Kaca:Bali-lontar-gaguritan-sarwa-aji-250ppi.pdf/19

Saking Wikisource
Kaca puniki sampun kauji-wacén

[᭑᭘ 18B]
᭑᭘
ᬲ᭄ᬳᬚᬸᬃ᭞ᬫᬧᬶᬗ᭄ᬕᭂᬮ᭄ᬳᬦᬓ᭄ᬫᬶᬢᬦ᭄᭞ᬢᬓᭂᬩᬸᬲ᭄ᬢ᭄ᬭᬶᬥᬢᬸᬗ᭄ᬭᬯᬶᬢ᭄᭞ᬦᬤ᭄ᬢᬤ᭄ᬘᭀᬢ᭞ᬫᬢᬗ᭄ᬕᬸᬯᬶᬚᬶᬮᬶᬲᬩ᭄ᬭᬂ᭟ᬳᬢᬾᬦ᭄ᬳᬢᬾᬦᬾᬫᬩᬗᬦ᭄᭞ᬫᬓᬫ᭄ᬧᬸᬄᬲᬸᬢ᭄ᬭᬕ᭄ᬭᬶᬗ᭄ᬲᬶᬂ᭞ᬫᬩᬸᬮᬂᬩᬦ᭄ᬰᬸᬢ᭄ᬭᬲᬫᬃ᭞ᬫᬮᬮᬜ᭄ᬘᬂᬫᬲᬲᬶᬫ᭄ᬧᬶᬂ᭞ᬫᬗ᭄ᬭᬜᬩ᭄ᬫ
ᬲᭀᬘᬗᭂᬦ᭄ᬤᬶᬄ᭞ᬫᬡᬶᬓ᭄ᬧᬳᬶᬘᬦ᭄ᬲᬂᬧ᭄ᬭᬪᬸ᭞ᬫᬗᭂᬢᬸᬲ᭄ᬫᬦᬄᬗᬦ᭄ᬢᭂᬦᬂ᭞ᬫᬤ᭄ᬬᬦᬾᬫ᭄ᬭᭀᬲ᭄ᬢᬸᬃᬗ᭄ᬮᬭᬶᬲ᭄᭞ᬕᬲᬶᬂᬮᬸᬫ᭄ᬮᬸᬫ᭄᭞ᬧᬫᬸᬮᬸᬦᬾᬩᬸᬓᬳᬶᬮᬧ᭄᭟ᬫᬲᬂᬧᬢ᭄ᬩᬸᬯᬢᬦ᭄ᬧᬓᬸᬤᬦ᭄᭞ᬗᭂᬦ᭄ᬢᬶᬓᬂᬘᬘᬶᬗᬓ᭄ᬫᬦᬶᬲ᭄᭞ᬫᬗᬫ᭄ᬧᬶᬤ᭄ᬢᬫ᭄ᬩᬸᬮᬶᬮᬶ
ᬗᬦ᭄᭞ᬳᬸᬦ᭄ᬢᬸᬦᬾᬗᬯᬶᬦᬂᬩᬗ᭄ᬓᬶᬢ᭄᭞ᬫᬕᬢ᭄ᬭᬕᬢ᭄ᬭᬓ᭄ᬭᬯᬶᬲ᭄᭞ᬓᭂᬘᬸᬧᬦ᭄ᬮᬫ᭄ᬩᬾᬦᬾᬜᬸᬜᬸᬃ᭞ᬯᬮᬸᬬᬲᬂᬳ᭄ᬬᬂᬲ᭄ᬫᬭ᭞ᬢᬸᬭᬸᬦ᭄ᬤᬦᬾᬤᬾᬯᬢᬮ᭄ᬯᬶᬄ᭞ᬗᬯᬾᬘᬸᬫ᭄ᬧᬸ᭞ᬦᬸᬭᬄᬭᬢᬸᬕᬕᬫ᭄ᬩᬭᬦ᭄᭟ᬭᬳᬶᬦᬾᬲᬸᬫᬗ᭄ᬓᬶᬦ᭄ᬕᬶᬭᬲ᭄᭞ᬢ᭄ᬯᬭ᭠
ᬳᬤᬜᬬᬗᬂᬳᬸᬭᬶᬧ᭄᭞ᬜᬶᬗᬓ᭄ᬕᬸᬲ᭄ᬢᬶᬳᬕᬸᬂᬤᬶᬭ᭞ᬓ᭄ᬭᬲᬬᬫᬗ᭄ᬕᬶᬳᬶᬦ᭄ᬩᭂᬘᬶᬓ᭄᭞ᬬᬦ᭄ᬲᬋᬂᬫᬵᬲᬶᬦ᭄ᬫᬢᬶ᭞ᬗ᭄ᬓᬵᬦᬶᬂᬜᬦ᭄ᬤᬂᬲᬶᬮᬸᬂᬮᬸᬂ᭞ᬲᬓᬾᬯᬦ᭄ᬢᭂᬦ᭄ᬓᬘᬶᬗᬓ᭄᭞ᬫᬶᬚᬶᬮ᭄ᬧᬗᬦ᭄ᬤᬶᬓᬫᬵᬦᬶᬲ᭄᭞ᬭᬢᬸᬳᬬᬸ᭞ᬓᬭᬶᬚᬅᬦᬓᬧᬶᬲ
[᭑᭙ 19A]
