Kaca puniki sampun kauji-wacén
[᭑᭑᭖ 116B]
᭞᭑᭑᭕᭞
ᬲᭂᬚᬯᬦᬶᬂᬗᬮᬲ᭄ᬩ᭄ᬘᬶᬓ᭄᭞ᬧᬢᬸᬢ᭄ᬳᬶᬧᬸᬦ᭄᭞ᬜᬸᬲᬸᬧ᭄ᬮᬕᬲ᭄ᬗᬸᬢᬂᬳᬸᬫᬄ᭟ᬤ᭄ᬯᬦᬶᬂᬚᬤ᭄ᬫᬵᬦᬾᬓᬶᬫ᭄ᬧᬲ᭠
ᬦ᭄᭞ᬳᬦ᭄ᬢᬸᬓ᭄ᬓᬲᬸᬓᬦ᭄ᬦᬾᬫᬸᬭᬶᬧ᭄᭞ᬚ+(ᬦ᭄ᬢᭀ)ᬲ᭄ᬢ᭄ᬯᬵᬓᭂᬲᬗ᭄ᬱᬭᬦ᭄᭞ᬲᬢᬸᬯᬸᬄᬜᬵᬫᭀᬮᬶᬄᬲ᭄ᬤᬶᬄ᭞ᬫᬗ᭄ᬕᭂᬄ
ᬓᬤᭀᬓᭂᬯᬲ᭄ᬢᬦᬶᬦ᭄᭞ᬢᬦ᭄ᬧᭂᬧᬮᬵᬢᬸᬬᬸᬄᬳᬶᬧᬸᬦ᭄᭞ᬲᬧᬸᬦᬧᬶᬫᬮᬶᬄᬳᬾᬮᬶᬗᬂ᭞ᬭᬶᬂᬳᬮᬲ᭄ᬦ
ᬗᬸᬦ᭄ᬓᬾᬃᬢ᭄ᬝᬶ᭞ᬤ᭄ᬯᬦᬶᬂᬲᬫ᭄ᬧᬸᬦ᭄᭞ᬲ᭄ᬓᭂᬦ᭄ᬓᬾᬯᭂᬄᬓᭂᬧᬗ᭄ᬕᬸᬳᬂ᭟ᬲᬶᬬᭀᬲ᭄ᬢᬭᬸᬲᬾᬦ᭄ᬤᬾᬄᬗᭂᬩᬄ᭞ᬩᭀᬗ᭄ᬓᭀ
[᭑᭑᭗ 117A]
ᬢ᭄ᬳᬸᬫᬄᬳᬸᬬᭂᬤ᭄ᬫᬮᬶᬄ᭞ᬲ᭄ᬫᬸᬢᬾᬤᬶᬢᬸᬫᬳᬸᬫᬄ᭞ᬫᬮᬶᬄᬳᬫᬄᬢᭂᬢᬦᬶ᭞ᬓᬸᬮᬶᬢ᭄ᬜᬵᬩᬩᬓ᭄ᬢᬦ᭄ᬫᬭᬶ᭞
ᬮᬾᬧ᭄ᬮᬾᬧ᭄ᬳᬧᬶᬓᬤᬶᬧᬸᬯᬸᬦ᭄᭞ᬫᭂᬦ᭄ᬢᬶᬓ᭄ᬭᬶᬂᬓ᭄ᬭᬶᬓᬶᬮᬾᬩ᭄ᬭᬢ᭄᭞ᬢᬦ᭄ᬧᭂᬕ᭄ᬢᬄᬳᬶᬧᬸᬦ᭄ᬗᬩᬶᬂ᭞ᬤ᭄ᬯᬦᬶᬂᬳᬶ᭠
ᬧᬸᬦ᭄᭞ᬩᬗᭂᬢ᭄ᬧᬶᬲᬦ᭄ᬓᭂᬲᬗ᭄ᬱᬭᬦ᭄᭟ᬤ᭄ᬯᬲ᭄ᬢᬸᬦ᭄ᬬᬵᬲᬧᬸᬦᬶᬓᬵ᭞ᬓᬦ᭄ᬢᬸᬦ᭄ᬩ᭄ᬘᬶᬓᬦ᭄ᬓ᭄ᬯᬲ᭄ᬢᬦᬶᬦ᭄᭞ᬭᬶᬂᬚ
ᬤ᭄ᬫᬵᬦᬾᬢᬶᬯᬲ᭄ᬲᬗ᭄ᬱᬭᬵ᭞ᬦᬾᬲᭂᬢᬢᬵᬩᬶᬗᬸᬂᬧᬮᬶᬂ᭞ᬫᬦᬸᬮᬫᬾᬄᬗᬰᬶᬄ᭞ᬫᬳᬶᬮᭂᬳᬦ᭄ᬗᬶᬤᬶᬄᬢᬸ
