[᭑᭒ 12B]
᭑᭒
᭚ᬫᬸᬦᬶᬓᬂᬯ᭄ᬭᬾᬳᬱ᭄ᬝ᭄ᬭᬲᬃᬯ᭄ᬯᬳᬾᬦ᭄ᬤᬄ᭞ᬓᬤᬶᬓᬶᬤᬸᬂᬓᬓᬯᬶᬦ᭄᭞ᬯᬾᬤ᭄ᬟᬵᬚᬧᬫᬦ᭄ᬢ᭄ᬭᬵ᭞ᬫᬳᬸᬭᬳᬦ᭄ᬫᬭᬶᬂᬚᬕᬢ᭄᭞ᬳᭂᬦ᭄ᬢᭀᬮᬶᬬᬸᬳᬚᬓ᭄ᬳᬸᬦᬶᬂ᭞ᬰᬵᬲ᭄ᬢ᭄ᬭᬦᬾᬤᬤ᭄ᬯ᭞ᬲᬸᬓᭂᬄᬩᬳᬦ᭄ᬫᬗ᭄ᬭᬱᬦᬶᬦ᭄᭚ᬲᬂᬳ᭄ᬬᬂᬫᬾ
ᬗᭂᬢ᭄ᬫᬸᬗ᭄ᬕᬸᬄᬭᬶᬂᬧ᭄ᬭᬚ᭄ᬜᬦᬰᬹᬓ᭄ᬮ᭞ᬲᬂᬳ᭄ᬬᬂᬮᬸᬧᬫᬭᬶᬂᬲᭂᬧᬶ᭞ᬮᬸᬳᬸᬭᬶᬂᬧᬭᬫᬰᬹᬦ᭄ᬬ᭞ᬳᬦᬢᬢᬸᬜ᭄ᬚᬸᬂᬓᬺᬱ᭄ᬡᬵ᭞ᬫᬸᬮᬦᬶᬂᬲᬶᬋᬧ᭄ᬳᬢᬗᬶ᭞ᬫᬯᬓᬓ᭄ᬢᬦ᭄ᬧᬯᬓ᭄᭞ᬭᬶᬂᬫᬸᬮᬦᬶᬂᬳᭀᬗ᭄ᬓᬭᬲᬭᬶ᭚ᬫᬰ
ᬭᬶᬭᬲᬂᬳ᭄ᬬᬂᬳ᭄ᬦᬶᬂᬓᬤᬶᬫᬺᬢ᭄ᬢᬵ᭞ᬉᬗ᭄ᬕ᭄ᬯᬦᬶᬂᬲᬂᬳ᭄ᬬᬂᬲᬭᬰ᭄ᬯᬢᬶ᭞ᬲᬶᬦ᭄ᬥᬸᬓᬫᬦ᭄ᬟᬵᬮᬸᬬ᭞ᬫᬺᬢ᭄ᬢᬦᬶᬤᬤᬶᬚᬦ᭄ᬫᬵ᭞ᬫᬭᬶᬂᬮᬫᬤ᭄ᬳᬶᬓᬵᬫᬶᬚᬶᬮ᭄᭞ᬉᬭᬶᬧᬶᬂᬭᬢ᭄ᬦ᭞ᬤᬸᬓ᭄ᬫᬭᬶᬂᬕ᭄ᬟᭀᬂᬲᬭᬶ᭚ᬲᬶᬭ
ᬰᭀᬓᬢᬸᬭᬸᬦ᭄ᬫᬭᬗᬸᬗ᭄ᬲᬶᬢᭀᬬᬵ᭞ᬗᬮᬸᬓᬃᬯᬲ᭄ᬢ᭄ᬭᬳᬭᬶᬲ᭄᭞ᬓᬸᬩᬸᬜ᭄ᬘᬮᬦ᭄ᬲᬶᬜ᭄ᬚᬂ᭞ᬭᬭᬶᬲ᭄ᬳᬶᬤᬵᬫᬲᬶᬭᬫ᭄᭞ᬲᬶᬦᬶᬗ᭄ᬲᭂᬢ᭄ᬭᬵᬕᬦᬾᬲᭂᬧᬶ᭞ᬍᬲᬸᬧ᭄ᬭᬪᬵᬯ᭞ᬳᬶᬓᬂᬩᬜᬸ
[᭑᭓ 13A]
