Kaca puniki sampun kauji-wacén
[᭑᭑᭗ 117B]
᭞᭑᭑᭖᭞
ᬮᬸᬂ᭞ᬧᬸᬦᬧᬶᬫᬮᬶᬄᬫᬜᬾᬯᬓᬵ᭞ᬫᬗ᭄ᬤᬵᬳᬶᬧᬸᬦ᭄ᬓᬳᬶᬘᬾᬦᬶᬦ᭄᭞ᬩᬗᭂᬢ᭄ᬮᬗ᭄ᬓᬸᬂ᭞ᬳᬶᬧᬸᬦ᭄ᬫᬗ᭄ᬕᬸᬳᬂᬲᬗ᭄ᬱᬭᬵ᭟
ᬤ᭄ᬯᬦᬶᬂᬚᬤ᭄ᬫᬵᬦᬾᬜᬾᬯᬓᬵ᭞ᬗᭂᬍᬫᭂᬲ᭄ᬫᬗ᭄ᬤᬵᬓᭂᬯᬾᬮᬸᬶᬳᬶᬦ᭄᭞ᬯᬮᬸᬬᬵᬓᬗ᭄ᬕᬾᬦ᭄ᬧ᭄ᬮᬮ᭄ᬬᬦ᭄᭞ᬳᬦ᭄ᬢᬸᬓ᭄
ᬲᬓᬲᬾᬯᬓᬳᬶᬦ᭄᭞ᬩᬯᭀᬲ᭄ᬲᬂᬓᬲᬾᬯᬓᬳᬶᬦ᭄᭞ᬫᬳᬶᬫᬮᬸᬦᭂᬕᬓ᭄ᬤᬶᬢᬸ᭞ᬫᬚᬸᬚᬸᬓ᭄ᬫᭂᬦ᭄ᬤᭂ
ᬧ᭄ᬗᭂᬭᬯᭀᬲ᭄᭞ᬲᬂᬜᬾᬯᬓᬵᬫᬶᬢᬸᬭᬸᬢᬶᬦ᭄᭞ᬓᬩ᭄ᬯᬢ᭄ᬳᬶᬧᬸᬦ᭄᭞ᬫᬗ᭄ᬤᭂᬲᬶᬤᬵᬦᬾᬓᭂᬳᬘᭂᬧᬂ᭟
[᭑᭑᭘ 118A]
ᬢᬦ᭄ᬧᭂᬕᬢ᭄ᬳᬶᬤᬵᬳᬶᬬᬂᬩ᭄ᬭᬳ᭄ᬫᬵ᭞ᬗᬤᬓᬂᬲᬃᬯ᭄ᬯᬵ᭞ᬫᬳᬸᬭᬶᬧ᭄᭞ᬓᬢᬄᬍᬯᬶᬃᬧᬯᭀᬲᬦ᭄ᬜᬵ᭞ᬢᬦ᭄ᬢᬸᬗ᭄ᬕᬮ᭄
ᬫᬦᬄᬜᬵᬫᬮᬶᬄ᭞ᬲᭀᬮᬄᬭᬸᬧᬦ᭄ᬜᬵᬢᬦ᭄ᬢᬸᬗ᭄ᬕᬶᬮ᭄᭞ᬦᬾᬳᬲᬶᬓᬶᬯ᭄ᬬᬓ᭄ᬢᬶᬦ᭄ᬳᬶᬧᬸᬦ᭄᭞ᬢᬦ᭄ᬓᭂᬲᬺᬲ᭄ᬢᬶᬳ᭠
ᬦ᭄ᬢᬸᬓ᭄ᬳᬶᬤᬵ᭞ᬬᬤ᭄ᬬᬲ᭄ᬢᬸᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬦᬾᬢᬦ᭄ᬩᭂᬦ᭄ᬥᬸ᭞ᬭᬶᬂᬲᬂᬲᬭᬢ᭄ᬦᬾᬫᬜᬾᬯᬓᬵ᭟ᬧᬂᬩᬗᭂᬢ᭄ᬗᭂᬍ
ᬫᭂᬢ᭄ᬦᬸᬦᬲ᭄᭞ᬢᬦ᭄ᬩᬶᬦᬵᬭᬶᬂᬗ᭄ᬭ᭄ᬤᬲ᭄ᬫᬢᬶ᭞ᬜᭂᬤᭂᬕ᭄ᬭᬗ᭄ᬱᭂᬓ᭄ᬫ᭄ᬕᬢ᭄ᬫᭂᬕᬢ᭄᭞ᬦᭂᬭᬸᬢᬸᬕ᭄ᬓᬮᬵᬫᬫᬸᬜᬶ᭞
