[᭑᭔ 14B]
᭑᭔
ᬮᬶᬄᬳᬶᬓᬸ᭞ᬓᬦᬸᬕ᭄ᬭᬳᬦ᭄ᬳ᭄ᬬᬂᬲᬹᬓ᭄ᬱ᭄ᬫᬵ᭚ᬮᬶᬢ᭄ᬓᬂᬧᬧᬶᬢᬸᬳᬶᬓᬸ᭞ᬲᬭᬶᬦ᭄ᬬᬦᭀᬭᬓᬧᬗ᭄ᬕᬶᬄ᭞ᬳᬶᬓᬸᬳᬸᬮᬢᬦᬵᬫᬗ᭄ᬓᭀ᭞ᬭᬶᬂᬮᭀᬦ᭄ᬢᬃᬦ᭄ᬤᬢᬦ᭄ᬧᬢᬸᬮᬶᬲ᭄᭞ᬲᬕᬭᬢᬦ᭄ᬧᬢᭂᬧᬶ᭞ᬭᬶᬂ
ᬦ᭄ᬟᬶᬧᬺᬦᬄᬦᬶᬭᬾᬓᬸ᭞ᬳᬶᬓᬵᬧᬕᬸᬭ᭄ᬯᬵᬓ᭄ᬦ᭞ᬭᬶᬂᬲᬂᬯᬸᬲ᭄ᬧ᭄ᬭᬢᬫᬾᬂᬗ᭄ᬳᬚᬶ᭞ᬢᬶᬗ᭄ᬓᬄᬫᬕᬸᬭᬸ᭞ᬤᬾᬦᬶᬂᬩᬓ᭄ᬢᬶᬦᬾᬲᬢᬢ᭚ᬬᬦ᭄ᬢᬦ᭄ᬯᭀᬂᬯ᭄ᬭᬸᬄᬭᬶᬂᬲᬭᬶᬭ᭞ᬲᬫᬮᬯᬦ᭄ᬲᬢᭀᬚᬢᬶ᭞ᬩᬶ
ᬦᬦ᭄ᬬᬯ᭄ᬭᬸᬄᬫᬧ᭄ᬢᬵ᭞ᬳᬕᬸᬂᬥᬡ᭄ᬟᬦᬶᬓᬓᬓᬶ᭞ᬬᬦ᭄ᬯᭀᬂᬯ᭄ᬭᬸᬳᬶᬂᬭᬕᬦᬾᬓᬶ᭞ᬮᬶᬯᬢ᭄ᬓᬳᬸᬢ᭄ᬢᬫᬦᬶᬧᬸᬦ᭄᭞ᬲᬮ᭄ᬯᬶᬭᬶᬂᬤᭀᬱᬳᬶᬮᬂ᭞ᬲᬶᬤ᭄ᬟᬵᬳᬯᭀᬃᬭᬶᬂᬳ᭄ᬬᬂᬯᬶᬥᬶ᭞ᬦᬾᬓᬢᬸᬚᬸ᭞ᬚᬦ᭄ᬫᬵᬯ᭄ᬭᬸᬄ
ᬭᬶᬂᬲᬭᬶᬭᬵ᭚ᬧᬺᬢᬶᬗ᭄ᬓᬳᬶᬂᬚᬦᬵᬦᬶᬤ᭄ᬭ᭞ᬭᬶᬲ᭄ᬟᭂᬗᬶᬂᬫᬢᬳᬭᬶᬧ᭄᭞ᬧᬫ᭄ᬲᬢᬶᬭᬤᬳᬢ᭄ᬲᬸᬓ᭄ᬫᬵ᭞ᬮᬸᬧᬮᬯᬦ᭄ᬫᬾᬗᭂᬢ᭄ᬢᬶᬓᬶ᭞ᬦ᭄ᬤᬶᬗᬶᬧᬶᬦᭀᬭᬗᬶᬧᬶ᭞ᬦ᭄ᬤᬶᬧᬭᬦᬶᬓᬂᬮᬓᬸ᭞ᬭᬶᬂ
[᭑᭕ 15A]
