[᭒᭗ 27B]
᭒᭗
ᬍᬫᬄᬧ᭄ᬢᭂᬂᬳᬶᬤᬵᬲᬸᬗ᭄ᬲᬸᬂᬫᬩ᭄ᬭᬬᬫᬯᭂᬤᬾᬰ᭞ᬳ᭄ᬤᭃᬫᬚᭂᬗᬶᬮ᭄᭞ᬫᬫᭀᬓᬓ᭄ᬫᭀᬕ᭄ᬩᭀᬕᬶᬦ᭄ᬢᬶᬫ᭄ᬧᬮ᭄᭚ᬳ᭄ᬤᭃᬳᬶᬭᬶᬬᬢᬶᬭᬶᬂᬫᬦᬄ᭞ᬫᬶᬲᬸᬦᬵᬳᭂᬦ᭄ᬢᭀᬳᬶᬫ᭄ᬧᬲᬶᬦ᭄᭞ᬳ᭄ᬤᬵ
ᬗ᭄ᬕᬯᬾᬧ᭄ᬮᬶᬄᬢᬶᬫ᭄ᬧᬮ᭄᭞ᬳ᭄ᬤᭃᬗᬓᬸᬳᬓᬸᬯ᭄ᬭᬸᬄ᭞ᬧ᭄ᬭᬚᬦᬶᬗ᭄ᬯᭃᬢ᭄ᬯᬂᬯᬶᬲᬬᬵ᭞ᬫᬗ᭄ᬕᬶᬄᬯᬾᬘᬶ᭞ᬧᬦᬲ᭄ᬪᬭᬵᬭᬶᬂᬰᬭᬶᬭ᭚ᬳ᭄ᬟᭃᬗᬚᬸᬫ᭄ᬕᬸᬦᬦ᭄ᬳᬯᬓ᭄᭞ᬳᬦᬓ᭄ᬮ᭄ᬬᬸᬦᬾᬫᭂᬤᬲᬶᬦ᭄᭞ᬮᬫᬸᬦ᭄
ᬫᬸᬮᬢ᭄ᬯᬄᬋᬚᬂ᭞ᬤᭀᬄᬧᬭᬓᬤᬾᬦᬕᬫ᭄ᬩᬸᬄ᭞ᬓ᭄ᬭᬫᬦ᭄ᬜᬵᬤᬤᬶᬫᬵᬦᬸᬱ᭞ᬧᬂᬧ᭄ᬮᬵᬧᬦᬶᬦ᭄᭞ᬢᬶᬗ᭄ᬓᬄᬓᬤᬶᬗᬮᬶᬄᬲᬳᬂ᭚ᬧᭂᬲᭂᬮ᭄ᬦᬾᬤᬤᬶᬕ᭄ᬟᬾᬦᬂ᭞ᬗᬩᬳᬩᭀᬢ᭄ᬧ᭄ᬯᬭᬲᬓᬶᬢ᭄᭞ᬮᬫᬸᬦ᭄ᬳᬶ
ᬗᬦᬾᬫᬗᬩᬵ᭞ᬳᬫᭀᬦ᭄ᬢᭀᬧᭂᬲᭂᬮ᭄ᬦᬾᬮᬸᬯᬸᬂ᭞ᬩᬸᬓᬵᬘ᭄ᬦᬶᬗᬾᬫᬦᭂᬕᬓ᭄᭞ᬧᬂᬧ᭄ᬮᬧᬦᬶᬦ᭄᭞ᬤᭂᬧᬂᬳᬾᬦ᭄ᬤᬾᬧᬂᬫᬦ᭄ᬕᬓ᭄᭚ᬮᬩᬸᬳᬾᬤᬤᬶᬕᬶᬕᬶᬲᬦ᭄᭞ᬬᬦ᭄ᬩᬲ᭄ᬢ᭄ᬕᭂᬄᬩᬦ᭄ᬫᬮᬶᬗ᭄ᬕᬶᬄ᭞ᬤᬶ
[᭒᭘ 28A]
