Kaca puniki sampun kauji-wacén
[᭕᭕ 55B]
᭞᭕᭔᭞
ᬫᬶᬓᬤᬶᬦ᭄ᬜᬵ᭞ᬲᬶᬭᬵᬳᬸᬕᬶᬧᬶᬦᬶᬄᬮ᭄ᬯᬶᬄ᭟ᬲᬚ᭄ᬭᭀᬦᬶᬂᬤᬃᬫ᭄ᬫᬵ᭠ᬓᭂᬯᬸᬯᬸᬲ᭄᭞ᬗ᭄ᬳᬶᬂᬲᬢ᭄ᬬᬵᬧᬶᬦᬶᬄᬳᬸᬢᬫᬵ᭞ᬬᬦ᭄ᬯᬾᬦ᭄ᬢᭂᬦ᭄ᬚᬤ᭄ᬫᬵ
ᬫᭂᬩᬯᭀᬲ᭄᭞ᬗᬯᬾᬓᬾᬯᭂᬄᬳᬦᬓ᭄ᬭᬭᬶᬲ᭄᭞ᬜᬗ᭄ᬕᬸᬧᬂᬧᬘᬂᬜᬶᬤᬬᬂ᭞ᬓᬩ᭄ᬯᬢᬦ᭄ᬳᬦᬓᬾᬫᬮᬶᬄ᭟ᬦᬗ᭄ᬳᬶᬂᬫᬗ᭄ᬮᬶ
ᬜᭀᬓ᭄ᬳᬶᬧᬸᬦ᭄᭞ᬚᬤ᭄ᬫᬵᬧᬸᬦᬶᬓᬓᭂᬯᬲ᭄ᬢᬦᬶᬦ᭄᭞ᬢᬦ᭄ᬳᬚ᭄ᬭᬶᬄᬭᬶᬂᬦᭂᬭᬓᬵ᭞ᬢᬦ᭄ᬓᬾᬗᬯᬾᬓᬾᬯᭂᬄᬤᬶᬭᬶ᭞ᬤ᭄ᬬᬲ᭄ᬢᬸᬦ᭄ᬚᬵᬳ
ᬦᬓ᭄ᬮᬶᬬᬦ᭄᭞ᬫᬸᬓ᭄ᬢᬶᬬᬂᬓᬾᬯᭂᬄᬜᬵᬭᬭᬶᬲ᭄᭟ᬲᬧᬸᬦᬶᬓᬶᬘᭂᬦ᭄ᬤᭂᬓ᭄ᬳᬶᬧᬸᬦ᭄᭞ᬲᬫ᭄ᬧᬸᬦᬂᬧᬶᬲᬦ᭄ᬗᬃᬤ᭄ᬤᬶᬦᬶᬦ᭄᭞ᬗᭂ
[᭕᭖ 56A]
ᬯ᭄ᬢᬸᬯᬂᬩᭂᬩᬯᭀᬲ᭄ᬮᬶᬜᭀᬓ᭄᭞ᬦᬾᬲᬦ᭄ᬤᬂᬩᬯᭀᬲᬂᬳᬸᬕᬶ᭞ᬯᬦ᭄ᬢᬄᬩᭂᬩᬯᭀᬲᬾᬧᭂᬲᬚᬵ᭞ᬲᬫ᭄ᬧᬸᬦᬂᬜᬓᬶᬢᬶᬦ᭄ᬳᬢᬶ᭟
ᬲᬫ᭄ᬧᬸᬦᬂᬫᬗᬸᬧᭂᬢ᭄ᬳᬶᬓᬸ᭞ᬯᭂᬲᬡ᭄ᬦᬳᬬᬸᬓᬃᬤ᭄ᬤᬶᬦᬶᬦ᭄᭞ᬫᭂᬩᬯᭀᬲ᭄ᬍᬢᬸᬄᬮᬦ᭄ᬩᬗ᭄ᬕ᭄ᬭᬲ᭄᭞ᬗᬸᬮᬄᬧᬶᬓᭀᬮᬶᬄᬫᬦ᭄ᬤᬶᬭᬶ
ᬫᬫᬶᬲᬸᬡ᭄ᬦᬵᬫᭂᬓᬤᬶᬦ᭄ᬜᬵ᭞ᬲᬫ᭄ᬧᬸᬦᬂᬫᬯᭀᬲᬂᬲᬫᬶ᭟ᬮᬓ᭄ᬱᬡ᭄ᬦᬦ᭄ᬲᬢ᭄ᬬᬵᬓᭂᬯᬸᬯᬸᬲ᭄ᬬᬦ᭄ᬧ᭄ᬭᬤᬾᬦᬾᬓᭂᬢ
ᬓᬾᬦᬶᬦ᭄᭞ᬫᬶᬩᭀᬬᬵᬧᬶᬲᬦ᭄ᬫᬗᬸᬩ᭄ᬤᬵᬬᬂ᭞ᬜᬶᬦᬳᬂᬲᬓᬶᬂᬲᬸᬚᬢᬶ᭞ᬢᭂᬢ᭄ᬯᬶᬬᬦ᭄ᬓᬤᬶᬳᬸᬦᬶᬗᬵ᭞ᬧᬸᬦᬶᬓᬵ