ᬫᬭᬶᬂᬕ᭄ᬦᬶ᭚ᬤᬤᬶᬓᬸᬓᬸᬲ᭄ᬢᬶᬗᬭᬶᬂᬚ᭄ᬜᬦᬵᬲᬸᬓ᭄ᬮᬵ᭞ᬮᬸᬳᬸᬭᬶᬂᬰᬶᬯᬵᬧᬢᬶ᭞ᬫᬸᬗ᭄ᬕᬄᬫᬭᬶᬂᬬᬾᬮᬵ᭞ᬤᬤᬷᬫᬵᬦᬸᬱᬤᬶᬩ᭄ᬬ᭞ᬧᬭᭀᬓᬦᬶᬂᬬᬬᬄᬩᬶᬩᬶ᭞ᬲᬵᬫ᭄ᬧᬸᬦ᭄ᬫᬦᬸᬗ᭄ᬕᬮ᭄᭞ᬚᬦ᭄ᬫᬵᬮᬦᬂᬮᬯᬦ᭄ᬳᬶᬲ᭄ᬢ᭄ᬭᬶ
᭟᭜᭟᭐᭚᭜᭚ᬧᬸᬄᬲᬶᬦᭀᬫ᭄᭚᭜᭚ᬳᬦᬢᬓᬯᬶᬗᬺᬜ᭄ᬘᬦ᭞ᬭᬵᬱᬦᬶᬂᬯᭀᬂᬫᬤᬵᬮᬶᬮ᭄᭞ᬢᬢᬓ᭄ᬭᬫᬳᬬ᭄ᬯᬮᬸᬧ᭞ᬭᬶᬂᬲᬫᬦᬶᬂᬫᬦᬸᬱᬾᬓᬶ᭞ᬳᬧᬦ᭄ᬓ᭄ᬮᬶᬃᬳ᭄ᬬᬂᬯᬶᬥᬶ᭞ᬭᬶᬂᬫᬵᬦᬸᬱᬓ
ᬩᬾᬄᬳᬶᬓᬸ᭞ᬮᬄᬭᬱᬦᬵᬦᬋᬓᭀ᭞ᬭᬶᬂᬫᬸᬮᬦᬶᬂᬚᬲᬤ᭄ᬳᬶᬓᬶ᭞ᬫᬲᬯ᭄ᬭᬸᬄᬬᬦ᭄ᬢᬦ᭄ᬯᬶᬥᬶᬲᬓᬾᬂᬯᬭ᭚ᬳᬾᬯᭂᬄᬤᬳᬵᬢ᭄ᬬᬦ᭄ᬤᬤᬶᬯᬂ᭞ᬦᭀᬭᬯ᭄ᬭᬸᬄᬫᬹᬮᬦᬶᬂᬤᬤᬶ᭞ᬫ᭄ᬯᬂᬫᬹᬮᬦᬶᬂᬉᬭᬶᬧ᭄ᬋᬓᭀ
᭞ᬳᬶᬓᬸᬮᬶᬯᬢ᭄ᬋᬓᬾᬧᬶᬸᬍᬯᬶᬄ᭞ᬮᬄᬢᬢᬓ᭄ᬯᬦ᭄ᬤᬾᬦ᭄ᬚᬢᬶ᭞ᬭᬶᬂᬯᭀᬂᬢᬢᬲᬶᬂᬧᬗᬯ᭄ᬭᬸᬄ᭞ᬳᬬ᭄ᬯᬢᬕᭂᬫ᭄ᬩᬃᬕᭂᬫ᭄ᬩᭀᬃ᭞ᬳᬚᬮᬮᬶᬳᬧᬂᬳᬾᬮᬶᬂ᭞ᬳᬧᬦ᭄ᬳᬶᬤᬸᬧ᭄᭞ᬦᭀᬭᬮᬦᬭᬶᬂᬲᬭᬶ᭚
Kaca:Bali-lontar-gaguritan-sebun-bangkung-300ppi.pdf/13
Kaca puniki sampun kauji-wacén
