[᭘ 8 B]
ᬗ᭄ᬯᭂᬂᬓᬸᬓᭂᬃᬢᬦᬵᬕᬭ᭞ᬫᬳᬲᬸᬭᬗᬭᬦᬾᬓᬶ᭞ᬢᬸᬃᬓᬢᬄᬫᬩᬍ᭞ᬧᬧᬢᬶᬄᬢᬦ᭄ᬤᬫᬦ᭄ᬢ᭄ᬭᬶᬬ᭞ᬧᬸᬭᬸᬲᬯᬶᬲᬾᬲᬲᬓ᭄ᬢᬶ᭞ᬓᭂᬫᬸᬮᬸᬫᬓ᭄ᬬ᭞ᬳᬸᬦᬶᬗᬂᬲᬳᬸᬭᬄᬳᬭᬶᬄ᭟ᬦᬾᬫᬂᬓᬶᬦ᭄
ᬳ᭄ᬬᬂ᭞ᬓᬸᬫᬭᬧᬘᬂᬫᬢᬶᬮᬃ᭞ᬫᬧᬫᬶᬢ᭄ᬭᬶᬗᬶᬩᬸᬳᬚᬶ᭞ᬲᬳᬗᬢᬸᬭᬂᬲᭂᬫ᭄ᬩᬄ᭞ᬦᬚᭂᬂᬭᬶᬗᬶᬤᬓᬮᬶᬳᬦ᭄᭞ᬫᬲ᭄ᬯᬩᬯᬤᬳᬢ᭄ᬲᭂᬤᬶᬄ᭞ᬳᬶᬤᬳ᭄ᬬᬂᬰᬶᬯ᭞ᬓᬧ᭄ᬭᬶᬳᬗᭂᬦ᭄ᬲᬋᬂᬓᬮᬶᬄ᭞ᬲᬲᬫ
ᬧᬸᬦᬾᬳ᭄ᬬᬂᬓᬸᬫᬭᬮᬸᬫᬫ᭄ᬧᬳᬓᬾᬘ᭄ᬭᬶᬢᬳ᭄ᬬᬂᬓᬵᬍᬫᬂᬓᬶᬦ᭄᭞ᬭᬶᬗᬄᬩᬶᬗᬸᬄᬫᬜᬦ᭄ᬢᭀᬲᬂ᭞ᬭᬳᬶᬦᬦᬾᬓᬚᬧᬚᬧ᭄᭞ᬲᬯᬶᬭᬾᬄᬧᬘᬂᬫᬫᬸᬓ᭄ᬢᬶ᭞ᬢᬢᬤᬳᬦ᭄᭞ᬲᬶᬳᬂᬤᬮᬸᬓ᭄ᬧ᭄ᬢᬶᬳᬧ᭄ᬢᬶ᭟
ᬭᬶᬓᬜ᭄ᬚᭂᬦᬦ᭄ᬢᬶᬕᬂᬯᬃᬲᬢᬜ᭄ᬚᬓᬶᬭᬂ᭞ᬳᬶᬤᬳ᭄ᬬᬂᬓᬵᬍᬤᬶᬕᭂᬮᬶᬲ᭄᭞ᬓᭀᬤᭀᬲ᭄ᬚᬕ᭄ᬮᬸᬫᬫ᭄ᬧᬄ᭞ᬫᬜᬸᬚᬸᬃᬓᬰᬶᬯᬮᭀᬓ᭞ᬤᬶᬕᭂᬮᬶᬲ᭄ᬚᬕ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬚᬩᬢᭂᬗᬄ᭞ᬭᬶᬂᬰᬶ
[᭙ 9 A]
᭞᭙᭞
ᬯᬮᭀᬓᬦᬾᬫᬂᬓᬶᬦ᭄᭟ᬕᭂᬮᬃᬕᭂᬮᬸᬃᬲᬂᬳ᭄ᬬᬂᬓᬵᬍᬓᬭᬸᬭᬓᬭ᭞ᬳᬶᬄᬲᬂᬳ᭄ᬬᬂᬰᬶᬯᬳᬚᬶ᭞ᬢᬶᬢ᭄ᬬᬂᬢᬶᬦᬂᬓᬶᬮ᭞ᬚᬕᬦᬸᬦᬲ᭄ᬢᬢᬤᬳᬦ᭄᭞ᬧᬶᬘᬬᬂᬓᬸᬫᬭᬫᬂᬓᬶᬦ᭄᭞ᬭᬾᬄᬲᬸᬳᬾ
ᬧᬶᬲᬦ᭄᭞ᬳᬚᬶᬗᬦ᭄ᬤᭂᬕᬶᬤᭂᬧ᭄ᬫᬫᬶ᭟ᬲᬂᬳ᭄ᬬᬂᬓᬵᬍᬓᬕ᭄ᬬᬢᬶᬤᬢᬦ᭄ᬲᬧᬶᬭ᭞ᬚᬸᬫᭂᬍᬕ᭄ᬭᬶᬂᬳᬮᬶᬂᬕᬶᬄ᭞ᬗᬓ᭄ᬱᬶᬧᬸᬢ᭄ᬭᬦᬶᬤ᭞ᬢᬦ᭄ᬮᬶᬬᬦᬶᬤᬳ᭄ᬬᬂᬓᬵᬍ᭞ᬕᭂᬮᬃᬕᭂᬮᬸᬃᬤᭂᬂᬓᬓ᭄ᬤᭂᬂᬓᬶᬓ᭄᭞ᬤᬳᬢ᭄ᬓ
ᬩᬶᬦᬯ᭞ᬗᬃᬤᬶᬦᬶᬂᬫᬦᬄᬳᬚ᭄ᬭᬶᬄ᭟ᬲᬂᬳ᭄ᬬᬂᬰᬶᬯᬯᬩᬳᭀᬲᬾᬫᬦᬶᬲ᭄ᬢᬸᬃᬩᬦ᭄ᬩᬸᬦᬄ᭞ᬳᬸᬤᬸᬄᬤᬾᬯᬧᬸᬢ᭄ᬭᬦᬚᬶ᭞ᬫᬂᬤᬮᬾᬤᬂᬮᬸᬂᬕᬸᬳ᭞ᬳᬚᬶᬫᬶᬲᬤ᭄ᬬᬫᬯᬭᬄ᭞ᬮᬾᬤᬗᬂᬘᭂᬦᬶᬂᬫᬶᬭᬕᬶ᭞ᬦᬾᬧᬶ
ᬋᬗᬶ᭞ᬤᬜᬾᬜ᭄ᬘᭂᬦᬶᬂᬯᬮᬗᬢᬶ᭟ᬳᬚᬶᬢᬳᭂᬦ᭄ᬚᭂᬓᬾᬜ᭄ᬚᬜ᭄ᬚᬶᬦᬾᬫᬓᭂᬚᬂ᭞ᬩᭀᬬᬧᬘᬂᬫᬫᬶᬯᬮᬶᬦ᭄᭞ᬲᬓᬾᬯᬮᬲᬾᬧᬳᬭᬶᬜ᭄ᬘᭂᬦᬶᬂᬳ᭄ᬬᬂᬓᬸᬫᬭ᭞ᬓᬦ᭄ᬢᬸᬦᬮᬶᬢ᭄ᬭᬭᬾᬕᬢᬶ᭞ᬢᬸᬃᬲᬫᬮᬶᬳ
Kaca:Bali-lontar-gaguritan-sapuhjagat-250ppi.pdf/9
Kaca puniki sampun kauji-wacén