ᬮᬩᬸᬳᬾᬲᬓᬶᬢ᭄ᬓ᭄ᬭᬲ᭄᭞ᬓᬾᬧᬾᬓ᭄ᬤᬤᬶᬩᬳᬵᬗᬾᬳ᭄ᬮᬸᬂ᭞ᬓᬾᬦ᭄ᬢᭀᬓ᭄ᬭᬫᬦ᭄ᬜᬦᬾᬲᬚᬵ᭞ᬩᭀᬕ᭄ᬩᭀᬕ᭄ᬫᬸᬜᬶ᭞ᬧᬧ᭄ᬮᬚᬳᬦ᭄ᬢᬸᬦᬚᬵᬢᬦ᭄᭚ᬓ᭄ᬦᭂᬄᬳᬮᬵᬦᭂᬫᬸᬚᭂᬗᬄ᭞ᬢᬶᬗ᭄ᬓᬄᬲᬢᬢᬫᬲ
ᬗ᭄ᬲᬶᬄ᭞ᬳ᭄ᬤᬵᬫᬸᬮᬸᬲ᭄ᬗᬸᬕᬸᬭᬯᭀᬲ᭄᭞ᬫᬸᬜᬶᬓᬢᬄᬤᬤᬶᬗ᭄ᬭᬵᬘᬸᬓ᭄᭞ᬫᬸᬜᬶᬢᬺᬱ᭄ᬡᬮᬫ᭄ᬧᬄᬤᬸᬱ᭄ᬝᬵ᭞ᬫᬸᬜᬶᬳᬲᬶᬄ᭞ᬮᬫ᭄ᬧᬄᬜᬦᬾᬲᬢ᭄ᬭᬸᬕᬮᬓ᭄᭚ᬳ᭄ᬤᬵᬲᬸᬭᬸᬤ᭄ᬧᬲᬂᬘᬶᬤ᭄ᬭ᭞ᬳᬫ᭄ᬧᬄᬗ᭄ᬭᬾᬯᭀ
ᬲᬾᬢᬗᬭᬶᬦ᭄᭞ᬥᬃᬫ᭄ᬫᬲᬤᬸᬦᬾᬧ᭄ᬮᬚᬳᬂ᭞ᬳ᭄ᬤᬵᬧᬸᬜᬄᬧᬢᬶᬓᬘᬸᬄ᭞ᬳᬶᬗᭂᬢᬂᬚ᭄ᬯᬳᬧᬂᬫ᭄ᬮᬄ᭞ᬤᬦᬾᬩ᭄ᬘᬶᬓ᭄᭞ᬳᬗ᭄ᬕᭀᬦ᭄ᬲᬸᬮᬸᬄᬧ᭄ᬢᭂᬂᬍᬫᬄ᭚ᬭᬶᬂᬳ᭄ᬬᬂᬇᬩᬸᬫᬗᬲ᭄ᬢᬵᬯ᭞ᬲᬗ᭄ᬕᬭᬾᬳ᭄ᬤᬵᬗᭂᬗ᭄ᬲ
ᬧᬶᬦ᭄᭞ᬧᬶᬸᬗᬶᬸᬧᬢᭂᬄᬫᬗᬾᬲ᭄ᬢᬶᬬᬂᬫᬦᬄ᭞ᬩ᭄ᬭᬬᬫᬢ᭄ᬭᬳᬧᬂᬢᬸᬳᬸ᭞ᬫᬭᬭᬵᬫᬳ᭄ᬤᬵᬳᬮ᭄ᬧᬓᬵ᭞ᬢᬸᬮᬄᬳᬸᬭᬶᬧ᭄᭞ᬲᬮᬭᬮᬭᬢᬫᬶᬬᬂ᭚ᬰᬲ᭄ᬢ᭄ᬭᬵᬳᬗ᭄ᬕᭀᬦ᭄ᬭᬫᬭᬾᬦ᭞ᬲᬶᬢᬶᬢᬸᬦᬲ᭄ᬳᬶᬘᬳᬶ
Kaca:Bali-lontar-gaguritan-sebun-bangkung-300ppi.pdf/28
Kaca puniki sampun kauji-wacén