ᬳᬯᬓ᭄ᬦ᭄ᬤᬢᬦ᭄ᬧᬯᬓ᭄᭞ᬳᬶᬓᬸᬳᬸᬮᬢᬦᬓᬓᬶ᭞ᬚᬢᬶᬳᬶᬓᬸ᭞ᬧᬦ᭄ᬦᭀᬭᬳᬦᬯᭀᬂᬯᬶᬓᬦ᭄᭚ᬬᬦ᭄ᬯ᭄ᬭᬸᬄᬍᬓᬲᬶᬂᬧ᭄ᬚᬄ᭞ᬦᭀᬭᬓ᭄ᬯᬾᬄᬓᬧᬶᬦᬸᬚᬶ᭞ᬓᬭᬶᬭᬕᬲ᭄ᬧᬶᬦᬸᬗ᭄ᬕᬮ᭄᭞ᬮᬸᬧᬳᬵ
ᬭᬶᬂᬚᬕᬢ᭄ᬢᬶᬓᬶ᭞ᬯᬾᬢ᭄ᬦᬶᬂᬧᬸᬮᭀᬭᬵᬢ᭄ᬦᬵᬥᬶ᭞ᬧᬺᬦᬳᬾᬯ᭄ᬓᬲᬶᬂᬳᬬᬸ᭞ᬲᬮ᭄ᬯᬶᬭᬶᬂᬭᬱᬳᬾᬦᬓ᭄᭞ᬳᬶᬭᬶᬓᬧᬺᬦᬳᬾᬓᬓᬶ᭞ᬭᬶᬂᬯᬾᬥᬾᬓᬸ᭞ᬫᬶᬚᬶᬮ᭄ᬭᬶᬂᬢᬸᬂᬢᬸᬗᬶᬂᬢᬶᬗ᭄ᬳᬮ᭄᭚ᬓᬤᬶᬳᬗ᭄ᬕᬦᬶᬂᬫᬦᬾᬫ᭄ᬩ
ᬓ᭄᭞ᬦ᭄ᬤᬶᬓᬂᬫᬶᬫᬶᬲ᭄ᬮᬦ᭄ᬩᭂᬤᬶᬮ᭄᭞ᬦ᭄ᬟᬶᬳᬧ᭄ᬯᬶᬦ᭄ᬬᬫᬢᭂᬫ᭄ᬯᬵ᭞ᬦ᭄ᬟᬶᬢᬢᬸᬚᭀᬦᬶᬭᬓᬓᬶ᭞ᬢᬢᬲᬦᬭᬶᬂᬧᬢᬶᬢᬶᬲ᭄᭞ᬳᬧᬂᬢᭂᬧᭂᬢ᭄ᬦᬾᬓᬢᬸᬚᬸ᭞ᬳᬧᬦ᭄ᬢᬦ᭄ᬤᭀᬄᬕ᭄ᬦᬄᬦ᭄ᬬ᭞ᬳᬦᬭᬶᬂᬕᬃᬪᬵᬦᬶᬭᬾᬓᬶ᭞ᬚᬢᬶ
ᬦᬶᬓᬸ᭞ᬳ᭄ᬬᬂᬗᬶᬭᬲᬂᬧ᭄ᬭᬫᬓᬯ᭄ᬬ᭚ᬧᬹᬚᬵᬓᬮᬯᬦ᭄ᬲᭂᬫ᭄ᬩᬳ᭄ᬬ᭞ᬧᬸᬦᬶᬓᬳᬯᬲ᭄ᬤᬾᬦ᭄ᬚᬢᬶ᭞ᬫᬲᬶᬕᬶᬢ᭄ᬓ᭄ᬮᬯᬦ᭄ᬓᬢᬄ᭞ᬭᬸᬫᬓ᭄ᬱᬾᬂᬫᬮᬾᬓᬢ᭄ᬓᬓᬶ᭞ᬫᬶᬯᬄᬓᬂᬧᬭᬦᬵᬪᬶ᭞ᬧᬥᬕᬫᬸᬚᬵᬳ᭄ᬬᬂᬳ
Kaca:Bali-lontar-gaguritan-sebun-bangkung-300ppi.pdf/15
Kaca puniki sampun kauji-wacén
