[᭑᭑ 11B]
᭑᭑
ᬚᬦ᭄ᬫᬵ᭞ᬦᬶᬰᭀᬓᬫᬜᬯᬸᬭᬶᬦ᭄᭞ᬫᬾᬫᬾᬤᬶᬰᬲ᭄ᬢ᭄ᬭᬵᬦ᭄ᬜ᭞ᬫᬁᬋᬓᬾᬢᬢ᭄ᬯᬦ᭄ᬜ᭞ᬯᬾᬦ᭄ᬢᭂᬦ᭄ᬯᬶᬡ᭄ᬥᬸᬳ᭄ᬬᬂᬢ᭄ᬭᬶᬦᬵᬤᬶ᭞ᬫᬭᬸᬧᬳᬩᬂ᭞ᬤᬥᬹᬢ᭄ᬓᬾᬦᬶᬂᬧᬸᬢᬶᬄ᭟ᬤᬦᬾᬳᬩᬵᬂᬳᬶᬫᬾᬫᬾᬤᬤᬶ᭠
ᬒᬁᬗ᭄ᬓᬭ᭞ᬲᭀᬘᬶᬢ᭄ᬢᬳᬭᬦ᭄ᬬᬚᬢᬶ᭞ᬗ᭄ᬮᬄᬫᬾᬫᬾᬜᬫ᭞ᬧᬢ᭄ᬧᬢ᭄ᬬᬧᬧᬢᬸᬳᬦ᭄᭞᭠ᬳᭂᬦ᭄ᬢᭀᬳᬚᬓ᭄ᬩᬱᬂᬫᬶᬚᬶᬮ᭄᭞ᬗᬭᬦ᭄ᬳᬶᬩᬸᬱᬵ᭞ᬧ᭄ᬭᬢ᭄ᬢᬓᬵᬮᬥᭂᬗᭂᬦ᭄ᬚᬢᬶ᭚ᬤᬤᬶᬘᬢᬸᬃᬮᭀ
ᬓᬨᬮᬫᬯᬓ᭄ᬤᬾᬯ᭞ᬭᬶᬤᬍᬫ᭄ᬲᬗ᭄ᬕᬃᬓᬯᬶᬢ᭄᭞ᬍᬩᬸᬄᬩᬢᬸᬓᬯᬯ᭞ᬤᬤᬶᬜᬶᬮᬸᬫᬶᬦ᭄ᬫᬦᬸᬱᬵ᭞ᬕ᭄ᬦᬄᬳᬶᬭᬓᬦᬦ᭄ᬳᬾᬭᬶ᭞ᬳᬋᬧ᭄ᬭᬶᬂᬉᬦ᭄ᬢᬢ᭄᭞ᬳᭂᬦ᭄ᬢᭀᬫᬾᬫᬾᬚ᭄ᬯᬢᬢᬲᬶᬦ᭄᭚
ᬲᬸᬩᬧᬢ᭄ᬧᬢ᭄ᬧᬸᬦ᭄ᬤᬸᬳᬂᬤᬤᬶᬲᬦᬸᬗ᭄ᬕᬮ᭄᭞ᬫᬳᬤᬦ᭄ᬤᬸᬓᬸᬄᬰᬓ᭄ᬢᬶ᭞ᬢᬸᬦ᭄ᬤᬾᬦ᭄ᬗ᭄ᬭᬓ᭄ᬱᬚᬶᬯ᭞ᬏᬭᬶᬧᬾᬧᬂᬓᬋᬲ᭄ᬬᬦ᭄᭞ᬤᬸᬱ᭄ᬝᬵᬤᬹᬃᬚ᭄ᬚᬦᬾᬯ᭄ᬟᬶ᭞ᬳᬬ᭄ᬯᬮᬫᬾᬦᬄ᭞ᬬᬦ᭄ᬮᬮᬶᬳᭂᬦ᭄ᬢᭀᬜᬓᬶᬢᬶ
[᭑᭒ 12A]
