Kaca:Bali-lontar-gaguritan-sarasamuscaya-400ppi.pdf/97

Saking Wikisource
Kaca puniki sampun kauji-wacén

[᭙᭖ 96B]
᭞᭙᭕᭞
ᬓᭂᬕᭂᬕᭂᬢᬦ᭄᭞ᬳᭀᬮᬶᬄᬩᬧᬵᬯ᭄ᬬᬓ᭄ᬢᬶᬦ᭄ᬜᬵ᭞ᬤ᭄ᬬᬲ᭄ᬢᬸᬭᬕᬦ᭄ᬤᬦᬾᬢᬸᬳᬸ᭞ᬓᬧᬶᬲ᭄ᬭᬄᬭᬶᬂᬳᬶᬧ᭄ᬬᬦᬓ᭄᭟ᬳᬶᬩ᭄ᬬᬂᬲᬧᬸ
ᬦᬶᬓᬵᬳᬸᬕᬶ᭞ᬧᬢᭂᬄᬭᬢᬵᬲᬬᬂᬳᬶᬤᬵ᭞ᬲᬶᬤᬵᬢᬦ᭄ᬱᬶᬤᬵᬳᬦ᭄ᬢᬸᬓᬵ᭞ᬫᬕᬸᬡ᭄ᬦᬵᬯ᭄ᬬᬤᬶᬦ᭄‌ᬦᬶᬃᬕᬸᬡ᭄ᬦᬵ᭞ᬯ᭄ᬬᬤᬶᬦ᭄‌ᬲᬸᬕᬶᬄ
ᬤ᭄ᬬᬲ᭄ᬢᬸᬢᬶᬯᬲ᭄᭞ᬓᬾᬗᬶᬦ᭄‌ᬲᬫᬶᬓᬸᬬᬸᬓᬸᬬᬸ᭞ᬓᭂᬲᬸᬗ᭄ᬓᭂ᭠ᬫᬶᬦ᭄‌ᬭᬶᬂᬳᬶᬩ᭄ᬬᬂ᭟ᬢᬦ᭄ᬧᬶᬲᬦ᭄‌ᬯᬾᬦ᭄ᬢᭂᬦ᭄‌ᬲᬸᬫᬳᬶᬄ᭞ᬓᬤᬶ
ᬧᬶᬤᬩ᭄ᬤᬩ᭄‌ᬳᬶᬩ᭄ᬬᬂ᭞ᬧᬼᬗᬦ᭄‌ᬳᬶᬦ᭄ᬤᬶᬓ᭄‌ᬜᬬᬗᬂ᭞ᬫᬦᬸᬧᬵᬓᬭᬵᬳᬶᬧ᭄ᬬᬦᬓ᭄᭞ᬤ᭄ᬯᬦᬶᬂᬲᬤᬵᬓᬗ᭄ᬕᭂᬄᬢ᭄ᬯᬵ᭞ᬧ᭄ᬬᬦ

[᭙᭗ 97A]
ᬓ᭄‌ᬗᬯᬦᬂᬧᬸᬦᬶᬓᬸ᭞ᬲᬧᬸᬦᬶᬓᬵᬯ᭄ᬬᬓ᭄ᬢᬶᬦ᭄ᬜᬵ᭟ᬧ᭄ᬬᬦᬓᬾᬩᬓ᭄ᬢᬶᬗᬬᬳᬶᬦ᭄᭞ᬧᬶᬢᬺᬱ᭄ᬡᬵᬢ᭄ᬓᬾᬦ᭄‌ᬋᬭᬫᬵ᭞
ᬩᭀᬬᬵᬓᬤᬶᬳᬶᬭᭂᬭᬵᬫᬵ᭞ᬳᭀᬮᬲ᭄‌ᬲᬬᬂᬗᬾᬭᬶᬂᬳᬶᬧ᭄ᬬᬦᬓ᭄᭞ᬬᬤ᭄ᬬᬲ᭄ᬢᬸᬮᬘᬸᬃᬢᬶᬯᬲ᭄᭞ᬲᬭᬢ᭄ᬳᬸᬕᬶ
ᬗᬸᬬᬸᬗᬸᬬᬸ᭞ᬦᬸᬮᬸᬂᬧ᭄ᬬᬦᬓ᭄‌ᬢᬦ᭄‌ᬚᬗ᭄ᬓᬵᬬᬦ᭄᭟ᬚᬤ᭄ᬫᬵᬦᬾᬚᬦ᭄ᬢᭀᬲ᭄‌ᬫᬩᬸᬓ᭄ᬢᬶ᭞ᬫᬧ᭄ᬬᬦᬓ᭄‌ᬫᬘᬸᬘᬸᬫ᭄ᬯᬄ᭞
ᬩᭀᬬᬵᬩ᭄ᬮᬲ᭄‌ᬭᬶᬂᬋᬭᬫᬵ᭞ᬢᬼᬩ᭄‌ᬩᬓ᭄ᬢᬶᬦᬾᬗᬯᬶᬦᬂ᭞ᬓᬤᬶᬩᬓ᭄ᬢᬶᬦᬾᬭᬶᬂᬤᬾᬯ᭄ᬯᬵ᭞ᬩᬓ᭄ᬢᬶᬦᬾᬭᬶᬂᬬᬬᬄ᭠