Kaca:Bali-lontar-gaguritan-sarasamuscaya-400ppi.pdf/88

Saking Wikisource
Kaca puniki sampun kauji-wacén

[᭘᭗ 87B]
᭞᭘᭖᭞
᭚—ᬚᬤ᭄ᬫᬵᬦᬾᬤᬸᬭᬸᬂᬓᭂᬲᬶᬤᬦ᭄᭞ᬧᬸᬧᬸᬢᬂᬰ᭄ᬯᬵᬓᬃᬫ᭄ᬫᬃᬦ᭄‌ᬳᬸᬭᬶᬧ᭄᭞ᬦᬾᬫᭂᬯᬲ᭄ᬢᬵᬘᬢᬸᬃᬯᬃᬕ᭄ᬕᬵ᭞ᬩᬗᭂᬢ᭄ᬳᬚ᭄ᬭᬶᬄ᭠
ᬩ᭄ᬬᬱᬦ᭄‌ᬳᬶᬧᬸᬦ᭄᭞ᬭᬶᬂᬚᬕᬵᬭᬯᬸᬄᬧᬤᭂᬫ᭄ᬜᬵ᭞ᬩᬶᬦᬵᬚᬢᬶ᭞ᬭᬶᬂᬚᬤ᭄ᬫᬵᬦᬾᬓᬦ᭄ᬢᬸᬦ᭄‌ᬮᬲ᭄ᬬᬵ᭟ᬲᬂᬧᬸᬧᬸᬢ᭄‌ᬭᬶᬂ
ᬲᬂᬓᬺᬢ᭄ᬝᬵᬓᬾᬃᬢ᭄ᬬᬵ᭞ᬭᬸᬫᬱᬵᬳᬮᬮ᭄‌ᬕᬸᬫᬦ᭄ᬢᬶ᭞ᬭᬶᬂᬯᬸᬄᬧᬤᭂᬫ᭄ᬜᬵᬧᬘᬂ᭞ᬓᬤᬶᬳᬮᬮ᭄‌ᬬᬵᬫᬦᬸᬗ᭄ᬕᬸ᭞ᬦᬸᬗ᭄ᬕᬸᬲᭂ
ᬯᬶᬢᬻᬳᬸᬢᬫᬵ᭞ᬲᬦᬾᬳᬰᬶᬄ᭞ᬫᬮᬶᬄᬲᬦᬾᬲᬬᬗᬂ᭟ᬲᬂᬢᬦ᭄ᬫᬤᬃᬫ᭄ᬫᬵᬲᭂᬤᬡ᭄ᬦᬵ᭞ᬧᬸᬦᬧᬶᬳᬯᬶᬦ

[᭘᭘ 88A]
ᬦ᭄‌ᬩ᭄ᬘᬶᬓ᭄᭞ᬫᬸᬗ᭄ᬕ᭄ᬯᬶᬂᬧᬸᬮᭂᬲ᭄ᬜᬵᬧᬸᬦᬶᬓᬵ᭞ᬤ᭄ᬯᬦᬶᬂᬧᬤᭂᬫ᭄ᬜᬵᬧ᭄ᬧᬸᬦᬶᬓᬸ᭞ᬫᬭᬸᬧᬵᬫᭂᬯᬢᭂᬲ᭄‌ᬫᬩ᭄ᬮᬢ᭄᭞ᬧᬘᬂᬧᬗ᭄ᬕᬶᬄ᭞
ᬦᭂᬫᭀᬓᬂᬦ᭄ᬭᬓᬵᬮᭀᬓᬵ᭟ᬬᬦᬶᬂᬫᬧᬸᬦ᭄ᬬᬵᬭᬬᬸ᭠ᬦᬦ᭄᭞ᬢᬦ᭄ᬫᬗᬾᬢᬂᬢᬸᬬᬸᬄᬲᬓᬶᬢ᭄᭞ᬭᬶᬂᬲᬂᬚᬤ᭄ᬫᬵᬦᬾ
ᬓᬘᬸᬦ᭄ᬥᬸᬓᬂ᭞ᬭᬶᬂᬫᬃᬕ᭄ᬕᬶᬓᬜ᭄ᬚᭂᬓᬦ᭄‌ᬍᬲᬸ᭞ᬢᬦ᭄ᬧᬶᬲᬦ᭄‌ᬲᬓᬶᬂᬳᬸᬦᬶᬂᬗᬵ᭞ᬓᭂᬤᬡ᭄ᬦᬵᬳᬶᬦ᭄᭞ᬮ᭄ᬯᬶᬄᬯᭀᬄᬤᬡ᭄ᬦ
ᬦ᭄ᬜᬵᬯᭂᬓᬲ᭄᭟ᬬᬦ᭄‌ᬲᬧᬸᬦᬶᬓᬶᬢᬶᬗ᭄ᬓᬄᬜᬵ᭞ᬚᬤ᭄ᬫᬵᬦᬾᬢᬶᬯᬲ᭄‌ᬩ᭄ᬭᬕ᭄‌ᬳᬭᬶᬕ᭄᭞ᬓᬢᬸᬮᬸᬂᬲ᭄ᬥᬓ᭄ᬜᬵᬳᬶᬘᬮ᭄᭞