[᭑᭘ 18 B]
ᬧᬮᬯᬦᬦ᭄ᬭᬸᬕ᭄ᬭᬸᬕ᭄ᬲᬫᬶ᭞ᬧᬺᬫᬦ᭄ᬢ᭄ᬭᬶᬮᬦ᭄ᬧᬜ᭄ᬚᬓ᭄ᬜᬕ᭄ᬲᬕ᭄᭟ᬳᬶᬤᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬓᬸᬤ᭄ᬬᬂᬮᬦ᭄ᬢᬲ᭄ᬩᬸᬓᬚᬦᬶ᭞ᬦᬗᬶᬂᬕᭂᬮᬄᬲᬶᬂᬚᬧᬶᬯᬮ᭄᭞ᬫᬶᬲᬤ᭄ᬬᬕᭂᬮᬄᬳᬢᬭᬸᬂ᭞ᬗᭂᬢᭀ
ᬳᬂᬓᬯ᭄ᬬᬚ᭄ᬜᬦᬦ᭄᭞ᬫᬾᬮᬧᬢᬶ᭞ᬢ᭄ᬯᬭᬧᬘᬂᬕᬶᬂᬲᬶᬭ᭟ᬳᬸᬫᬢᬸᬃᬳᬶᬤᬲᬂᬦᬵᬝ᭞ᬫᬚᭂᬂᬳ᭄ᬬᬂᬓᬸᬫᬭᬫᬂᬓᬶᬦ᭄᭞ᬲᭂᬳᬶᬂᬕᬶᬄᬧᬤᬸᬓᬪᬝᬭ᭞ᬩᭂᬘᬶᬓᬂᬫᬕᬶᬂᬲᬶᬃᬤᬸᬫᬸᬦ᭄᭞ᬢᬶᬢ᭄ᬬᬂᬫᬗᭂᬮ
ᬭᬂᬬᬸᬤ᭞ᬢᬦ᭄ᬤᬶᬂᬚᬸᬭᬶᬢ᭄᭞ᬢᬸᬂᬕᬮᬦ᭄ᬫᬚᭂᬂᬳ᭄ᬬᬂᬓᬵᬍ᭟ᬲᬧᬢᬶᬮᬃᬳ᭄ᬬᬂᬓᬸᬫᬭ᭞ᬲᬂᬧ᭄ᬭᬪᬸᬓᬚᬩᬳᬭᬶᬲ᭄᭞ᬲᬶᬦᬫ᭄ᬩᬶᬫᬯᬲᬜ᭄ᬚᬢ᭞ᬧᬚᭂᬦᭂᬗᬦᬾᬓᬯᬸᬯᬸᬲ᭄᭞ᬕᭂᬮᬭᬂᬧᬘᬂᬫᬬᬸ
ᬤ᭞ᬫᬦᬂᬓᭂᬧᬶᬦ᭄᭞ᬧᬗᬫᬸᬓᬶᬤᬳ᭄ᬬᬂᬓᬵᬍ᭟ᬯᬯᬸᬭᬳᬸᬄᬭᬶᬂᬩᬜ᭄ᬘᬶᬗᬄ᭞ᬓᬢᭀᬦᬲᬯᬧᬕᬸᬮᬶᬂᬮᬶᬂ᭞ᬫᬩ᭄ᬯᬕ᭄ᬩ᭄ᬯᬕᬦ᭄ᬧᬚᭂᬮᬶᬫ᭄ᬧᬂ᭞ᬭᬄᬓᬤᬶᬲᬵᬕᬭᬫᬜ᭄ᬘᬸᬄ᭞ᬳ᭄ᬬᬂᬓᬵᬍᬓᬦ᭄ᬢᭂᬦ᭄ᬓᬳᬾᬭᬂ
[᭑᭙ 19 A]
᭞᭑᭙᭞
