Kaca:Bali-lontar-gaguritan-sebun-bangkung-300ppi.pdf/37

Saking Wikisource
Kaca puniki sampun kauji-wacén

[᭓᭖ 36B]
᭓᭖
ᬲᬫᬶ᭞ᬫᬗ᭄ᬯᬲ᭄ᬢᭀᬦᬶᬦ᭄‌ᬲᬯᬾᬤ᭄ᬟᬵ᭞ᬲᬂᬳ᭄ᬬᬂᬰᬶᬯᬳᬶᬤᬵᬫᬵᬲ᭄ᬢᬸ᭞ᬢᬍᬃᬢᬦ᭄ᬫᬤ᭄ᬭᬸᬯᬾᬲᬩ᭄ᬤ᭞ᬳᬶᬓᬂᬭᬾᬓᬵ᭞ᬓᬲᬾᬯᬫᬭᬬᬂᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬵᬲᬗ᭄ᬳ᭄ᬬᬂᬰᬶᬯ᭄ᬯᬵ᭚‌ᬲ᭄ᬬᬧᬯ᭄ᬭᬸᬄᬫᬗᬃ
ᬬ᭄ᬬᬦᬂᬫᬸᬜᬶ᭞ᬳᬶᬓᬂᬭᬾᬓ᭞ᬯ᭄ᬦᬂᬬᬵᬲᬶᬦᭂᬫ᭄ᬩᬄ᭞ᬲᬋᬂᬯᬢᭂᬓ᭄ᬦᬯᬵᬲᬗ᭄ᬳᬦᬾ᭞ᬇᬰ᭄ᬯᬭᬩ᭄ᬭᬳ᭄ᬫᬵᬯᬶᬱ᭄ᬡᬸ᭞ᬫᬳᬵᬤᬾᬯᬮᬦ᭄ᬲᬗ᭄ᬓᬭᬾᬓᬶ᭞ᬳ᭄ᬬᬂᬲᬫ᭄ᬩᬸᬮᬸᬤ᭄ᬭᬫᬾᬲᭀᬭ᭞ᬫᬶᬯᬄᬲᬂᬳ᭄ᬬᬂᬰᬶᬯᬾᬓᬸ᭞ᬫ᭄ᬯᬄ᭠
ᬧᬜ᭄ᬘᬋᬱᬶᬭᬶᬂᬰ᭄ᬯᬃᬕ᭄ᬕ᭞ᬘᬢᬹᬃᬋᬱ᭄ᬬ᭞ᬫᬗ᭄ᬓᬾᬲᬶᬭᬲᬂᬳ᭄ᬬᬂᬮᬶᬘᬶᬦ᭄᭞ᬫᬶᬭᬕᬶᬧᬲᬾᬯᬫᬭᬦ᭄᭚ᬭᬭᬶᬲ᭄ᬳᬶᬤᬵᬤᬤᭀᬲ᭄‌ᬭᬭᬾᬳᬮᬶᬢ᭄᭞ᬦᬸᬮᬶᬧ᭄ᬭᬧ᭄ᬢ᭞ᬳᬶᬤᬵᬭᬶᬂᬰ᭄ᬯᬃᬕ᭄ᬕ᭞ᬫᬭᬸᬧᬯᭀᬂᬭᬭᬾᬳᬮᬶᬢ᭄᭞
