[᭒᭑ 21B]
᭒᭑
ᬫᬾᬫᬾᬚᬦᬶᬫᬵᬢᬶ᭞ᬫᬕᬸᬢ᭄ᬕᬸᬢ᭄ᬲᬫ᭄ᬩᬶᬮ᭄ᬫᬕᬸᬬᬂ᭞ᬫᬗᬸᬮᬶᬮᬶᬂᬤᬓᬶᬩᭂᬗᬶᬮ᭄᭞ᬳᭂᬮᬾᬩ᭄ᬩᬳᬦ᭄ᬗᬶᬲᬶ᭞ᬳᬶᬫᬮᬶᬂᬫᬕᬸᬡᬦᬸᬗ᭄ᬓ᭄ᬭᬸᬓ᭄᭞ᬢᬸᬫᬸᬮᬶᬭᬭᬶᬲ᭄ᬩᬸᬤᬮ᭄᭞ᬤᬦᬾᬭᬗ᭄ᬤᬢᭂᬕᬸᬄᬰᬓ᭄ᬢᬶ᭞ᬤᭂᬓᭂᬮ᭄ᬤᭂᬓᭂᬮ᭄᭞ᬗᬯᬸᬓᬶᬦ᭄ᬫᬮᬶᬂᬫᬕᬸᬡ᭟ᬳᬧᬳᬮᬶᬄᬳᬶ
ᬩᬕᬸᬤᬮ᭄᭞ᬳᭂᬦᬾᬩᬸᬯᬶᬦ᭄ᬳᬮᬶᬄᬩᬸᬯᬶᬦ᭄᭞ᬫᬸᬮᬓᬳᬶᬧᬗ᭄ᬮᬮᬸᬯᬦ᭄᭞ᬳᬧᬂᬧᬶᬲᬦ᭄ᬗᭂᬫᬲᬶᬦ᭄ᬫᬢᬶ᭞ᬓᬮ᭄ᬩᬧᬦᬸᬯᬂᬤᬶᬦᬶ᭞ᬳᬧᬂᬧᬶᬲᬦ᭄ᬧᬶᬲᬦ᭄ᬘᬫ᭄ᬧᬸᬢ᭄᭞ᬢ᭄ᬯᬭᬓᬳᬶᬗᭂᬮᬄᬲᬦ᭄ᬢᬦ᭞ᬳᭂᬜᬾᬦ᭄ᬢᭀᬮᬶᬄᬚᬦᬶᬤᬶᬦᬶ᭞ᬳᬯᬓ᭄ᬚᭂᬮᬾ᭞
ᬫᬓᭂᬚᬂᬧᬥᬗᬦ᭄ᬢᭂᬫᬂ᭟ᬦᬶᬭᬗ᭄ᬤᬜᬢᬸᬃᬯᬶᬦᬓ᭞ᬫᬦᬺᬕᭂᬧ᭄ᬫᬳᭂᬧ᭄ᬓᬗᬶᬦ᭄᭞ᬫᬫᬸᬱ᭄ᬝᬶᬫᬗ᭄ᬭᬡᬲᬶᬓ᭞ᬗᬧ᭄ᬢ᭄ᬬᬂᬲᬂᬳ᭄ᬬᬂᬯᬶᬥᬶ᭞ᬫᬾᬭᬗᬾᬢᬦ᭄ᬲᬶᬦᬶᬧᬶ᭞ᬫᬗᭂᬜᭂᬧ᭄ᬪᬝᬵᬵᬭᬮᬶᬦ᭄ᬢᬂᬲ᭄ᬯᬾᬘ᭄ᬘ᭞ᬓᬮᬸᬕ᭄ᬭᬳ᭞ᬦᬶᬭᬗ᭄ᬤᬭᬭᬶᬲ᭄
ᬜᬸᬓ᭄ᬱ᭄ᬫ᭟ᬪᬝᬵᬭᬭᬭᬶᬲ᭄ᬗᬦ᭄ᬤᬶᬓ᭞ᬳᬧᬳᬮᬶᬄᬜᬳᬶᬫᬳᬶ᭞ᬤᬦᬾᬭᬗ᭄ᬤᬫᬵᬢᬸᬃᬲᭂᬫ᭄ᬩᬄ᭞ᬭᬶᬂᬪᬝᬵᬵᬭᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬳᬢᬸᬃᬲᬶᬲᬶᬧ᭄᭞ᬭᬶᬂᬪᬝᬵᬵᬭᬫᬵᬢᬸᬃᬳᬸᬧᬸᬢ᭄᭞ᬢᬶᬢ᭄ᬬᬂᬫᬫᬶᬢᬂᬓᬲᬶᬤᬶᬬᬦ᭄᭞ᬪᬝᬵᬭᬭᬭᬶᬲ᭄
[᭒᭒ 22A]
