Kaca:Bali-lontar-gaguritan-sarpayadnya-01-350ppi.pdf/11

Saking Wikisource
Kaca puniki sampun kauji-wacén

[᭑᭐ 10B]
᭑᭐
ᬦᬾᬫᬡᬦ᭄ᬢᬶᬲ᭄ᬩᬸᬯᬶᬦ᭄‌ᬍᬫᬄᬤᬾᬦᬶᬂᬲᬸᬃᬬ᭄ᬬᬲᬩᬲᬶᬗᬶᬢ᭄ᬳᬧᬂᬤᬓᬲᬸᬭᬸᬧᬵᬦ᭄᭟ᬓᭀᬘᬧ᭄ᬯᬾᬦ᭄ᬢᭂᬦ᭄ᬧᬫᬶᬢᭀᬦ᭄ᬳᬲᬶᬓᬶᬦᬾᬫᬕ᭄ᬦᬄᬤᬶᬲᬕᭂᬧ᭄ᬢᬧᬢ
ᬮᬢᭀᬳᬗ᭄ᬕᭀᬦ᭄ᬭᬭᬧᬦ᭄ᬫᬗ᭄ᬓᬾᬫᬗ᭄ᬤᬾᬓᬲᬶᬤᬦ᭄ᬫᬲᬸᬦᬚ᭄ᬭᭀᬡᬶᬂᬲᬸᬢᬶᬃᬫᬗ᭄ᬭᬜ᭄ᬚᬶᬂᬦᬓᬾᬦ᭄ᬓᬾᬦ᭄ᬫᬲᬮᬶᬦ᭄ᬭᬸᬧᬵᬫᬯᬡ᭄ᬦᬵᬲᬂᬧᬸᬢᬸᬲ᭄ᬧᬸᬧᬸᬢ᭄ᬳᬮᬶᬤᬶᬧᬢᬧ
ᬦ᭄ᬫᬜᬶᬭ᭄ᬬᬂᬲ᭄ᬭᬸᬰᬭᬶᬂᬲᬂᬧᬭᬶᬓ᭄ᬱᬶᬢ᭄ᬫᬗ᭄ᬭᬯᬸᬳᬶᬦ᭄ᬫᬗ᭄ᬮᬮᬯᬤ᭄᭟ᬫᬫᬦ᭄ᬢᬢᭀᬄᬜᬫ᭄ᬩᬸᬮᬶᬫᬂᬲᬶᬓᬶ᭞ᬫᬓᬘᬳ᭄ᬦᬢᭀᬳᬗ᭄ᬕᭀᬦ᭄ᬳᬢᬸᬭᬦ᭄ᬫᬯᬤᬄᬲᬮᭀᬗᬾ
ᬲᬂᬋᬓᬾᬇᬢᬓ᭄ᬱᬓ᭞ᬬᬤᬶᬢᬸᬫᬢᬮᬶᬗᬦ᭄ᬫᬇᬤᬶᬘᭂᬦᬶᬓ᭄‌ᬯᬾᬦ᭄ᬢᭂᬦ᭄ᬬᬳᬫ᭄ᬩᬸᬮ᭄ᬕᬗᬦ᭄ᬗᬓᬲᬫᬃᬲᬭᬸᬤᬶᬜᬫᬸᬓ᭄ᬜᬵᬫ᭄ᬩᬸᬦᬾᬫᬕ᭄ᬦᬄ᭞ᬳᬳᬶᬮᬶᬤ
[᭑᭑ 11A]
ᬦ᭄ᬱᬫ᭄ᬧᬸᬲᬫᬧ᭄ᬝᬵᬗᬥ᭄ᬬᬦᬶᬦ᭄ᬳᬧᬬᬦᬾᬫᬜᬶᬤᬬᬂ᭟ᬓᭀᬘᬧᬦ᭄ᬱᬂᬧ᭄ᬭᬪᬸᬧᬭᬶᬓᭂᬲᬶᬢ᭄ᬤᬶᬧᬦᬕᬭᬲᬂᬧᬵᬡ᭄ᬠᬶᬢᬫᬗ᭄ᬯᬢᬸᬳᬶᬦ᭄ᬫᬗ᭄ᬓᬾᬳᬤᬗᬢᬸᬭᬂᬜᬫ᭄ᬩᬸ
ᬳᬤᬮᬾᬦ᭄ᬫᬗᬢᬸᬭᬂᬯᬦᬶᬲᬮᬓ᭄ᬫᬗ᭄ᬕᬶᬲ᭄ᬫᬶᬯᬄᬮᬗ᭄ᬲᬢ᭄‌ᬧᭂᬧᭂᬓ᭄ᬱᬵᬫ᭄ᬧᬸᬦ᭄ᬭᬯᬸᬄᬲᬂᬋᬰ᭄ᬬᬮᬯᬦ᭄ᬧᬸᬗ᭄ᬕᬯᬓᬘᬶᬗᬓᬦ᭄ᬳᬤᬓᬕᬾᬢ᭄ᬫᬮᬶᬄᬧ᭄ᬭᬱ᭄ᬝᬶ᭞ᬧᬡ᭄ᬠᬶ
ᬣᬢᬸᬢᬸᬕ᭄ᬢᬓ᭄ᬱᬓᬵ᭟ᬭᬭᬶᬲ᭄ᬗᭀᬚᭀᬕ᭄ᬳᬶᬤᬫᬭᬶᬂᬧᬸᬭᬶᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬚ᭄ᬭᭀᬡᬶᬂᬲᬧᬸᬢ᭄ᬭᬦ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬕᬾᬇᬥᬕ᭄ᬠᬾᬭᬯᬸᬄᬤᭀᬂᬫᬗ᭄ᬭᬭᬶᬲ᭄ᬭᬶᬂ
ᬳᬚᭂᬂᬫᬮᬶᬗ᭄ᬕᬶᬄᬳᬸᬢᬸᬓ᭄ᬱᬂᬓᬳᬢᬸᬭᬦ᭄ᬢᬸᬫᬶᬮᬸᬄᬳᬸᬫᬢᬸᬃᬧᬸᬦᬶᬓᬶᬢᬶᬢ᭄ᬬᬂᬗᬢᬸᬭᬂᬯᭀᬄᬯᭀᬳᬦ᭄ᬜᬫ᭄ᬦᬸᬯᬦ᭄ᬢᬄᬮᬶᬫᬂᬲᬶᬓᬶᬳᬗ᭄ᬕᬾᬦ᭄ᬢᬶᬢ᭄ᬬᬧ᭄ᬭᬘᬶᬳ᭄ᬦ᭟