ᬯᬢᭂᬓ᭄ᬤᬾᬯᬢᬦᬾᬗ᭄ᬭᬸᬜᬸᬂ᭞ᬢᬸᬃᬦᬓᭀᬦᬶᬦ᭄‌ᬲ᭄ᬬᬧᬳᬶᬓᬶ᭞ᬲᬓᬶᬂᬦ᭄ᬤᬶᬓᬂᬦᬵᬕᬭ᭞ᬲ᭄ᬬᬧᬵᬬᬬᬄᬲ᭄ᬬᬧᬇᬩᬸ᭞ᬫ᭄ᬯᬄᬧᬭᬦ᭄‌ᬲ᭄ᬯᬚᬓᬵᬃᬬ᭄ᬬ᭞ᬫᬗ᭄ᬓᬾᬧ᭄ᬭᬧ᭄ᬢ᭞ᬓᬂᬭᬭᬾᬳᬸᬫᬢᬸᬃᬳᬭᬶᬲ᭄᭞ᬳᬶᬗ᭄ᬕᬶᬄᬢᬶ
[᭓᭗ 37A]
ᬢ᭄ᬬᬂᬢᬩᬾᬪᬝᬭ᭚ᬲᬚ᭄ᬜᬵᬧᬸᬓᬸᬮᬸᬦ᭄‌ᬓᬳᬸᬮᬪᬝᬭᬲᬶᬗ᭄ᬕᬶᬄ᭞ᬯᬦ᭄ᬢᬄᬓᬵᬃᬱ᭞ᬲᬗ᭄ᬓᬬᬦᬶᬂᬧ᭄ᬭᬧ᭄ᬢᬵ᭞ᬦᭀᬦ᭄ᬢᭀᬦ᭄ᬧᬲᬾᬯᭃᬫᬭᬦᬾ᭞ᬲᬂᬳ᭄ᬬᬂᬰᬶᬯᬩ᭄ᬭᬳ᭄ᬫᬵᬯᬶᬱ᭄ᬡᬸ᭞ᬫᬳᬵᬤᬾᬯᬮᬸᬤ᭄ᬭᬫᬗ᭄ᬓᬶᬦ᭄᭞ᬇᬰ᭄ᬯᬭᬵᬫᬾ
ᬲᭀᬭ᭞ᬫ᭄ᬯᬂᬳᬶᬤᬵᬲᬂᬳ᭄ᬬᬂᬲᬫ᭄ᬩᬸ᭞ᬢᬦ᭄ᬧᬶᬦᬳᭃᬲᬶᬭᬲᬶᬦᬫ᭄ᬬᬦ᭄᭞ᬭᬶᬂᬳ᭄ᬬᬂᬯᬶᬓᬦ᭄᭞ᬲᬫᬶᬲᬶᬭᬫᬜᬫ᭄ᬧᬶᬳᬶᬦ᭄᭞ᬫᬭᬶᬂᬲᬂᬭᬭᬾᬩᭀᬘᬄ᭚ᬦᬄᬬᬦ᭄ᬲᬶᬤ᭄ᬟᬵᬤᬾᬦᬶᬭᬫᬫᬸᬜᬶ᭞ᬫᭂᬢᬸᬲᬩ᭄ᬤᬵ᭞ᬩᬬᬸᬮᬯᬦ᭄ᬫᬦᬄ᭞᭠
ᬳᬓᬸᬫᬜᬯᬶᬢᬵᬓᬩᬾᬄ᭞ᬦᭂᬫ᭄ᬩᬄᬲᬶᬭᬯ᭄ᬬᬓ᭄ᬢᬶᬢᬸᬳᬸ᭞ᬲᬶᬭᬫᬸᬤᬳᬓ᭄ᬯᬾᬄᬓᬧ᭄ᬢᬶ᭞ᬫᬱᬲᬶᬤ᭄ᬟᬵᬦ᭄ᬫᬸᬩᬕ᭄ᬬ᭞ᬳᬓᬸᬰᬓ᭄ᬢᬶᬢ᭄ᬯᬭᬫᬫ᭄ᬧᬸᬄ᭞ᬳ᭄ᬬᬂᬭᬭᬾᬫᬮᬶᬄᬫᬢᬸᬭ᭞ᬲᬚ᭄ᬜᬪᬝᬭ᭞ᬢᬶᬢ᭄ᬬᬂᬧᬶᬦ᭄ᬤᬵᬫᬦᭂᬕᬵ
ᬭᬶᬦ᭄᭞ᬩᬶᬮᬶᬄᬯᬾᬦ᭄ᬢᭂᬦ᭄ᬲᬂᬳ᭄ᬬᬂᬲ᭄ᬯᬾᬘ᭄ᬙᬵ᭚ᬲᬂᬳ᭄ᬬᬂᬮᬶᬘᬶᬦ᭄‌ᬫᬗ᭄ᬓᬾᬫᬦᬫ᭄ᬧᭂᬓᬶᬦ᭄᭞ᬢᬸᬃᬳᬶᬦᬢ᭄᭞ᬢᭀᬕᭀᬕ᭄ᬢᬦᬄᬳᬶᬓ᭞ᬭᬾᬓᬦᬾᬫᬩᬬᬸᬧ᭄ᬭᬫᬗ᭄ᬓᬶᬦ᭄᭞ᬦᭂᬫ᭄ᬩᬄᬦᬸᬮᬶᬬᬳᬸᬫᬢᬸᬃ᭞ᬳᬢᬹᬃ