[᭑᭙ 19B]
᭑᭙
ᬥᬸᬄᬢᬸᬮᬸᬲᬂᬘᬳᬶᬢᬸᬳᬸ᭞ᬫᬕᬸᬲ᭄ᬢᬶᬢᭂᬓᬾᬦᬶᬭ᭞ᬩᬧᬗᭂᬮᬄᬰᬢ᭄ᬭᬸᬰᬓ᭄ᬢᬶ᭞ᬳᬦᬾᬭᬗ᭄ᬤ᭞ᬓᭂᬦᭂᬄᬓᬳᬶᬫᬩ᭄ᬭᬜ᭄ᬘᬩ᭄᭟ᬓᭀᬘᬧ᭄ᬬᬫᬦᬲᬶᬦ᭄ᬚᬕᬢ᭄᭞ᬳᭂᬦ᭄ᬢᭀᬘᬳᬶᬫᬗᬶᬢᬸᬗᬶᬦ᭄᭞ᬳᬶᬫᬮᬶᬂᬫᬕᬸᬳᬦᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂᬤᬾᬯᬳᬚᬶ᭞ᬢᬶ
ᬢ᭄ᬬᬂᬫᬧᬫᬶᬢ᭄ᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬳᭂᬦᬾᬧᬗᬗ᭄ᬕᭀᬳᬭᬗ᭄ᬲᬸᬓᬦ᭄᭞ᬓᭂᬫᬶᬢᬦ᭄ᬳᬸᬮᬶᬤᬶᬧᬸᬭᬶ᭞ᬢᬶᬢ᭄ᬬᬂᬗ᭄ᬮᬸᬂᬲᬸᬃ᭞ᬧᬳᬶᬘᬦ᭄ᬳᬶᬤᬲᬂᬦᬵᬣ᭟ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬪᬸᬱᬡᬦᬾᬲᬃᬯ᭄ᬯᬗᭂᬦ᭄ᬤᬶᬄ᭞ᬫᬳᬶᬭᬶᬗᬦ᭄ᬧ
ᬜ᭄ᬚᬓ᭄ᬭᭀᬭᬲ᭄᭞ᬧᬗᬗ᭄ᬕᭀᬦᬾᬲᬫᬶᬍᬯᬶᬄ᭞ᬲᬫᬶᬫᬲᬶᬗ᭄ᬲᭂᬢ᭄ᬩᬶᬦ᭄ᬢᬂ᭞ᬲᬫᬶᬬᬫᬗᬩᬲᬤᬸ᭞ᬮᬾᬗᬗᬩᬓᬮᬾᬯᬂ᭞ᬗᬩᬮᬸᬫ᭄ᬯᬂᬕᬕᬶᬢᬶᬓ᭄ᬫ᭄ᬲᬵᬫ᭄ᬧᬸᬦ᭄ᬧᬸᬢ᭄᭞ᬫᬧᬬᬲ᭄ᬫᬧᬚᭂᬂᬓᭂᬫ᭄ᬩᬃ᭟ᬚᬦᬶᬲᬵᬫ᭄ᬧᬸᬦ᭄ᬧᬥᬫᭂᬤᬮ᭄᭞ᬦᬾᬫ
ᬦᭀᬦ᭄ᬢᭀᬦ᭄ᬲᬵᬫ᭄ᬧᬸᬦ᭄ᬢᬶᬢᬶᬩ᭄᭞ᬲᬲᭀᬮᬳᬾᬲᬫᬶᬕᬯᭀᬓ᭄᭞ᬭᬱᬩᬸᬓᬗᬺᬱᬶᬂᬳᬢᬶ᭞ᬤᬾᬦᬶᬂᬢᬸᬫ᭄ᬩᬾ᭠ᬦ᭄ᬓᬧᬗ᭄ᬕᬶᬄ᭞ᬤᬤᬶᬬᬩᬦᬶᬢᬓᬸᬢ᭄᭞ᬫᬗᭂᬢᭀᬦ᭄ᬭᬭᬜ᭄ᬘᬩᬦ᭄᭞ᬯᬢᭂᬓ᭄ᬤᬾᬯᬳᬦᬾᬲᬦᬶ᭞ᬧᬓᭂᬩ᭄ᬬᬕ᭄ᬩ᭄ᬬᬕ᭄᭞ᬫᬗᭂᬢᭀ
