[᭒᭒ 22B]
᭒᭒
ᬗ᭄ᬓᬶᬸᬓᬗᬶᬦ᭄ᬫᬸᬦ᭄ᬤᬶᬬᬦ᭄ᬧᭂᬢᬓ᭄᭞ᬦᬾᬓᭂᬮᭀᬤ᭄ᬬᬩ᭄ᬭᬳ᭄ᬫᬵᬗᭂᬦ᭄ᬤᬶᬄ᭞ᬦᬾᬓᬯᬸᬄᬬᬓᬸᬦᬶᬂᬲᬫᬃ᭞ᬦᬾᬓᬚᬬᬓᬺᬱ᭄ᬡᬫᬗᭂᬦ᭄ᬤᬶᬄ᭞ᬬᬦ᭄ᬓᬢᭂᬗᬄᬫᬮᬶᬄ᭞ᬩ᭄ᬭᬸᬦ᭄ᬩᬸᬦ᭄ᬳᭂᬦ᭄ᬤᬶᬳᬦ᭄ᬳᬶᬧᬸᬦ᭄᭞ᬤᬤᬶᬩᬦᬾᬓᬦ᭄ᬢᭂᬦᬂ᭞ᬫᬢᬸᬫ᭄ᬧᬂᬲ᭄ᬮᬶᬓᬸᬃᬗᭂᬦ᭄ᬤᬶᬄ᭞ᬗᭂᬩᭂᬓᬶᬦ᭄ᬚᬕ᭠
ᬢ᭄᭞ᬫᬗᬩᬳᬩᬃᬭᬶᬂᬯᬶᬬᬢ᭄᭟ᬲ᭄ᬯᬃᬕ᭄ᬕᬦᬾᬬᬓᬳᬜ᭄ᬘᬢ᭄᭞ᬯᬢᭂᬓ᭄ᬤᬾᬯᬢᬦᬾᬚᭂᬭᬶᬄ᭞ᬤᬾᬦᬶᬂᬰᬓ᭄ᬢᬶᬦ᭄ᬬᬦᬶᬭᬗ᭄ᬤ᭞ᬩᬸᬓᬕᭂᬲᭂᬂᬦᬾᬚᬦᬶ᭞ᬓᭂᬩᬸᬲ᭄ᬩᬳᬂᬩᬸᬓᬄᬫᬶᬲᬶᬂ᭞ᬯᬢᭂᬓ᭄ᬤᬾᬯᬢᬦᬾᬕ᭄ᬭᬸᬩᬸᬕ᭄᭞ᬤᬾᬦᬶᬂᬓᬰᬓ᭄ᬢᬶᬬᬦ᭄ᬦᬶᬭᬗ᭄ᬤ᭞
ᬳᭂᬦ᭄ᬢᭀᬧᬥᬗᬸᬢᬄᬕᭂᬢᬶᬄ᭞ᬤᬤᬶᬢᬸᬫ᭄ᬧᬸᬃ᭞ᬚᬕᬢᬾᬬᬫᬓᭂᬚᬂ᭟ᬦᬶᬭᬗ᭄ᬤᬗᬯᬸᬓᬶᬦ᭄ᬧ᭄ᬭᬦᬓᬦ᭄᭞ᬫᬗᭂᬮᬸᬃᬮᬯᬸᬢ᭄ᬫᬜᭂᬭᬶᬢ᭄᭞ᬫᬢᬸᬮᬸᬗᬦ᭄ᬮᬯᬸᬢ᭄ᬕᭂᬮᬸ᭞ᬯᬯᬯᬾᬯᬾᬚ᭄ᬭᬢ᭄ᬚᭂᬭᬶᬢ᭄᭞ᬢ᭄ᬯᬭᬳᬤᬫᬜᬕ᭄ᬚᬕᬶᬦ᭄᭞ᬤᬤᬶᬬᬫᬗ᭄ᬭᬲᬢ
ᬓᬸᬢ᭄᭞ᬧᬮᬶᬬᬢᬾᬫᬫᬭᬶᬭᬓ᭄᭞ᬭᬱᬜᬢᭂᬓᭂᬤ᭄ᬤᬶᬲᬵᬫ᭄ᬧᬶᬂᬫᬮᬶᬄᬕᭂᬮᬸᬃ᭞ᬤᬦᬾᬭᬗ᭄ᬤᬫᬺᬭᬧᬗᬦ᭄᭟ᬤᬦᬾᬭᬗ᭄ᬤᬲᬬᬦ᭄ᬫᬭᬲ᭄᭞ᬫᬗᭂᬮᬸᬃᬮᬯᬸᬢ᭄ᬫᬜᭂᬭᬶᬢ᭄᭞ᬤᭀᬂᬳᬾᬗ᭄ᬕᬮᬂᬢᬸᬮᬸᬂᬋᬓᭀ᭞ᬧ᭄ᬭᬦᬓᬦᬾᬫᬜᬕ᭄ᬚᬕᬶᬦ᭄᭞
[᭒᭓ 23B]
