Kaca:Bali-lontar-gaguritan-sarwa-aji-250ppi.pdf/25

Saking Wikisource
Kaca puniki sampun kauji-wacén

[᭒᭔ 24B]
᭒᭔
ᬦ᭄᭞ᬭᬭᬾᬦᬾᬮᬯᬸᬃᬫᬗᭂᬮᬶᬂ᭞ᬳᭂᬦ᭄ᬤᭂᬳᭀᬓᬸᬤᬜᬳᬶᬳᬬᬸ᭞ᬏᬫᬦ᭄ᬲᬦ᭄‌ᬯᬃᬡ᭄ᬦᬦ᭄ᬳᬶᬤ᭞ᬳᬬᬸᬦᬾᬢ᭄ᬯᬭᬦᬦ᭄ᬤᬶᬗᬶᬦ᭄᭞ᬳᬸᬓᬸᬢᬸᬓᬸᬢ᭄᭞ᬭᬭᬾᬦᬾᬮᬯᬸᬢ᭄ᬓᬤᬶᬫᬦ᭄᭟ᬓᬤᭂᬗ᭄ᬓᬸᬗᬂᬮᬯᬸᬢ᭄ᬓᬲᬶᬗᬮ᭄᭞ᬓᬳᬸᬓᬸᬢ᭄ᬳᬸᬓᬸᬢ᭄ᬓᬲᬶᬳᬶᬦ᭄᭞ᬢᬸᬮᬸᬲᬂ
ᬓᬬᬸᬦ᭄ᬳᬶᬫᬶᬭᬄ᭞ᬫᬭᬭᬫᬦᬾᬦᬾᬚᬦᬶ᭞ᬭᬭᬾᬦᬾᬬᬫᬦᬗᬶᬲ᭄᭞ᬗᬶᬂᬳᬶᬗᭂᬢ᭄ᬤᬸᬓᬶᬂᬳᬸᬭᬶᬧ᭄ᬫᬮᬸ᭞ᬓᬲᬬᬗᬂᬩᬦ᭄ᬭᬭᬫ᭞ᬫᬤᬶᬧᬶᬲᬕᬦᬾᬲᬫᬶ᭞ᬤᬤᬶᬗᭂᬮᬶᬂ᭞ᬭᬭᬾᬦᬾᬳᬶᬬᬓᬲᬶᬗᬮ᭄᭟ᬳᬶᬭᬗ᭄ᬤᬭᬭᬶᬲ᭄‌ᬦᬸᬗ᭄ᬓᬸᬮᬂ
ᬗᬸᬤᬜᬳᬶᬲᬗ᭄ᬓᬦ᭄ᬗᭂᬮᬶᬂ᭞ᬚᬮᬦ᭄ᬧᬋᬓ᭄ᬭᬶᬂᬪᬝᬵᬵᬭ᭞ᬓᬲ᭄ᬯᬃᬕ᭄ᬕᬦ᭄ᬳᬶᬬᬫᬦᬗ᭄ᬓᬶᬮ᭄᭞ᬭᬶᬂᬳ᭄ᬬᬂᬦᬶᬦᬶᬪᬖᬯᬢᬶ᭞ᬩᬋᬂᬳᭂᬫ᭄ᬩᭀᬓ᭄ᬜᬳᬶᬤᬶᬢᬸ᭞ᬢᭀᬂᬢᬸᬮᬸᬲᬂᬜᬳᬶᬫᬶᬭᬄ᭞ᬫᬭᬭᬫᬢᭂᬓᬾᬦ᭄ᬩᬶᬩᬶ᭞ᬲᬶᬤᬭᬳᬬᬸ᭞ᬜᬳᬶᬤᬶᬢᬸᬫ
ᬗᬲ᭄ᬢᬯ᭟ᬭᬭᬾᬦᬾᬢ᭄ᬯᬭᬵᬤᬗᬸᬘᬧ᭄᭞ᬩᬦ᭄ᬢᬓᬸᬢᬾᬓᬸᬤᬚᬦᬶ᭞ᬫᬗᭂᬦᭀᬢ᭄‌ᬳᬹᬧᬦ᭄ᬳᬶᬭᬗ᭄ᬤ᭞ᬚᬦᬶᬬᬫ᭄ᬭᬱᬫᬳᬶ᭞ᬳᬧᬦ᭄ᬢᬶᬢᬳᬶᬂᬯᬶᬥᬶ᭞ᬳᬧᬬᬢᬓᬸᬢᬶᬦ᭄ᬧᬸᬧᬸᬢ᭄᭞ᬳᬧᬦ᭄ᬦᭂᬫᬸᬢᬶᬢᬄᬳᬯᬓ᭄᭞ᬳᭂᬜᬾᬦ᭄ᬲᭂᬮ᭄ᬲᭂᬮ᭄ᬩᬸ