ᬚᭂᬭᬶᬢ᭄ᬚᭂᬭᬶᬢ᭄᭞ᬚᭂᬂᬧ᭄ᬭᬪᬸᬓᭂᬃᬢᬦᬕᬭ᭟ᬳᬶᬄᬳᬶᬩᬓᭂᬃᬢᬦᬕᬭ᭞ᬦᬶᬃᬤᭀᬦ᭄ᬳᬶᬩᬫᬫᬾᬮᬦᬶᬦ᭄᭞ᬬᬦ᭄ᬲᬚᬳᬶᬩᬧ᭄ᬭᬯᬶᬭ᭞ᬦᬾᬤᬶᬦᬶᬳ᭄ᬬᬂᬓᬵᬍᬋᬩᬸᬢ᭄᭞ᬦ᭄ᬢᭀᬧᬜ᭄ᬚᬓᬶᬩᬫᬓᭂᬚᬂ᭞
ᬤᭀᬂᬳᬶᬯᬲᬶᬦ᭄᭞ᬲᬶᬂᬳᬤᬜᬾᬦ᭄ᬩᬶᬦ᭄ᬫᬕᬦ᭄ᬢᬸᬮᬦ᭄᭟ᬬᬦᬶᬩᬫᬸᬮᬧᬺᬯᬶᬭ᭞ᬫᬢᬦ᭄ᬤᬶᬂᬚᬸᬭᬶᬢ᭄ᬭᬶᬂᬓᬳᬶ᭞ᬤ᭄ᬯᬦᬶᬂᬳᬶᬩᬮᬂᬕᬦ᭞ᬗᭂᬩᬂᬳ᭄ᬬᬂᬓᬸᬫᬭᬢᬸᬳᬸ᭞ᬓᬳᬶᬧᬺᬦᬫ᭄ᬭᬫᬦᬤᬄ᭞ᬚᬕ᭄ᬚᬸᬳ
ᬭᬶ᭞ᬳᬶᬩᬮᬸᬶᬮᬂᬕᬦᬗᭂᬂᬓᭂᬩᬂ᭟ᬢᬸᬃᬧ᭄ᬭᬪᬸᬓᭂᬃᬢᬦᬕᬭ᭞ᬗ᭄ᬕᬶᬄᬭᬢᬸᬪᬝᬭᬓᬵᬮᬶ᭞ᬢᬶᬢ᭄ᬬᬂᬜᬤ᭄ᬬᬫᬚᬬ᭞ᬫ᭄ᬩᬾᬮᬧᬸᬢ᭄ᬭᬦ᭄ᬳ᭄ᬬᬂᬕᬸᬭᬸ᭞ᬤᬾᬦᬶᬂᬢᬶᬢ᭄ᬬᬂ᭞ᬤᬳᬢᬾᬫᬦ᭄᭞ᬢᬸᬃᬲᬸᬩᬓ᭄ᬢᬶ᭞
ᬮᬲ᭄ᬮᬩᬸᬭᬶᬂᬭᬦᬂᬕᬦ᭟ᬳᬸᬄᬳᬄᬳᬄᬘᬳᬶᬫᬬᬲᬸᬭ᭞ᬢᭀᬳᬂᬧᬺᬯᬶᬭᬦᬾᬚᬦᬶ᭞ᬳᬶᬗᭀᬂᬢ᭄ᬯᬭᬓᬾᬯᭂᬭᬦ᭄᭞ᬢᬸᬲᬶᬂᬚᬋᬋᬤ᭄ᬫᬧᬕᬸᬢ᭄᭞ᬗᬋᬧᬶᬦ᭄ᬧ᭄ᬭᬪᬸᬦᬶᬲ᭄ᬢ᭞ᬜᬸᬓᬘᬳᬶᬳᬶᬗᭀᬂ
Kaca:Bali-lontar-gaguritan-sapuhjagat-250ppi.pdf/19
Kaca puniki sampun kauji-wacén