ᬫᬦᬧᬾᬓ᭄ᬳᬸᬮᬶᬤᬶᬤᬸᬭᬶ᭞ᬤᬦᬾᬭᬗ᭄ᬤᬭᬭᬶᬲ᭄ᬩ᭄ᬕᭂᬮᬸ᭞ᬓᬤᬾᬦᬂᬫᬮᬶᬂᬫᬕᬸᬡ᭞ᬧ᭄ᬭᬦᬓᬦᬾᬦᭂᬫ᭄ᬩᬄᬫᬗ᭄ᬓᬶᬦ᭄᭞ᬫᬢᬸᬃᬮᬸᬧᬸᬢ᭄᭞ᬢᬶᬢ᭄ᬬᬂᬦᬸᬦᬲ᭄ᬓᬲᬶᬲᬶᬧᬦ᭄᭟ᬦᬶᬭᬗ᭄ᬤᬭᬭᬶᬲ᭄ᬳᬗᬸᬘᬧ᭄᭞ᬦᬾᬧᬤᬶᬗᭂᬳᬂᬳᬸᬮᬶᬓᭀᬧᬶᬂ᭞ᬳᬚᬓ᭄ᬜᬫᬦ᭄ᬜᬳᬶᬫ
ᬓᭂᬚᬂ᭞ᬫᬾᬫᬾᬫᬗᭀᬭᬳᬶᬦ᭄ᬜᬳᬶ᭞ᬧᬤᬶᬗᭂᬳᬂᬫᬾᬫᬾᬚᬦᬶ᭞ᬲᬢᬸᬳᬸᬃᬫᬾᬫᬾᬦᬾᬗᬸᬳᬸ᭞ᬫᬾᬫᬾᬳᬶᬢᬸᬜᬦ᭄ᬓᬭᬵᬜ᭄ᬘᬩ᭄᭞ᬳᬶᬫᬮᬶᬂᬫᬕᬸᬡᬳᬶᬓᬶ᭞ᬳᬶᬥᭂᬧ᭄ᬫᬾᬫᬾ᭟ᬢᭂᬓᬾᬦ᭄ᬜᬳᬶᬫᬗᭀᬭᬳᬂ᭟ᬓᭂᬫᬚᬦᬶᬜᬳᬶᬮ᭄ᬯᬲ᭄᭞ᬓᬲᬾ
ᬢᬗᬮᬶᬄᬳᬦᬓ᭄ᬘᭂᬭᬶᬓ᭄᭞ᬩᬓᬮ᭄ᬬᬫᬾᬫᬾᬳᬢᬸᬭᬂ᭞ᬭᬶᬂᬳ᭄ᬬᬂᬦᬶᬦᬶᬪᬕᬯᬢᬶ᭞ᬧ᭄ᬭᬦᬓᬦᬾᬫᬵᬢᬸᬃᬪᬓ᭄ᬢᬶ᭞ᬲᬦ᭄ᬤᬶᬓᬦ᭄ᬳᬶᬤᬲᬶᬦᬸᬳᬸᬦ᭄᭞ᬢᬦ᭄ᬓᭀᬘᬧᬤᬦᬾᬭᬗ᭄ᬤ᭞ᬓᭀᬘᬧᬂᬲᬶᬲ᭄ᬬᬦᬾᬲᬫᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬫᬭᬶᬂᬲᬾ
ᬢ᭄ᬭᬬᬫᬓᭂᬚᬂ᭟ᬓᭀᬘᬧ᭄ᬚᬤᬭᬭᬾᬧᭂᬚᬄ᭞ᬫᬾᬫᬾᬦ᭄ᬜᬦᬾᬫᬗᬸᬮᬶᬮᬶᬂ᭞ᬫᬗᭂᬮᬶᬂᬫᬜᭂᬮ᭄ᬲᭂᬮ᭄ᬭᬕ᭞ᬮᬶᬬᬸᬧᬶᬲᬕᬦᭂᬮᭀᬓᬶᬦ᭄᭞ᬳᬧᬧᬗᭂᬮᬶᬗᬶᬦ᭄ᬚᬦᬶ᭞ᬳᬧᬦ᭄ᬲᬸᬩᬢᬶᬢᬄᬤᬶᬸᬢᬸᬤᬸᬄ᭞ᬳᬧᬩᬸᬯᬶᬦ᭄ᬲᭂᬮ᭄ᬲᭂᬮᬂ᭞ᬫᬸᬮᬳᬧ
Kaca:Bali-lontar-gaguritan-sarwa-aji-250ppi.pdf/23
Kaca puniki sampun kauji-wacén
