬥᬧᬸᬧᬸᬕ᭄ᬧᬸᬦᬄ᭚ᬲᬂᬳ᭄ᬬᬂᬮᬶᬘᬶᬦ᭄ᬫᬗᬦ᭄ᬤᬶᬓᬵᬫᬗ᭄ᬓᬶᬦ᭄᭞᭠ᬚᬦᬶᬧ᭄ᬟᬲᬂ᭞ᬢᬹᬃᬫᬩᬾᬤᬵᬭᬸᬧ᭞ᬯᬮᬸᬬᬵᬭᬸᬧᬦᬾᬫᬗ᭄ᬓᬶᬦ᭄᭞ᬲᬂᬳ᭄ᬬᬂᬮᬶᬘᬶᬦ᭄ᬚᬦᬶᬢᬸᬳᬸ᭞ᬜ
[᭓᭙ 39A]
ᬢᬸᬃᬩᬸᬚᬵᬫᬳᬗ᭄ᬕᬵᬍᬯᬶᬄ᭞ᬫᬓ᭄ᬢᬸᬓᬸᬭᬸᬂᬫᬵᬲ᭄ᬭᬵᬢ᭄ᬦᬵ᭞ᬫᬱᬵᬲᭀᬘᬦ᭄ᬗᭂᬦ᭄ᬤᬄᬫᬸᬭᬸᬩ᭄᭞ᬓᬤᬶᬩᬶᬦ᭄ᬢᬂᬭᬶᬂᬳᬓᬱᬵ᭞ᬫᬓᬸᬭᬜᬩ᭄᭞ᬮ᭄ᬯᬶᬃᬕᬸᬦᬸᬂᬖ᭄ᬦᬶᬗᭂᬦ᭄ᬤᬶᬄ᭞ᬫᬗ᭄ᬮᬶᬗ᭄ᬕᬶᬳᬶᬦ᭄ᬧᬤ᭄ᬫᬵᬗ᭄ᬮᬬᬵᬂ
᭚ᬢᬸᬃᬫᬳᬃᬥᬘᬦ᭄ᬤ᭄ᬭᬑᬁᬗ᭄ᬓᬭᬗ᭄ᬭᬯᬶᬢ᭄᭞ᬦᬸᬗ᭄ᬕᬂᬤᬾᬢ᭄ᬬ᭞ᬢᬸᬃᬫᬢ᭄ᬭᬶᬯᬶᬓ᭄ᬭᬫᬵ᭞ᬫᬘᬦ᭄ᬤ᭄ᬭᬩᬾᬭᬯᬋᬓᬾ᭞ᬧᬶᬢᬸᬂᬬᬸᬢ᭄ᬢᬢᬗᬦᬶᬓᬸ᭞ᬲᬫᬶᬗᬕᭂᬫ᭄ᬬᬸᬤᬵᬮ᭄ᬯᬶᬄ᭞ᬘᬓ᭄ᬭᬕᬦ᭄ᬟᬾᬯᬮᬦ᭄ᬧ᭄ᬟᬂ᭞ᬦᬵ
ᬕᬵᬧᬰᬮᬦ᭄ᬳᬗ᭄ᬓᬸᬲ᭄᭞ᬢᬶᬓ᭄ᬱ᭄ᬡᬵᬳ᭄ᬦᬶᬂᬲᬜ᭄ᬚᬢᬦ᭄ᬬ᭞ᬲᬗ᭄ᬓᭀᬢ᭄ᬢᬫ᭞ᬫᬓᬫᬶᬯᬄᬳᬲ᭄ᬢ᭄ᬭᬖ᭄ᬦᬶ᭞ᬫᬥᬸᬮᬸᬃᬭᬚᬵᬧᬶᬦᬸᬮᬄ᭚ᬲᬂᬳ᭄ᬬᬂᬮᬶᬘᬶᬦ᭄ᬫᬦᬶᬩᬦᬶᬦ᭄᭞ᬭᬵᬚᬥᭂᬡ᭄ᬟᭃ᭞ᬧᬦ᭄ᬲᬶᬭᬧ᭄ᬭᬫᬤ᭄ᬟᬵ᭞
ᬲᬓᬩᬾᬄᬧᬵᬭᬋᬱᬶᬦᬾ᭞ᬲᬫᬶᬓᬧᬲ᭄ᬢᬸᬭᬶᬂᬍᬢᬸᬄ᭞ᬫ᭄ᬯᬂᬲᬯᬢᭂᬓ᭄ᬤᬾᬯᬲᬫᬶ᭞ᬓ᭄ᬦᬾᬂᬧᬵᬧᬦ᭄ᬭᬵᬓ᭞ᬧᬫᬲ᭄ᬢᬸᬦ᭄ᬲᬶᬭᬲᬗ᭄ᬳᬸᬮᬸᬦ᭄᭞ᬇᬰ᭄ᬯᬭᬵᬯᬶᬫ᭄ᬡᬸᬫᬶᬯᬄᬩ᭄ᬭᬳ᭄ᬫᬵ᭞ᬤᬤᬶᬬᬓ᭄ᬱᬵ᭞ᬅ
Kaca:Bali-lontar-gaguritan-sebun-bangkung-300ppi.pdf/39
Kaca puniki sampun kauji-wacén
