[᭒᭖ 26B]
᭒᭖
ᬤᬲᬸᬕᬶᬄᬢᬦ᭄ᬧᬰᬵᬲ᭄ᬢ᭄ᬭ᭞ᬳᬤᬭᬶᬭᬶᬄ᭞ᬢᬶᬯᬲ᭄ᬩ᭄ᬯᬶᬦ᭄ᬓ᭄ᬬᬸᬮ᭄ᬧᬶᬲᬦ᭄᭚ᬳᬤᬳᬦ᭄ᬢᭂᬂᬢᬹᬃᬬᬧ᭄ᬭᬚ᭄ᬜᬦ᭄᭞ᬯᬗ᭄ᬰᬦ᭄ᬜᬦᬾᬢ᭄ᬩᬾᬦ᭄ᬲᬶᬲᬶ᭞ᬩᬧᬓᬭᬶᬓᬾᬮᬸᬓ᭄ᬧᬶᬲᬦ᭄᭞ᬜᬫᬦ᭄ᬘ᭄ᬦᬶᬂᬤᬶᬦᬶᬳ᭄ᬮᬸᬄ
᭞ᬧᬧᬶᬢᬸᬓᬶᬸᬧᬢᬸᬄᬫᬗ᭄ᬭᬢᬓ᭄᭞ᬜᬦ᭄ᬤᬂᬧᬸᬚᬶ᭞ᬲᬫᬶᬤ᭄ᬫᭂᬦ᭄ᬫᬭᬶᬂᬰᬵᬲ᭄ᬢ᭄ᬭ᭚ᬬᬦᬶᬂᬘ᭄ᬦᬶᬂᬯᬦ᭄ᬢᬄᬳᬵᬃᬱ᭞ᬲᬸᬧᬢ᭄ᬩᬧᬓᬤᬶᬫᬗ᭄ᬓᬶᬦ᭄᭞ᬚᬮᬦ᭄ᬤᬶᬦᬶᬳᬚᬓ᭄ᬩᬶᬧᬵ᭞ᬚ᭄ᬮᬾᬫ᭄ᬮᬄᬬᬲᬶᬮᬸᬂᬮᬸᬂ᭞ᬳᭀᬮᬲᬶ᭠
ᬦ᭄ᬚ᭄ᬯᬓᬸᬤᬵᬩᬧᬵ᭞ᬫᬗ᭄ᬤᬲᬸᬤ᭄ᬟᬶ᭞ᬳᬧᬂᬩᬋᬂᬓᬤᬸᬄᬓᬶᬢᬦ᭄᭚ᬬᬦ᭄ᬘ᭄ᬦᬶᬂᬜᬓ᭄ᬜᬸᬧᬢ᭄ᬩᬧ᭞ᬚ᭄ᬯᬂᬳᬤᬶᬦ᭄ᬘ᭄ᬦᬶᬂᬤᬶᬦᬶ᭞ᬲᬮᬄᬢᬸᬗ᭄ᬕᬮ᭄ᬩᬧᬍᬕᭃ᭞ᬯᬶᬭᬾᬄᬯᬗ᭄ᬰᬲᬸᬩᬧᬢᬸᬄ᭞ᬤ
ᬤᬶᬤᬶᬦᬶᬲᬸᬩᬫᬓ᭄ᬭᬫ᭞ᬮᬲ᭄ᬬᬂᬩᬸᬤ᭄ᬟᬶ᭞ᬫᬢᬶᬳᬶᬤᬸᬗᬧ᭄ᬩᬧᬲᬸᬓ᭚ᬳᬶᬗ᭄ᬕᬶᬄᬯᬾᬦ᭄ᬢᭂᬦ᭄ᬩᬯᭀᬲ᭄ᬩᬧ᭞ᬢᬶᬢ᭄ᬬᬂᬤᬸᬫᬸᬦ᭄ᬫᬢᬸᬃᬲᬶᬲᬶᬧ᭄᭞ᬤᬾᬦᬶᬂᬫᬸᬤᬢᬫ᭄ᬩᭂᬢ᭄ᬓᬮᬶᬦ᭄ᬢᬂ᭞ᬢᬸᬦᬰᬵᬲ᭄ᬢ᭄ᬭᬧᬢᬶᬓᬘᬸᬄ᭞ᬲᬲᬃ
[᭒᭗ 27A]
