Kaca:Bali-lontar-gaguritan-sarasamuscaya-400ppi.pdf/69

Saking Wikisource
Kaca puniki sampun kauji-wacén

[᭖᭘ 68B]
᭞᭖᭗᭞
᭞ᬳᬶᬦ᭄ᬤᬶᬓ᭄
ᬲᬤᬡ᭄ᬦᬵ
ᬧᬸᬦ᭄ᬬ᭟
ᬗᭂᬤᬲ᭄ᬫᬢᬶ᭞ᬤᬡ᭄ᬦᬵᬧᬸᬦ᭄ᬬᬵᬓᬦ᭄ᬢᬶᬦ᭄‌ᬳᬶᬧᬸᬦ᭄᭞ᬤᬡ᭄ᬦᬵᬧᬸᬦ᭄ᬬᬵᬦᬾᬧᬸᬦᬶᬓᬸ᭞ᬩᭀᬬᬵᬩ᭄ᬬᬂᬩᭀᬬᬵᬳᬚᬶ᭞ᬧᬘᬂᬫᬸ
ᬧᬸ᭞ᬫᬶᬓᭀᬮᬶᬄᬤᬡ᭄ᬦᬵᬳᬶᬦᬸᬘᬧ᭄᭟ᬲᬦᬾᬫᬫᬸᬓ᭄ᬢᬶᬨᬓᬦ᭄ᬜᬵ᭞ᬯᬦ᭄ᬢᬄᬲᬂᬗ᭄ᬮᬓ᭄ᬱᬡ᭄ᬦᬳᬶᬦ᭄᭞ᬦᬾᬫᭂᬰ᭄ᬭᬤ᭄ᬥᬵᬫᭂᬲᬤᬡ᭄ᬦᬵ
ᬧᬸᬦ᭄ᬬᬵ᭞ᬧᬸᬦᬶᬓᬵᬦᬾᬫᬶᬓᭀᬮᬶᬳᬶᬦ᭄᭞ᬫᬮᬶᬄᬤᬡ᭄ᬦᬵᬦᬾᬓᭂᬯᬲ᭄ᬢᬦᬶᬦ᭄᭞ᬓᭂᬩᬯᭀᬲ᭄‌ᬳᬦ᭄ᬢᬸᬓ᭄ᬲᬂᬧ᭄ᬭᬩᬸ᭞ᬲᬦᬾ
ᬢᬦ᭄ᬓᭀᬗ᭄ᬕᬦᬶᬦ᭄‌ᬳᬶᬂᬲᬵ᭞ᬬᬦ᭄ᬫᭂᬨᬮᬵᬚᬕ᭄ᬤᬶᬢ᭄ᬝᬵ᭟ᬧᬸᬦᬶᬓᬵᬓᬾᬳᬯᬶᬦᬦ᭄ᬜᬵ᭞ᬲᬦᬾᬧᬢᬸᬢ᭄‌ᬮᬓ᭄ᬱᬡ᭄ᬦᬳᬶ

[᭖᭙ 69A]
ᬦ᭄᭞ᬲᬫ᭄ᬧᬸᬦᬂᬳᬸᬕᬶᬦᭂᬫᬶᬢᬂ᭞ᬧᬳᬶᬘᬬᬂᬲᬓᬶᬂᬮᬭᬶᬲ᭄᭞ᬫᭂᬤᬡ᭄ᬦᬵᬧᬸᬦ᭄ᬬᬵᬓᬃᬤ᭄ᬥᬶᬦᬶᬦ᭄᭞ᬫᬮᬶᬄᬩᬸᬓ᭄ᬢᬶᬬᬂᬓᭂᬧᬢᬸᬢ᭄᭞
ᬤ᭄ᬯᬦᬶᬂᬚᬕᬢ᭄‌ᬢ᭄ᬮᬲ᭄᭞ᬬᬦᬶᬂᬯᭀᬄᬧᭂᬕᬯᬾᬦᬾᬓᬭᬶ᭞ᬯ᭄ᬬᬓ᭄ᬢᬶᬦ᭄‌ᬳᬶᬧᬸᬦ᭄᭞ᬬᬦ᭄ᬢᬦ᭄ᬢᭂᬮᬲ᭄‌ᬯᭀᬳᬶᬂᬓᬃᬫ᭄ᬫ᭟ᬧᬸ
ᬦᬶᬓᬵᬳᬸᬦᬶᬂᬗᬂᬢᬶᬢ᭄ᬬᬂ᭞ᬕᬸᬡ᭄ᬦᬦ᭄‌ᬳ᭄ᬬᬂᬯᬾᬤ᭄ᬥᬵᬧᬸᬭᬸᬓᬶᬦ᭄᭞ᬧᬢᬸᬢ᭄ᬳᬗ᭄ᬕᬾᬦ᭄‌ᬧᬗᬲ᭄ᬢᬯ᭄ᬯᬵ᭞ᬗᬲ᭄ᬢᬯ᭄ᬯᬵᬳ᭄ᬬᬂᬰᬶᬯ᭄ᬯᬵᬖ᭄ᬦᬶ᭞ᬫ
ᬦ᭄ᬢ᭄ᬭᬵᬬᬚ᭄ᬜᬵᬫᬗ᭄ᬤᬵᬳᬸᬦᬶᬂ᭞ᬭᬯᬸᬄᬳᬸᬧᬵᬘᬭᬦ᭄ᬳᬶᬧᬸᬦ᭄᭞ᬫᬮᬶᬄᬲᬶᬕᬸᬳᬾᬩᬯᭀᬲᬂ᭞ᬓᬕᬸᬡ᭄ᬦᬦ᭄‌ᬧᬸᬦᬶᬓᬵ᭞ᬩᬸᬓ᭄ᬢᬶ᭠