Kaca puniki sampun kauji-wacén
[᭑᭘ 18B]
᭞᭑᭗᭞
ᬲ᭄᭞ᬲᬮ᭄ᬯᬶᬃᬳᬸᬯᬸᬲᬦ᭄ᬫᬯᬓ᭄᭞ᬚ᭄ᬭᭀᬦᬶᬂᬤᬤᬶ᭞ᬳᬸᬢᬯᬶᬫᬮᬶᬄᬫᬯᬓ᭄᭟ᬳᬯᬶᬦᬦ᭄ᬜᬵᬲᬗ᭄ᬬᬂᬯᬾᬤ᭄ᬥᬵ᭞ᬲᬦ᭄ᬤᬂ
ᬧᬧᬮᬶᬂᬳᭂᬳᬶᬂᬳᬢᬶ᭞ᬫᭂᬲᭂᬤᬡ᭄ᬦᬵᬳᬶᬢ᭄ᬬᬱᬵ᭞ᬓᬮᬶᬄᬧᬸᬭᬡ᭄ᬦᬵᬓᭂᬯᬸᬯᬸᬲ᭄᭞ᬤ᭄ᬯᬦᬶᬂᬳᬚ᭄ᬭᬶᬄᬲᬗ᭄ᬬᬂᬯᬾᬤ᭄ᬥᬵ᭞ᬭᬶᬂᬲᬂᬓ᭄ᬤᬶ
ᬓ᭄᭞ᬳᬸᬦᬶᬂᬗᬾᬭᬶᬂᬧᭂᬧ᭄ᬮᬚᬳᬦ᭄᭟ᬳᬶᬄᬤᬾᬯ᭄ᬯᬵᬤᬾᬯ᭄ᬯᬵᬧᬶᬭᭂᬗᬂ᭞ᬳ᭄ᬤᬵᬜᬾᬦ᭄ᬳᬶᬤᬾᬯ᭄ᬯᬵᬫᬢᬶ᭞ᬫᬳᬶᬫᭂᬫᬳᭂ
ᬓᬶᬦ᭄ᬩᬧᬵ᭞ᬋᬓᬾᬲᬧᬸᬦᬶᬓᬵᬢᬓᬸᬢ᭄᭞ᬲᬫᬮᬶᬄᬲᬦ᭄ᬤᬂᬳᬾᬮᬶᬗᬂ᭞ᬲᬓᬵᬮ᭄ᬯᬶᬃ᭞ᬓᭂᬓ᭄ᬘᬧ᭄ᬳ᭄ᬬᬂᬘᬢᬸᬃᬯᬾᬤ᭄ᬥᬵ᭟
[᭑᭙ 19A]
ᬲᬸᬚᬢᬶᬦ᭄ᬦᬾᬫ᭄ᬯᬲ᭄ᬢᬵᬤᬃᬫ᭄ᬫᬵ᭞ᬫᬮᬶᬄᬓᭂᬓ᭄ᬘᬧᬾᬫᬶᬚᬶᬮ᭄᭞ᬲᬓᬶᬂᬲᭂᬫᬺᬢ᭄ᬝᬶᬧᬸᬦᬶᬓᬵ᭞ᬓᬾᬗᬶᬦᬦ᭄ᬤᬃᬫ᭄ᬫᬵᬓᭂᬯᬸᬯᬸᬲ᭄
᭞ᬓᬤ᭄ᬥᬸᬕᬶᬳᭀᬮᬶᬄᬲᬂᬲᬧ᭄ᬢᬵ᭞ᬤᬃᬫ᭄ᬫᬵᬯ᭄ᬬᬓ᭄ᬢᬶ᭞ᬲᬶᬧ᭄ᬢᬵᬦᬾᬲᬢ᭄ᬬᬵᬯᭂᬘᬡ᭄ᬦᬵ᭟ᬲᬂᬳᬧ᭄ᬢᬵᬓᬗ᭄ᬕᭂᬄᬲᭂᬭᬤ᭄ᬥᬵ᭞ᬫᬗ᭄ᬕᭂᬄᬤᬤᭀ
ᬲ᭄ᬕᬸᬭᬸᬲᬸᬘ᭄ᬘᬶ᭞ᬓᬾᬗᬶᬦ᭄ᬫᭂᬧᬳᬶᬘᬵᬢᬢ᭄ᬯᬵ᭞ᬫᬓᬵᬢᭂᬢᬕᬵᬓᭂᬯᬸᬯᬸᬲ᭄᭞ᬯ᭄ᬬᬓ᭄ᬢᬶᬓᭂᬯᬲ᭄ᬢᬦᬶᬦ᭄ᬤᬃᬫ᭄ᬫᬵ᭞ᬲᬶᬮᬶᬄ
ᬢᬸᬗ᭄ᬕᬶᬮ᭄᭞ᬫᬗ᭄ᬕᭂᬄᬮ᭄ᬯᬶᬄᬤᬃᬫ᭄ᬫᬵᬳᬶᬦᬸᬘᬧ᭄᭟ᬤᬃᬫ᭄ᬫᬵᬲ᭄ᬭᬸᬢ᭄ᬝᬶᬫᬗ᭄ᬕᭂᬄᬧᬶᬲᬦ᭄᭞ᬲᬦᬢᬡ᭄ᬦᬵᬤᬃᬫ᭄ᬫᬵᬫᬮᬶᬄ᭞ᬓᭂᬩ᭄ᬬ