ᬦ᭄᭟ᬢᬶᬢ᭄ᬬᬂᬮᬸᬗ᭄ᬳᬵᬗᭂᬦ᭄ᬤᭀᬦ᭄ᬬᬤ᭄ᬥ᭞ᬦᬵᬗ᭄ᬳᬶᬂᬓᬾᬬᬩᭀᬬᬮᬫᬶ᭞ᬧᬫᬃᬕ᭄ᬕᬶᬦ᭄ᬢᬶᬢ᭄ᬬᬗᬾᬫᬗ᭄ᬓᬢ᭄᭞ᬧᬶᬦᬸᬦᬲ᭄ᬢᬶᬢ᭄ᬬᬗᬾᬫᬮᬶᬄ᭞ᬢᬸᬮᬸᬲᬂᬚᬳᭀᬮᬲᬶᬦ᭄᭞ᬤᬸᬄᬫᬤᬍᬫ᭄ᬓᬸᬤᬳᬶᬧᬸᬦ᭄᭞ᬲᬵᬫ᭄ᬧᬸᬦ᭄ᬮᬮᬶᬦ᭄ᬬᬫᬯᭂᬓ᭞ᬳᬶᬧᬸᬦ᭄ᬳᬶᬓᬸᬦ᭄ᬤ᭠
ᬚᬫ᭄ᬧ᭄ᬬᬤᬶ᭞ᬦᬸᬦᬸᬢ᭄ᬫᬦᬄ᭞ᬳᬮᬂᬢ᭄ᬲᬸᬦ᭄ᬗᬯᬾᬦᬶᬦ᭄ᬢᬶᬢ᭄ᬬᬂ᭟ᬕᬸᬲ᭄ᬢᬶᬳᬕᬸᬂᬗᭂᬫ᭄ᬩᬦ᭄ᬧᬸᬢ᭄ᬭ᭞ᬦᬄᬲᬸᬩᬧᬕᬯᬾᬦ᭄ᬘᬳᬶ᭞ᬳᬓᬾᬦᬾᬦᭂᬧᬸᬓᬶᬦ᭄ᬲᬸᬓ᭞ᬮᬶᬂᬳᬶᬓᬸᬤᬚᬫ᭄ᬧ᭄ᬬᬦᬶ᭞ᬓᭂᬜᭂᬫ᭄‌ᬢᬶᬢᬶᬃᬣᬯᬢᬶ᭞ᬧᬗᭂᬫ᭄ᬩᬦ᭄ᬜᬓᬸᬤᬫᬮᬸ᭞ᬳᬦᬓᬾᬘᭂᬭᬶᬓ᭄᭞
ᬲᬶᬗᬮᬂ᭞ᬳᬢᬸᬭᬂᬳᬚᬓ᭄ᬓᬧᬸᬭᬶ᭞ᬫᬗ᭄ᬤᬾᬓᬢᬸᬗ᭄ᬓᬸᬮ᭄᭞ᬤᬶᬧᬸᬭᬶᬬᬫᬧᬮᬮ᭄ᬬᬦ᭄᭟ᬩᬧᬦ᭄ᬜᬦᬾᬚᬦᬶᬮ᭄ᬯᬲ᭄᭞ᬓᬤᬶᬭᬄᬬᬫᬦᬗ᭄ᬓᬶᬮ᭄᭞ᬦᬾᬫᬦᬶᬮᬫᬸᬦ᭄‌ᬬᬢᭂᬓ᭞ᬫᬕᬧ᭄ᬕᬧᬦ᭄‌ᬓ᭄ᬭᬾᬣᬘᭂᬦᬶᬓ᭄᭞ᬓᭂᬤᭂᬂᬚᬭᬦ᭄ᬲᬫ᭄ᬩᬶᬭᬦᬶ᭞
ᬫᬚᬮᬦ᭄ᬩᬶᬱᬫᬫ᭄ᬩᬸᬃ᭞ᬫᭂᬦᭂᬂᬳᭀᬓᬦᬾᬢᬸᬫᬸᬮᬶ᭞ᬯ᭄ᬯᬂᬚᭂᬭᭀᬦᬾᬫᬗᭂᬫ᭄ᬩᭂᬂᬵᬬᬾᬄᬫᬢ᭟ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬤᬶᬭᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬳᬶᬫᬮᬶᬂᬫᬕᬸᬦᬧ᭄ᬭᬵᬧ᭄ᬢ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬭᬯᬸᬄᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