ᬗ᭄ᬮᬸᬕ᭄ᬭᬳᬶᬦ᭄᭞ᬤᬦᬾᬭᬗ᭄ᬤ᭞ᬫᬫᬶᬢᬂᬢᭂᬓᬾᬦ᭄ᬪᬝᬵᬵᬭ᭟ᬢᬶᬢ᭄ᬬᬂᬦᬸᬦᬲ᭄ᬧᬤᬸᬃᬕᬬᬦ᭄᭞ᬫᬗ᭄ᬤᬾᬗᭂᬦ᭄ᬤᬶᬄᬧᬜ᭄ᬘᬋᬱᬶ᭞ᬢᬸᬃᬩᬶᬲᬗᭂᬲᭂᬂᬚᬕᬢ᭄᭞ᬕᭀᬩᬳᬳᬾᬂᬚᬗ᭄ᬓᬕᬶᬮᬓ᭄᭞ᬮᬬᬳᬾᬧᬜ᭄ᬚᬂᬫᬗᭂᬦ᭄ᬤᬶᬄ᭞ᬓᬤᬶᬕ᭄ᬭᬶᬂᬲᬶᬂᬩᭂᬮᬂᬫ
ᬢᬸᬭᬸᬢ᭄᭞ᬳᭂᬩᭀᬓᬾᬕᬾᬫ᭄ᬮᬾᬲᬫᬄ᭞ᬫᭂᬤᭂᬓᭂᬤ᭄ᬓᬢᬸᬗ᭄ᬕᬓ᭄ᬩᬢᬶᬲ᭄᭞ᬦᬓᬧᬜ᭄ᬚᬂᬫᬮᬸᬗᬶᬦ᭄᭞ᬬᬩᬸᬓᬕᬶᬮᬧ᭄᭟ᬦᬾᬢ᭄ᬭᬦᬾᬮ᭄ᬯᬶᬃᬲᬹᬃᬬ᭄ᬬᬓᭂᬫ᭄ᬩᬃ᭞ᬘᭀᬗᬸᬳᬾᬮ᭄ᬯᬶᬃᬧᬭᭀᬦ᭄ᬯᭂᬲᬶ᭞ᬫᬸᬓᬦᬾᬮ᭄ᬯᬶᬃᬢᬩ᭄ᬯᬦ᭄ᬲᬶᬭᬄ᭞ᬘᬗ᭄ᬓᭂᬫᬾᬮ᭄ᬯᬶᬃᬕᭀ
ᬯᬕᬸᬫᬶ᭞ᬤᬾᬦᬶᬂᬬᬫᬗᬺᬱᬂᬳᬢᬶ᭞ᬲᬫᬶᬦᭂᬕ᭄ᬩ᭄ᬯᭀᬂᬫᬤᬸᬮᬸ᭞ᬤᬾᬦᬶᬂᬬᬫᬭᬸᬧᬕᬮᬓ᭄᭞ᬳᬫ᭄ᬩᬸᬮ᭄ᬢᭀᬧᬦᬸᬕ᭄ᬭᬳᬦ᭄ᬯᬶᬥᬶ᭞ᬤᬦᬾᬭᬗ᭄ᬤ᭞ᬳᬫ᭄ᬩᬸᬮ᭄ᬢᭀᬓᬶᬘᬦ᭄ᬧᬦᬸᬕ᭄ᬭᬳᬵ᭟ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬫᬗᬺᬕᭂᬧᬂ᭞ᬫᬫᬹᬃᬢ᭄ᬬᬂᬢ᭄ᬯᬭᬧᭂᬮᬶᬄ
ᬫᬗᭂᬜᭂᬧ᭄ᬫᭂᬲ᭄ᬯᬂᬰᬾᬱ᭞ᬧᬜᭂᬧᬾᬢ᭄ᬯᬭᬧᭂᬮᬶᬄ᭞ᬳᭂᬦᬾᬓᬾᬳᬱ᭄ᬝᬶᬲᬳᬶ᭞ᬲᬲᬸᬗᬸᬤᬦᬾᬢᬦ᭄ᬲᬸᬭᬸᬤ᭄᭞ᬦᬾᬦᬾᬓᬳᬦ᭄ᬢᭂᬫᬂᬧᬶᬲᬦ᭄᭞ᬳᬶᬫᬮᬶᬂᬫᬕᬸᬡᬰᬓ᭄ᬢᬶ᭞ᬓᬗᬶᬦ᭄ᬓᬯᬸᬄ᭞ᬓᬚᬓᭂᬮᭀᬤ᭄ᬬᬓᬢᭂᬗᬄ᭟ᬦᬾᬫ
Kaca:Bali-lontar-gaguritan-sarwa-aji-250ppi.pdf/22
Kaca puniki sampun kauji-wacén
