Kaca:Bali-lontar-gaguritan-sarasamuscaya-400ppi.pdf/89

Saking Wikisource
Kaca puniki sampun kauji-wacén

[᭘᭘ 88B]
᭞᭘᭗᭞
ᬢᬦ᭄ᬫᬗ᭄ᬕᬸᬳᬂᬧᬗᬦ᭄ᬳᬶᬧᬸᬫ᭄᭞ᬩᬗᭂᬢ᭄‌ᬗᬾᬤᬍᬫᬂᬳᬯᬓ᭄᭞ᬲᬂᬦᬸᬮᬸᬂᬗᬶᬦ᭄᭞ᬳᬸᬢᬫᬵᬭᬯᬸᬄᬓᭂᬯ᭄ᬓᬲ᭄᭟
ᬤ᭄ᬯᬦᬶᬂᬫᭂᬤᬡ᭄ᬦᬵᬧᬗᬦ᭄᭞ᬲ᭄ᬓᭂᬦ᭄‌ᬗᬯᬾᬯᬭᭂᬕ᭄‌ᬩ᭄ᬘᬶᬓ᭄᭞ᬲᬂᬫᭂᬤᬡ᭄ᬦᬵᬮᬦ᭄ᬓᭂᬤᬡ᭄ᬦᬵᬦ᭄᭞ᬧᬳᭂᬄᬮᬾᬤᬂᬭᬶᬂ
ᬧᭂᬓᬬᬸᬦ᭄᭞ᬤ᭄ᬯᬦᬶᬂᬫᬗ᭄ᬓᬶᬦ᭄‌ᬲᬫ᭄ᬧᬸᬦ᭄‌ᬲᬶᬤᬵ᭞ᬫᬗ᭄ᬮᬶᬬᬂᬗᬶᬦ᭄᭞ᬫᬸᬗ᭄ᬕ᭄ᬯᬶᬂᬮᬓ᭄ᬱᬡ᭄ᬦᬵᬧᬸᬦᬶᬓᬵ᭟ᬲᬦᬾᬧᬢᬸᬢ᭄‌ᬮ
ᬓ᭄ᬱᬡ᭄ᬦᬵᬬᬂ᭞ᬫᬭᭂᬧ᭄‌ᬚᬤ᭄ᬫᬵᬦᬾᬓᭂᬧ᭄ᬭᬶᬄᬳᬢᬶᬦ᭄᭞ᬓᬢᬶᬩᬾᬦ᭄‌ᬓᬓᬾᬯᭂᬳᬦ᭄᭞ᬯᬦ᭄ᬢᬄᬧᭂᬤᬡ᭄ᬦᬵᬧᬶᬢᬸᬮᬸᬂ᭞

[᭘᭙ 89A]
ᬭᬶᬂᬚᬤ᭄ᬫᬵᬓᭂᬍᬲ᭄ᬯᬦ᭄᭞ᬳᭀᬯᬢᬸᬢ᭄‌ᬯᬾᬳᬶᬦ᭄᭞ᬓᬓ᭄ᬩᬢ᭄‌ᬮᬦ᭄ᬧᭂᬲᬭᬾᬬᬦ᭄᭟ᬬᬦ᭄‌ᬫᬭᭂᬧ᭄‌ᬭᬶᬂᬚᬤ᭄ᬫᬵᬦᬾᬩ᭄ᬤ
ᬓ᭄᭞ᬢᭀᬬᬵᬦᬾᬧᬢ᭄‌ᬳᬶᬘᬾᬦᬶᬦ᭄᭞ᬭᬶᬂᬚᬤ᭄ᬫᬵᬦᬾᬲ᭄ᬥᬸᬓ᭄‌ᬧᬢᬸᬢ᭄ᬜᬵ᭞ᬧᭂᬤᬡ᭄ᬦᬵᬳᬶᬦ᭄‌ᬳᬦ᭄ᬢᬸᬓ᭄‌ᬲᬗᬸ᭞ᬲᬶ
ᬬᭀᬲᬦ᭄‌ᬭᬶᬂᬲᬧᬸᬦᬶᬓᬵ᭞ᬲᭂᬫᬶᬢ᭄ᬝᬵᬫᬦᬶᬲ᭄᭞ᬩᬢᬾᬲ᭄‌ᬩ᭄ᬘᬶᬓ᭄‌ᬫᬦᬄᬕᬮᬂ᭟ᬧᬸᬦᬶᬓᬵᬧᬢᬸᬢ᭄‌ᬧᬸᬕᬸ
ᬳᬂ᭞ᬧᬜᭂᬫ᭄ᬩ᭄ᬭᬫᬵᬫᬗ᭄ᬮᬶᬬᬂᬗᬶᬦ᭄᭞ᬤ᭄ᬯᬦᬶᬂᬫᬗ᭄ᬕᭂᬄᬭᬸᬦ᭄ᬢᬸᬢᬦ᭄ᬜᬵ᭞ᬤᬸᬮᬸᬭᬦ᭄‌ᬤᬡ᭄ᬦᬵᬧᬶᬢᬸᬳᬸ᭞ᬚᬢᬶᬳᬤᬸᬂᬗ