Kaca:Bali-lontar-gaguritan-sarasamuscaya-400ppi.pdf/187

Saking Wikisource
Kaca puniki sampun kauji-wacén

[᭑᭘᭖ 186B]
᭞᭑᭘᭕᭞
ᬩᬄ᭞ᬩᭀᬬᬵᬯᬾᬦ᭄ᬢᭂᬦ᭄‌ᬮᬗ᭄ᬕᭂᬂᬲᬫᬶ᭟ᬲᬧᬸᬦᬶᬓᬵᬩ᭄ᬯᬢᬦ᭄ᬦᬾᬭᬶᬂᬓᬲᬸᬕ᭄ᬬᬦ᭄‌᭞ᬤ᭄ᬯᬦᬶᬂᬧᬶᬓ᭄ᬤᭂᬄᬢᬦ᭄ᬫᬭᬶ᭞ᬦᬧᬶ
ᬓᬩ᭄ᬯᬢᬦ᭄ᬜᬵ᭞ᬧᬸᬦᬧᬶᬤ᭄ᬯᬦᬶᬂᬧᬶᬲᬭᬢ᭄᭞ᬭᬶᬂᬲᬧᬵᬲᬶᬭᬵᬳᬸᬕᬶ᭞ᬓᬩ᭄ᬯᬢᬦ᭄ᬜᬵ᭞ᬤ᭄ᬯᬦᬶᬂᬧᬶᬲᬭᬢ᭄‌ᬢᬦ᭄ᬫᬭᬶ᭟
ᬚᬦ᭄ᬢᭀᬲ᭄‌ᬯᬾᬦ᭄ᬢᭂᬦ᭄‌ᬫᭂᬗᭂᬢᭀᬳᬂᬚᬶᬯ᭄ᬯᬵ᭞ᬧᬤᭂᬫ᭄‌ᬭᬶᬂᬧᬬᬸᬤ᭄ᬥᬦ᭄‌ᬓᬾᬗᬶᬦ᭄᭞ᬓ᭄ᬤᭂᬄᬭᬶᬂᬓᭂᬲᬸᬕ᭄ᬬᬦ᭄᭞ᬯᬾᬦ᭄ᬢᭂ
ᬦ᭄‌ᬳᬶᬧᬸᬦ᭄‌ᬚᭂᬕ᭄‌ᬫᭂᬫᬜ᭄ᬚᬓ᭄᭞ᬤᬤᭀᬲ᭄‌ᬧᬭᭂᬓᬦ᭄‌ᬲᬸᬩᬓ᭄ᬢᬶ᭞ᬫᬸᬗ᭄ᬕ᭄ᬯᬶᬂᬓᬩ᭄ᬯᬢᬦ᭄ᬜᬵ᭞ᬫᬭᬶᬂᬓᭂᬲᬸᬕ᭄ᬬ

[᭑᭘᭗ 187A]
ᬦ᭄‌ᬢᬦ᭄ᬫᬭᬶ᭟ᬓᬲᬸᬕ᭄ᬬᬦ᭄‌ᬗᬯᬶᬦᬂᬳᬾᬲ᭄ᬯᬃᬬ᭄ᬬᬵ᭞ᬳᬾᬲ᭄ᬯᬃᬬ᭄ᬬᬵᬓ᭄ᬯᬱᬵᬓᭂᬳᬃᬢᬶᬦᬶᬦ᭄᭞ᬭᬾᬄᬗᭂᬯ᭄ᬢᬸᬯᬂᬓᭂᬓ᭄ᬯᬱᬬ
ᬦ᭄᭞ᬚᬤ᭄ᬫᬵᬦᬾᬗ᭄ᬯᬱᬵᬓᭂᬲᬸᬕ᭄ᬬᬦ᭄᭞ᬧᬸᬧᬸᬮᬦ᭄‌ᬤᭀᬱᬵᬓᭂᬯᬲ᭄ᬢᬦᬶᬦ᭄᭞ᬳᬾᬲ᭄ᬯᬃᬬ᭄ᬬᬵᬧᬸᬦᬶᬓᬵ᭞ᬩᭀ
ᬬᬵᬧᬶᬲᬦ᭄‌ᬮᬗ᭄ᬕᭂᬂᬲᬸᬚᬢᬶ᭟ᬩᭀᬬᬵᬯᬗ᭄ᬤᬾᬳᬶᬧᬸᬦ᭄‌ᬗᬯᬾᬲᬓᬶᬢ᭄‌ᬫᬦᬄ᭞ᬓᬮᬵᬳᬶᬘᬮ᭄‌ᬗᬯᬾᬲᬓᬶ
ᬢ᭄‌ᬲ᭄ᬤᬶᬄ᭞ᬬᬦ᭄‌ᬫᬯᭂᬯᭂᬄᬫ᭄ᬯᬄ᭞ᬢᬦ᭄ᬱᬄᬗᬯᬾᬩ᭄ᬬᬄᬧᬭᬵ᭞ᬳᬾᬲ᭄ᬯᬃᬬ᭄ᬬᬵᬦᬾᬓᭂᬯᬲ᭄ᬢᬦᬶᬦ᭄᭞ᬤ᭄ᬯᬦᬶᬂᬲᬧᬸᬦᬶ