[᭒᭓ 23B]
᭒᭓
ᬦ᭄ᬢᬶᬢᬄᬯᬶᬥᬶ᭞ᬳᭂᬦ᭄ᬤᭂᬧ᭄ᬫᬮᬸ᭞ᬦᬾᬚᬦᬶᬚᬮᬦ᭄ᬓᬲᬾᬢ᭄ᬭ᭟ᬚᬕᬲᬸᬭᬸᬧ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬓᬲᬾᬢ᭄ᬭᬫᬓᬵᬃᬬ᭄ᬬᬩᬂᬩᬂ᭞ᬮᬶᬬᬸᬧᬶᬲᬕᬦᬸᬢᬸᬢᬶᬦ᭄᭞ᬲᬵᬫ᭄ᬧᬸᬦ᭄ᬬᬲᬫᬶᬧ᭄ᬭᬵᬧ᭄ᬢᬶ᭞ᬫᬗᬩᬧᬸᬜ᭄ᬚᬸᬂᬲᬵᬫ᭄ᬧᬸᬦ᭄᭞ᬲᬫᬶᬧᬥ
ᬧ᭄ᬭᬢ᭄ᬬᬓ᭄ᬱ᭞ᬫᬗᬸᬭᬸᬕᬶᬦ᭄ᬩᬂᬩᬂᬕᭂᬮᬶᬲ᭄᭞ᬲᬢ᭄ᬭᬸᬯᬸᬄᬤᬸᬃᬖ᭄ᬕᬬᬮᬶᬬᬸᬧᬶᬲᬦ᭄᭟ᬦᬾᬫᬫᬳᭂᬫ᭄ᬭᬭᬶᬲ᭄ᬩᬸᬤᬮ᭄᭞ᬢᬓᬸᬢᬾᬢᬦ᭄ᬲᬶᬧᬶᬲᬶᬧᬶ᭞ᬤᬾᬦᬶᬂᬗᭂᬦᭀᬢ᭄ᬤᬸᬃᬕ᭄ᬕᬓᬢᬄ᭞ᬤᬶᬲᬾᬢ᭄ᬭᬦᬾᬬᬧᬤᬶᬗ᭄ᬓ᭄ᬭᬶᬓ᭄᭞ᬫᬗ᭄ᬕᬮᬶᬄᬳᬦᬓᬾᬘᭂᬭᬶᬓ᭄᭞ᬓᬾ
ᬢᭀᬚᬦᬶᬓᬧᬶᬢᬸᬳᬸ᭞ᬳᬦᬓᬾᬘᭂᬭᬶᬓ᭄ᬫᬳᬭᬤ᭄᭞ᬳᭂᬦ᭄ᬢᭀᬓ᭄ᬭᬡᬚᬦᬶᬫᬵᬢᬶ᭞ᬓᬧᬶᬓᬾᬳᭂᬦ᭄ᬢᭀ᭞ᬧᬶᬲᬕᬩᬶᬱᬮᬾᬬᬓ᭄᭟ᬲᬶᬲ᭄ᬬᬦᬾᬫᬗ᭄ᬓᬶᬦ᭄ᬓᭀᬘᬧ᭞ᬫᬗᭂᬭᬾᬄᬬᬚᬸᬫ᭄ᬧ᭄ᬭᬢ᭄ᬚᬸᬫ᭄ᬧ᭄ᬭᬶᬢ᭄᭞ᬳᬗ᭄ᬕᭀᬬᬫᬗ᭄ᬤᬾᬬᭀ
ᬓᬂ᭞ᬦᬸᬗᬤᬄᬬᬦᬸᬤᬶᬂᬮᬗᬶᬢ᭄᭞ᬫᬓᭂᬳᭂᬩ᭄ᬗᬓᭂᬩᬶᬦ᭄ᬕᬸᬫᬶ᭞ᬫᬮᬾᬤ᭄ᬮᬾᬤ᭄ᬮᬬᬳᬾᬤᬶᬢᬸ᭞ᬩᬗ᭄ᬓᬾᬦᬾᬭᬭᬶᬲ᭄ᬫᬦᬸᬗ᭄ᬓᬸᬦᬦ᭄᭞ᬤᬤᬶᬧᭂᬲᬸᬳᬦᬓ᭄ᬘᭂᬭᬶᬓ᭄᭞ᬭᬭᬶᬲ᭄ᬲᬯᬸᬧ᭄᭞ᬭᬭᬾᬦᬾᬬᬓᬤᭂᬗ᭄ᬓᬸᬗᬂ᭟ᬲᭂᬍᬕᭂᬦ᭄ᬢᬶᬬᬫᬗᬚᬓ᭄᭞
[᭒᭔ 24A]
