[᭑᭘ 18B]
᭑᭘
ᬮᬓ᭄᭞ᬧᬥᬕᭂᬳᭂ᭞ᬫᬕ᭄ᬦᬄᬭᬶᬂᬍᬫᬄᬫᬶᬭᬶᬂ᭞ᬫ᭄ᬯᬂᬧᬓᬾᬧ᭄ᬯᬦ᭄ᬓᭂᬤᬶᬲ᭄ᬫ᭄ᬭᬵᬓ᭄᭚ᬯᬕᬸᬬᬗᬦ᭄ᬯᬭᬓ᭄ᬲᬓᬮ᭄ᬯᬶᬃᬲᬶᬗ᭄ᬳᬵᬫᬘᬦ᭄᭞ᬭᬶᬂᬫᬤ᭄ᬬᬦᬶᬂᬲᬩ᭞ᬭᬄᬳᬲᬢ᭄ᬓ᭄ᬯᬱᬵᬗᬫ᭄ᬩᬳᬾ᭞ᬧᬸᬘᬸᬓᬦᬭᬶᬂᬭᬳᬬᬸ᭞᭠
ᬳᬶᬗᬶᬤᭂᬭᬦ᭄ᬲᬾᬦᬧᬢᬶ᭞ᬭᬶᬦᬓ᭄ᬱᬤᬾᬦᬶᬂᬮᬾᬓᬢ᭄᭞ᬧᬗᬸᬮᬸᬦᬾᬫᬗ᭄ᬭᬗ᭄ᬲᬸᬓ᭄᭞ᬤᬤ᭄ᬬᬬᬰᬭᬶᬭᬢᬸᬗ᭄ᬕᬮ᭄᭞ᬲᬶᬫᬹᬳᬫᬤ᭄᭞ᬳᬸᬦ᭄ᬢᭂᬓ᭄ᬓᬸᬩᬕᬶᬡ᭄ᬟᬵᬥᬶ᭞ᬳᬧᬦ᭄ᬧᬗᬸᬘᬧᬶᬂᬫᭀᬓ᭄ᬱᬄ᭚ᬧ᭄ᬲᬸᬓᬸ
ᬓ᭄ᬯᬾᬄᬫᬓᬮᭀᬦ᭄ᬟᭀᬯᬶᬂ᭞ᬦᬵᬪᬷᬧᬥᬫ᭄᭞ᬧᬫ᭄ᬬᬃᬱᬦᬶᬗ᭄ᬯᬂ᭞ᬜᬸᬲᬸᬧ᭄ᬭᬶᬂᬯᬶᬲᬬᬦ᭄ᬓᬸᬋᬓᬾ᭞ᬦᬪᬶᬤᬯᬸᬤ᭄ᬲ᭄ᬯᬭᬦᬶᬗ᭄ᬲᬸᬦ᭄᭞ᬲᬸᬮᬾᬫᬦ᭄ᬭᬶᬂᬓᬰᬓ᭄ᬢ᭄ᬬᬦ᭄ᬓᬸᬦᬾ᭞ᬳ᭄ᬬᬂᬩ᭄ᬭᬳ᭄ᬫᬫᬭᬶᬂᬳᬯᬓ᭄᭞ᬫ᭄ᬯᬂᬳ᭄ᬬᬂᬖ᭄ᬦᬶᬭᬶᬂᬭ
ᬫ᭄ᬩᬸᬢ᭄ᬓᬸ᭞ᬪᬕᬶᬡ᭄ᬟᬵᬭᬶᬂᬓᬸᬮᬶᬢᬶᬗ᭄ᬯᬂ᭞ᬳᬩᬸᬩᬓᬃ᭞ᬭᬶᬂᬕ᭄ᬢᬶᬄᬫᬶᬯᬄᬭᬶᬂᬤᬕᬶᬂ᭞ᬭᬶᬂᬩᬮᬸᬃᬯᬸᬲ᭄ᬦᬵᬩᬕᬶᬦ᭄ᬟᬵ᭚ᬲᬸᬫ᭄ᬲᬸᬫ᭄ᬓᬸᬦᬾ᭞ᬫᬓᬮᭀᬦ᭄ᬟᭀᬯᬶᬂ᭞ᬲᬓ᭄ᬯᬾᬄᬇᬓᬵ᭞ᬗᬸᬗ᭄ᬲᬶᬓ᭄ᬭᬳᬬ᭄ᬯᬦ᭄᭞ᬲᬦᬓ᭄ᬢᬸᬦᬾ
[᭑᭙ 19A]