[᭒᭕ 25A]
ᬓᬚᬦᬶ᭞ᬢᬶᬢᬄᬮᬘᬸᬃ᭞ᬩᬶᬦ᭄ᬳᬯᭂᬓᬲ᭄ᬤᬤᬶᬚᬦ᭄ᬫ᭟ᬳᬫ᭄ᬩᬸᬮ᭄ᬢᭀᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬤᬦᬾᬭᬗ᭄ᬤᬫᬜᬯᬸᬢᬶᬦ᭄᭞ᬲᬬᬗᬾᬢ᭄ᬯᬭᬵᬤᬧᬾᬮᬕ᭄᭞ᬫᬗᭂᬓᬸᬓᬸᬢ᭄᭞ᬫ᭄ᬗᬲᬶᬳᬶᬦ᭄᭞ᬲᬬᬂᬲᬦ᭄ᬳᬶᬫᬶᬭᬄᬫᬡᬶᬓ᭄᭞ᬯᬃᬡ᭄ᬦᬦᬾᬫᬦᬸ
ᬤᬸᬢ᭄ᬓᬬᬸᬦ᭄᭞ᬲᬶᬂᬩᬶᬓᬲᬂᬗᬯᬾᬫᭂᬮᬄ᭞ᬤᬤᬶᬢ᭄ᬯᬭᬗᭂᬮᬄᬩ᭄ᬭᬂᬢᬶ᭞ᬩᬸᬓᬗᭂᬦ᭄ᬥᬸᬄ᭞ᬫᬦᬳᬾᬤᬦᬾᬳᬶᬭᬗ᭄ᬤ᭟ᬭᬭᬾᬦᬾᬭᬭᬶᬲ᭄ᬓᬧᭂᬚᬂ᭞ᬤᬶᬧᬫᬺᬫᬦ᭄‌ᬬᬫᬗᭂᬧᬶᬮ᭄᭞ᬤᬦᬾᬭᬗ᭄ᬤᬫᬋᬭᬲᬦ᭄᭞ᬭᬶᬂᬧ᭄ᬭᬦᬓᬦᬾ
ᬲᬫᬶ᭞ᬳᭂᬦᬾᬧᬤᬶᬗᭂᬳᬂᬦᬾᬦᬾᬚᬦᬶ᭞ᬧᬶᬢᬸᬢᬸᬃᬫᬾᬫᬾᬦᬾᬫᬮᬸ᭞ᬳᬧᬂᬜᬳᬶᬳᭂᬤᬳᭂᬗ᭄ᬲᬧ᭄᭞ᬧᬩᭂᬲᭂᬦ᭄ᬫᬾᬫᬾᬦᬾᬚᬦᬶ᭞ᬧ᭄ᬭᬦᬓᬦᬾ᭞ᬬᬲᬫᬶᬗᬢᬸᬭᬂᬲᬸᬫ᭄ᬩᬄ᭟ᬲᬧᬸᬦᬧᬶᬧᭂᬓᬬᬸᬦᬦ᭄᭞ᬤᬦᬾᬭᬗ᭄ᬤᬫᬜ
ᬯᬸᬭᬶᬦ᭄᭞ᬚᬮᬂᬚᬦᬶᬧ᭄ᬭᬚᬬᬦ᭄ᬬ᭞ᬫᬗᬯᬾᬏᬩᬢᬦᬼᬯᬶᬄ᭞ᬢᬸᬃᬫᬭᬶᬩᬕᬯᬢᬶ᭞ᬧ᭄ᬭᬦᬓᬦᬾᬭᬭᬶᬲ᭄ᬳᬶᬚᬸ᭞ᬫᬩᬮᬶᬄᬩᬲᬩᬲᬏᬗ᭄ᬕᬮᬂ᭞ᬲᬵᬫ᭄ᬧᬸᬦ᭄ᬧᭂᬧᭂᬓ᭄ᬧᬥᬲᬫᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬚᬸᬭᬸᬏᬩᬢᬾᬫᬓᭂᬚᬂ᭟ᬤᬦᬾᬭ