ᬫᬦᬶᬫᬦ᭄ᬮᬯᬸᬢ᭄ᬫᬳᬩᬶᬦ᭄᭞ᬲᬬᬂᬲᬦ᭄ᬳᬶᬕᬸᬲ᭄ᬢᬶᬫᬶᬭᬄ᭞ᬢ᭄ᬯᬭᬜᬦ᭄ᬤᬂᬫᬗᭂᬫᭂᬲᬶᬦ᭄᭞ᬯᬃᬡ᭄ᬦᬦᬾᬫᬗᬾᬤᬦᬶᬦ᭄᭞ᬢᬸᬮᬾᬦ᭄ᬳ᭄ᬬᬂᬭᬢᬶᬄᬭᬯᬸᬄ᭞ᬫᬜᬸᬮᬸᬳᬶᬦ᭄ᬚᬕᬢ᭄ᬫᬓᭂᬚᬂ᭞ᬢᬦ᭄ᬩᬶᬦᬓᬤᬶᬤᬤᬭᬶ᭞ᬍᬫ᭄ᬧᬸᬂᬍᬫ᭄ᬩᬸᬢ᭄᭞ᬢ᭄ᬯᬄᬤᬦᬾᬦᬾᬗᬬᬂᬳ
ᬬᬂ᭟ᬲᬫᬶᬧᬥᬓᬕᬾᬮᭀᬢᬦ᭄᭞ᬳᬶᬗᬦᬦ᭄ᬲᬸᬩᬢᭂᬗᬄᬯᭂᬗᬶ᭞ᬭᬭᬾᬦᬾᬬᬳᭂᬫ᭄ᬩᭀᬓ᭄ᬗᬚᬓ᭄᭞ᬫᬦᬶᬫ᭄ᬩᬮ᭄ᬫᬗᬭᬲ᭄ᬧᬶᬧᬶ᭞ᬭᬭᬾᬦᬾᬬᬫᬗᭂᬧᬶᬮ᭄᭞ᬤᬾᬦᬶᬂᬢᬓᬸᬢᬾᬫᬫᬸᬧᬸᬢ᭄᭞ᬫᬗᭂᬦᭀᬢ᭄ᬢᬫᬓᭂᬚᬂ᭞ᬕᭀᬩᬦᬾ
ᬬᬚᬗ᭄ᬓᬲᬫᬶ᭞ᬲᬵᬫ᭄ᬧᬸᬦ᭄ᬢᬫ᭄ᬧᭂᬓ᭄᭞ᬬᬭᬯᬸᬄᬫᬭᬶᬂᬧᬲᬾᬩᬦ᭄᭟ᬧ᭄ᬭᬦᬓᬦ᭄ᬗᬢᬸᬭᬂᬲᭂᬫ᭄ᬩᬄ᭞ᬢᬶᬢ᭄ᬬᬂᬧᭀᬮᬶᬄᬭᬭᬾᬳᬮᬶᬢ᭄᭞ᬯᬃᬡ᭄ᬦᬦᬾᬍᬧᬶᬄᬓᬵᬤᬶᬓᬾᬦ᭄ᬤ᭄ᬭᬦ᭄᭞ᬭᬹᬧᬦᬾᬬᬫᬗᬾᬤᬦᬶᬦ᭄᭞ᬮᬗ᭄ᬲᬶᬂᬮᬜ᭄ᬚᬃᬬᬫᬗ᭄ᬭᬧᬶᬢ᭄᭞ᬧᬫᬸ
ᬮᬸᬦᬾᬍᬫ᭄ᬧᬸᬂᬍᬫ᭄ᬩᬸᬢ᭄᭞ᬫᬗᭂᬢᬸᬲ᭄ᬫᬦᬄᬗᬦ᭄ᬢᭂᬦᬂ᭞ᬳᬦ᭄ᬢᬸᬓᬦᬾᬓᬭᬂᬘᭂᬦᬶᬓ᭄᭞ᬗᭂᬢᬸᬲ᭄ᬫᬦᬄ᭞ᬭᬭᬾᬦᬾᬬᬓᬓᬦ᭄ᬢᭂᬦᬂ᭟ᬳᬶᬭᬗ᭄ᬤᬭᬭᬶᬲ᭄ᬳᬗᬸᬘᬧ᭄᭞ᬳᭂᬤᬾᬄᬦᬶᬭᬗᭂᬫ᭄ᬩᬦ᭄ᬚᬦᬶ᭞ᬲᬶᬲ᭄ᬬᬦᬾᬭᬭᬶᬲ᭄ᬗᬢᬸᬭᬂ᭞ᬤᬦᬾᬭᬗ᭄ᬤᬫᬦᬶᬫ᭄ᬩᬮᬶ
Kaca:Bali-lontar-gaguritan-sarwa-aji-250ppi.pdf/24
Kaca puniki sampun kauji-wacén
