Kaca puniki sampun kauji-wacén
[᭘ 8B]
᭞᭗᭞
ᬳᬮᬵᬳᬬᬸᬦᬶᬂᬳᬸᬮᬄ᭞ᬳᬸᬮᬳᬾᬭᬶᬂᬓᭂᬤᬶᬢ᭄ᬯᬦ᭄᭞ᬢᬦ᭄ᬧᭂᬯᭀᬄᬲᬸᬚᬢᬶᬦ᭄ᬳᬶᬧᬸᬦ᭄᭞ᬤ᭄ᬯᬦᬶᬂᬫᬗ᭄ᬓᬶᬦ᭄ᬓᬩ᭄ᬯᬢᬦ᭄ᬜᬵ᭟ᬮ
ᬓ᭄ᬱᬡ᭄ᬦᬵᬦᬾᬓᬯᭀᬦ᭄ᬩ᭄ᬘᬶᬓ᭄᭞ᬲᬫᬵᬧᬯᭀᬂᬗᬦ᭄ᬫᬦᬸᬱᬵ᭞ᬳᬗ᭄ᬩᭀᬲ᭄ᬧᬶᬲᬦ᭄ᬳᬶᬦᬸᬘᬧ᭄᭞ᬢᬦ᭄ᬩᬶᬦᬵᬓ᭄ᬤᬾᬧ᭠
ᬦ᭄ᬓᬶᬮᬧ᭄᭞ᬲᭂᬫᬮᬶᬄᬓ᭄ᬢᬶᬮ᭄ᬓ᭄ᬦᬶᬬᬂ᭞ᬳᬯᬶᬦᬦ᭄ᬧᬢᬶᬢᬶᬲ᭄ᬢᬸᬚᬸ᭞ᬳᬲᬶᬂᬫᭂᬮᬭᬧᬦ᭄ᬤᬃᬫ᭄ᬫᬵ᭞ᬲᬮ᭄ᬯᬶᬃᬲᬦᬾᬗᬃᬤ᭄ᬥᬶ
ᬦᬶᬦ᭄᭞ᬭ᭄ᬯᬢᬶᬂᬭᬕᬵᬲᬭᬶᬭᬵ᭞ᬳᬸᬢᬯᬶᬫᭂᬧᬮᬵᬲ᭄ᬯᬃᬕ᭄ᬕᬵ᭞ᬫᬮᬶᬄᬬᬦᬶᬂᬯᬾᬦ᭄ᬢᭂᬦ᭄ᬗᭂᬦᬶᬬᬂ᭞ᬫᬦᬺᬱ᭄ᬝᬶᬫᬦᬸᬫᬤᬶᬚᬤ᭄ᬫᬵ᭞
[᭙ 9A]
ᬢᬸᬮᬓ᭄ᬭᬶᬂᬲᭂᬤᬡ᭄ᬦᬵᬧᬢᬸᬢ᭄᭞ᬓᭂᬤᬮᭀᬦᬂᬲᬸᬕᬶᬄᬯᬶᬃᬬ᭄ᬬᬵ᭟ᬮᭀᬩᬵᬳᬶᬤᭂᬧ᭄ᬜᬵᬢᬦ᭄ᬫᬭᬶ᭞ᬓᬶᬦᬸᬘᬧ᭄ᬚᬤ᭄ᬫᬵᬲᬂ᭠
ᬓᬮᬵ᭞ᬲᬂᬫᬦᬸᬫᬤᬶᬓᭂᬫᬦᬸᬱᬦ᭄᭞ᬤ᭄ᬬᬲ᭄ᬢᬸᬫᬤᬃᬫ᭄ᬫᬵᬲᭂᬤᬡ᭄ᬦᬵ᭞ᬢᬦ᭄ᬭ᭄ᬯᬢ᭄ᬲᬓᬶᬂᬲᬂᬲᬭᬵ᭞ᬬᬦ᭄ᬫᬮᬶᬄᬢᬸ᭠
ᬫᬶᬢᬶᬲ᭄ᬳᬶᬧᬸᬦ᭄᭞ᬢᬮᭂᬃᬓᬶᬦᬸᬘᬧ᭄ᬲᬂᬓᬮᬵ᭟ᬤ᭄ᬯᬦᬶᬂ᭠ᬢᬶᬢ᭄ᬬᬂᬲᬧᬸᬦᬶᬓᬶ᭞ᬫᬗᬸᬮᬧᬶᬦ᭄ᬫᬗᬸᬚᬶᬯᬢ᭄᭞ᬫᬧᬶᬢᬸ
ᬢᬸᬃᬫᬧᬶᬤᬃᬢ᭄ᬝᬵ᭞ᬫᬸᬗ᭄ᬕ᭄ᬯᬶᬂᬤᬕᬶᬂᬧᬚᬃᬢᬶᬢ᭄ᬬᬂ᭞ᬫᬶᬲᬭᬢᬂᬳᬃᬢ᭄ᬝᬵᬓᬫᬵ᭞ᬫᬗ᭄ᬤᬵᬫᭂᬲᬤᬡ᭄ᬦᬵᬧᬢᬸᬢ᭄᭞ᬲᬫ᭄ᬧᬸᬦᬂᬢᬸᬮ