[᭒᭐ 20A]
ᬦ᭄ᬫᬮᬶᬂᬫᬕᬸᬡ᭟ᬩᬕᬸᬲ᭄ᬳᬳᬾᬂᬳᬫ᭄ᬩᭂᬓ᭄ᬕᬮᬓ᭄᭞ᬫᬢᬦᬾᬫᬮᭀᬤ᭄ᬮᭀᬤ᭄ᬓᬸᬦᬶᬂ᭞ᬧᬚᬮᬦᬾᬲᬤᬋᬗᬲ᭄᭞ᬓᬶᬧ᭠ᬓ᭄ᬦᬶᬧᭂᬓ᭄ᬩᬸᬓᬫᬮᬶᬂ᭞ᬩᬶᬓᬲᬾᬲᬬᬦ᭄ᬘ᭄ᬭᬶᬭᬶ᭞ᬳᬸᬮᬢᬾᬫᬲᭂᬩᭂᬂᬢᬓᬸᬢ᭄᭞ᬫᬗᬤᬸᬩᬦ᭄ᬫᬸᬜᬶᬓᭂᬭᬲ᭄᭞ᬢᬦ᭄ᬓᭀᬘᬧᬦᬾᬦᬾ
ᬚᬦᬶ᭞ᬲᬕᬾᬢ᭄ᬭᬯᬸᬄ᭞ᬭᬶᬕᭂᬦᬳᬾᬤᬦᬾᬭᬗ᭄ᬤ᭟ᬭᬭᬶᬲ᭄ᬳᬗᭀᬩ᭄ᬫᬗᬦ᭄ᬢᭂᬦᬂ᭞ᬢᬦ᭄ᬓᭀᬘᬧᬬᬫᬮᬳᬶᬩ᭄᭞ᬭᭀᬯᬗᬾᬅᬦᬸᬢᬸᬕ᭄ᬋᬓᭀ᭞ᬕᬸᬲ᭄ᬢᬶᬧᬢᬶᬄᬤᭀᬂᬫᬯᬮᬶ᭞ᬢᬸᬫᬸᬮᬶᬰᬢ᭄ᬭᬸᬍᬯᬶᬄ᭞ᬫᬗᬸᬤᬲᬗ᭄ᬓᬦ᭄ᬗᬤᭂᬧᬸᬂ᭞ᬳᬶᬕᬸᬲ᭄ᬢᬶᬧᬢᬶᬄᬫ
ᬢᬸᬮᬓ᭄᭞ᬫᬾᬭᬗᬾᬢᬦ᭄ᬲᬶᬧᬶᬲᬶᬧᬶ᭞ᬤᬤᬶᬩᭂᬦ᭄ᬥᬸ᭞ᬫᬓᭂᬩ᭄ᬭᬶᬲ᭄ᬫᬜᭂᬫ᭄ᬧᬮ᭄ᬳᬯᬓ᭄᭟ᬳᬧᬦ᭄ᬓᬸᬮᬓᬸᬮᬯᬗ᭄ᬰ᭞ᬢᭀᬢᭀᬲᬶᬂᬧ᭄ᬭᬚᬸᬭᬶᬢ᭄ᬍᬯᬶᬄ᭞ᬢᬸᬫᬸᬮᬶᬄᬲᬢ᭄ᬭᬶᬬᬓᬯᭀᬢ᭄᭞ᬤᬤᬶᬬᬫᬗᬶᬋᬬ᭄ᬫᬦᬸᬤᬶᬂ᭞ᬢᬢᬳᬦᬂᬦᬾᬦᬾ
ᬚᬦᬶ᭞ᬢᬦ᭄ᬤᬸᬭᬸᬂᬬᬤᬤᬶᬳᬯᬸ᭞ᬤᭀᬱᬦᬾᬫᬦᬲᬶᬦ᭄ᬚᬕᬢ᭄᭞ᬓᭂᬫᬳᬸᬦ᭄ᬤᬂᬦᬾᬦᬾᬚᬦᬶ᭞ᬦᬾᬯᬶᬓᬾᬧ᭞ᬫᬗᬺᬩᬸᬢ᭄ᬫᬮᬶᬂᬫᬕᬸᬡ᭟ᬳᬶᬫᬮᬶᬂᬫᬕᬸᬡᬗᬸᬘᬧ᭄᭞ᬦᬄᬢᬳᬦᬂᬦᬾᬦᬾᬚᬦᬶ᭞ᬫᬫᬸᬱ᭄ᬝᬶᬬᬗ᭄ᬭᬡᬲᬶᬓ᭞ᬫᬗ᭄ᬭᬾᬳᬂ
Kaca:Bali-lontar-gaguritan-sarwa-aji-250ppi.pdf/20
Kaca puniki sampun kauji-wacén