ᬦ᭄᭚ᬳᭂᬦ᭄ᬢᭀᬤᬤᬶᬕ᭄ᬭᬶᬂᬗᬾᬦ᭄ᬤᬄᬧᬾᬮᬕ᭄᭞ᬭᬶᬂᬳᬯᬓ᭄ᬗᬸᬲᬓᬲᬶᬓ᭄᭞ᬤᬤᬶᬲᬃᬯᬾᬦ᭄ᬤ᭄ᬭᬶᬬ᭞ᬬᬦ᭄ᬧᬢᬸᬢ᭄ᬩᬳᬦ᭄ᬦᬶᬗ᭄ᬓᬳᬂ᭞ᬯᬾᬳᬶᬦ᭄ᬫᬺᬢ᭄ᬣᬵᬲᬭᬶᬲᬭᬶ᭞ᬤᬤᬶᬬᬱᬡ᭞ᬲᬶᬮᬸᬗ᭄ᬮᬸᬂᬬᬧᬢᬶᬉᬭᬶᬧ᭄᭚
ᬓᬾᬢᭀᬫᬾᬫᬾᬓᬤᬤ᭄ᬬᬦ᭄ᬜᬤᬤᬶᬚᬦ᭄ᬫᬵ᭞ᬤᬸᬓᬸᬄᬯᬃᬡ᭄ᬦᬤᬦᬾᬓᬸᬦᬶᬂ᭞ᬚ᭄ᬭᭀᬧ᭄ᬭᬫᬰᬹᬦ᭄ᬬ᭞ᬳᭂᬦ᭄ᬢᭀᬭᬱᬵᬭᬶᬂᬭᬵᬕ᭞ᬢ᭄ᬭᬸᬲ᭄ᬫᬭᬶᬂᬦᬾᬢ᭄ᬭᬗᭂᬦ᭄ᬤᬶᬄ᭞ᬲᬫᬫᬵᬦᬸᬱ᭞ᬓᬯᬶᬢ᭄ᬜᬦᬾᬳᭂᬦ᭄ᬢᭀᬬᬸᬓ᭄ᬢᬶ᭚
ᬲᬂᬳ᭄ᬬᬂᬳᬚᬶᬰᬭᬰ᭄ᬯᬢᬶᬫᬮᬸᬭᬗ᭄ᬓᬸᬲᬂ᭞ᬫᬸᬮᬦᬶᬂᬓᬦ᭄ᬢᭂᬦ᭄ᬳᬧᬂᬳᬾᬮᬶᬂ᭞ᬢᭀᬗᭀᬲ᭄ᬜᬭᬶᬂᬳᬯᬓ᭄᭞ᬰᬵᬲ᭄ᬢ᭄ᬭᬦᬾᬚ᭄ᬯᬧᬂᬢᬯᬂ᭞ᬤ᭄ᬯᬂᬤᬰᬩ᭄ᬲᬶᬓ᭄ᬩᭂᬲᬶᬓ᭄᭞ᬤᬸᬕᬸᬦ᭄ᬰ᭄ᬯᬮᬮᬶᬢ᭞ᬢᭀᬗᭀᬲ᭄ᬰᬵᬲ᭄ᬢ᭄ᬭᬦᬾᬧᬂᬧᬵ
ᬱ᭄ᬝᬶ᭚ᬳᬱ᭄ᬝᬧᬸᬮᬸᬄᬓ᭄ᬯᬾᬄᬦ᭄ᬬᬬᬦ᭄ᬧᬳᬦᬓ᭄᭞ᬳᬸᬦ᭄ᬢᬢ᭄ᬦ᭄ᬬᬫᭀᬤ᭄ᬭᬾᬫᬮᬶᬄ᭞ᬗᬸᬦᬶᬰ᭄ᬯᬮᬮᬶᬢ᭞ᬳ᭄ᬫᭀᬦᬶᬂᬭ᭄ᬯᬩᬶᬦᬾᬥᬵ᭞ᬓᬤᬶᬧᬓ᭄ᬱᬶᬳᬸᬤᬦ᭄ᬫᬸᬦᬶ᭞ᬫᭀᬤ᭄ᬭᬾᬰ᭄ᬯᬭᬦ᭄ᬬ᭞ᬓᬤᬶᬕᬺᬳᬶᬂᬚᬮᬦᬶᬥᬶ
Kaca:Bali-lontar-gaguritan-sebun-bangkung-300ppi.pdf/12
Kaca puniki sampun kauji-wacén