ᬦᬶᬱ᭄ᬝᬢᬦ᭄ᬧᬕᬸᬡ᭞ᬢᬸᬦᬲᬫᬶ᭞ᬮᬗ᭄ᬕᬡᬢᬶᬢ᭄ᬬᬂᬗᬶᬭᬶᬗᬂ᭚ᬮᬫᬸᬦ᭄ᬩᬧᬤᬸᬭᬸᬲ᭄ᬲ᭄ᬯᬾᬘ᭄ᬙᬵ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬳᭀᬓᬤ᭄ᬭᬶᬓᬶ᭞ᬚᬸᬭᬸᬲᬯᬸᬄᬗᬮᬶᬄᬲᬳᬂ᭞ᬲ᭄ᬯᬾᬘᬗᬚᬲᬦᬾᬧᬢᬸᬢ᭄᭞ᬢᬶᬢ᭄ᬬᬂᬓ᭄ᬬᬸᬮ᭄
ᬢᬸᬦᬢᬶᬗ᭄ᬓᬄ᭞ᬲᬳᬶᬧᬮᬶᬂ᭞ᬳᬮᬳᬬᬸᬢᬦ᭄ᬧᬘᬶᬤ᭄ᬭᬵ᭚ᬤ᭄ᬬᬧᬶᬦ᭄ᬓᬾᬦ᭄ᬢᭀᬳ᭄ᬤᬜᭂᬮ᭄ᬲᭂᬮᬂ᭞ᬩ᭄ᬮᭀᬕᬾᬤᬤᬶᬳᬚᬳᬶᬦ᭄᭞ᬓ᭄ᬬᬸᬮᬾᬤᬤᬶᬕᬺᬩ᭄ᬬᬵᬲᬂ᭞ᬓᬾᬯᬮᬧᬵᬂᬘ᭄ᬦᬶᬂᬢᬸᬢᬹᬢ᭄᭞ᬫᬭᬵ
ᬭᬵᬫᬧᬮᬚᬳᬂ᭞ᬳ᭄ᬤᬕᭂᬜ᭄ᬚᬶᬄ᭞ᬧᬕᭂᬄᬳᬾᬱ᭄ᬝᬶᬬᬂᬫᬢᬶᬗ᭄ᬓᬄ᭚ᬚᬦᬶᬫᬸᬳᬶᬦ᭄ᬫᬮᬚᬄ᭞ᬫᬸᬂᬧᬸᬂᬘ᭄ᬦᬶᬂᬲᬸᬩᬓ᭄ᬮᬶᬄ᭞ᬢᬶᬭᬸᬢᬶᬭᬸᬓᬧᬢᬸᬢᬦ᭄᭞ᬰᬵᬲ᭄ᬢ᭄ᬭᬦᬾᬦ᭄ᬢᭀᬳᬗ᭄ᬕᭀᬦ᭄
ᬲᬸᬮᬸᬄ᭞ᬜᬸᬮᬸᬳᬶᬦ᭄᭞ᬭᬕᬫᬓ᭄ᬚᬂ᭞ᬳᬮᬩ᭄ᬘᬶᬓ᭄᭞ᬰᬵᬲ᭄ᬢ᭄ᬭᬦᬾᬤᬶᬢᬸᬫᬚᬭᬂ᭚ᬰᬵᬲ᭄ᬢ᭄ᬭᬫᬵᬃᬕ᭄ᬕᬦ᭄ᬯᬶᬥᬶᬯᬰᬵ᭞ᬳᬗ᭄ᬕᭀᬦ᭄ᬚᬮᬭᬦ᭄ᬲᬲᬳᬶ᭞ᬫᬗᬘᭂᬧ᭄ᬫᬦᬸᬦᬲ᭄ᬳᬶᬘ᭄ᬙᬵ᭞
Kaca:Bali-lontar-gaguritan-sebun-bangkung-300ppi.pdf/27
Kaca puniki sampun kauji-wacén