ᬫᬦᬸᬮᬶᬗᬶᬦ᭄᭞ᬫ᭄ᬯᬲ᭄ᬢᬸᬢᬸᬗ᭄ᬕᬮ᭄ᬰᬭᬶᬭᬦ᭄ᬓᬸ᭞ᬦᬪᬶᬓᬸᬦ᭄ᬤ᭄ᬭᬶᬬᬦᬶᬓᬬᬸᬓ᭄ᬢᬶ᭞ᬧᬗᬸᬮᬸᬦ᭄ᬓᬸᬦᬾᬫᬸᬳᬫᬤ᭄᭞ᬭᬲᬸᬮᬸᬮᬄᬬᬶᬸᬱᬧᬶᬦᬬᬸᬂ᭞ᬧᬦ᭄ᬤᬵᬳᬢᬶᬂᬓᬳᬸᬘᬧ᭄᭞ᬳᬶᬓᬋᬓᭀ᭞ᬲᬫᬦ᭄ᬬᬓᬂᬧᬭᬦᬵ
ᬪᬶ᭞ᬤᬤ᭄ᬬᬬᬲᬵᬭᬶᬭᬢᬸᬗ᭄ᬕᬮ᭄᭚ᬯᬶᬚᬶᬲᬯᬶᬚᬶᬫᬹᬮᬦᬶᬓᬂᬤᬤᬶ᭞ᬧᬭᬯᬓ᭄ᬋᬓᭀ᭞ᬤᬤᬶᬬᬫᬵᬦᬸᬱ᭞ᬓᬲᬫ᭄ᬩᬶᬤᬾᬦᬶᬂᬧᬓᬺᬢ᭄ᬢᬶᬦᬾ᭞ᬲᬓ᭄ᬯᬾᬳᬶᬓᬂᬯᭀᬂᬳᬗ᭄ᬭᬸᬗᬸ᭞ᬓᬂᬳᬫᬘᬓᬂᬜᬶᬫ᭄ᬧᭂᬦᬶᬦ᭄
᭞ᬤᬤᬬᬵᬰ᭄ᬭᬡᬦᬶᬂᬚᬕᬢ᭄᭞ᬓᬶᬦᬃᬬ᭄ᬬᬲᬲᭂᬫ᭄ᬩᬸᬂ᭞ᬓᬤᬶᬬᬳᬾᬓᬦᬶᬂᬢᭀᬬᬵ᭞ᬫᬸᬗ᭄ᬕ᭄ᬯᬶᬂᬳᬧᬄ᭞ᬧᬸᬦᬶᬓᬵᬮᬶᬗ᭄ᬕᬶᬄᬦᬶᬲᬭᬶ᭞ᬲᬭᬶᬭᬶᬂᬳ᭄ᬦᬶᬗᬶᬂᬳᬸᬤᬦ᭄᭚ᬓᬤᬶᬮ᭄ᬯᬶᬃᬯᭀᬂᬳᬦᬦ᭄ᬤᬸᬃᬧᬭᬶ᭞ᬭᬶᬧᬲᬰᬶᬳ
ᬦ᭄᭞ᬭᬳᬶᬦᬦᬾᬢᬸᬚ᭄ᬯᬂ᭞ᬢᬢ᭄ᬗᭂᬩᬶᬦ᭄ᬢᬂᬭᬶᬂᬕᬕᬡᬦᬾ᭞ᬯᬘᬾᬦᬶᬦ᭄ᬯᬭᬶᬕᬾᬓᬸ᭞ᬲᬓ᭄ᬯᬾᬄᬧᬗᬦ᭄ᬦᭀᬭᬗᬶᬭᬗᬶ᭞ᬮᬫᬸᬦ᭄ᬲᬶᬭᬳᬧ᭄ᬭᬂ᭞ᬯᬘᬾᬦᬶᬓᬸᬳᬦᬾᬂᬥᬳᬸᬄ᭞ᬧᬜ᭄ᬘᬥᬳᬸᬄᬳᬶᬓᬸ᭞᭠
Kaca:Bali-lontar-gaguritan-sebun-bangkung-300ppi.pdf/19
Kaca puniki sampun kauji-wacén
