[᭑᭗ 17 B]
ᬲ᭄ᬢᬢᬤᬳᬦ᭄᭞ᬭᬾᬄᬗ᭄ᬭᬘᬶᬦᬶᬦ᭄᭞ᬓᬲᭂᬂᬕᬸᬄᬳᭀᬮᬶᬄᬳ᭄ᬬᬂᬓᬵᬍ᭟ᬳᬲᬧᬸᬦᬶᬓᬓᬯᭂᬤᬃ᭞ᬳ᭄ᬬᬂᬓᬸᬫᬭᬗᬲᬶᬄᬳᬲᬶᬄ᭞ᬓᬧ᭄ᬭᬶᬳᬗᭂᬦᬦ᭄ᬲᬂᬦᬝ᭞ᬭᬶᬂᬧᬸᬢ᭄ᬭᬦ᭄ᬪᬝᬭᬕᬸᬭᬸ᭞ᬦᬸᬮᬶᬫ᭄ᬮᬶᬓᭀᬃᬯᬂᬓᭀᬗᬶ
ᬤ᭞ᬤᬳᬢ᭄ᬓᬶᬂᬓᬶᬂ᭞ᬳᬢᬸᬭᬾᬓᬳᭀᬭᬦ᭄ᬲᬬᬂ᭟ᬲᬶᬂᬕᬶᬄᬧᬤᬸᬓᬩᬝᬭ᭞ᬲᬫ᭄ᬧᬸᬦᬂᬚᬜᭂᬗ᭄ᬲᬬᬳᬶᬦ᭄᭞ᬢᬶᬢ᭄ᬬᬂᬗ᭄ᬮᬸᬂᬲᬸᬃᬳᬫ᭄ᬧᬸᬭ᭞ᬤᬾᬦᬶᬂᬢᬶᬢ᭄ᬬᬂᬦᬢᬦ᭄ᬯᭂᬭᬸᬄ᭞ᬫᬂᬓᬶᬦ᭄ᬲᬫ᭄ᬧᬸᬦ᭄ᬲᬳᬸᬦᬶ
ᬗ᭞ᬢᬶᬢ᭄ᬬᬂᬗᬶᬭᬶᬂ᭞ᬓᬬᬸᬦ᭄ᬧᬤᬸᬓᬪᬝᬭ᭟ᬭᬭᬶᬲ᭄ᬭᬢᬸᬓᬧᬸᬭᬶᬬᬦ᭄᭞ᬢᬶᬢ᭄ᬬᬂᬫᬶᬲᬤ᭄ᬬᬫᬾᬮᬦᬶᬂ᭞ᬲᬋᬂᬯᬦ᭄ᬯᬲᬶᬦᬫ᭄ᬬᬦ᭄᭞ᬫᬂᬤᬦᬾᬪᬝᬭᬓᬦ᭄ᬢᬸᬦ᭄᭞ᬢᬦ᭄ᬧ᭄ᬭᬲᬶᬤᬚᬕ᭄ᬓᬢᬤᬄ᭞ᬚᬕ᭄ᬲᬸ
ᬢᬶᬦ᭄ᬤᬶᬄ᭞ᬲᬫ᭄ᬧᬸᬦᬂᬫᬮᬶᬄᬲᬸᬫᭂᬦ᭄ᬤ᭄ᬬ᭟ᬲᬫ᭄ᬧᬸᬦ᭄ᬧᬶᬕᬸᬫ᭄ᬧᬯᬶᬮᬗᬦ᭄᭞ᬳ᭄ᬬᬂᬓᬸᬫᬭᬓᬧᬸᬭᬶᬫᬕᭂᬦᬄᬫᬭᬶᬂᬤᭀᬗᬦ᭄᭞ᬓᬘ᭄ᬭᬶᬢᬳ᭄ᬬᬂᬓᬵᬍᬭᬳᬸᬄ᭞ᬗᭂᬢᬸᬣ᭄ᬬᬭᬶᬳ᭄ᬬᬂ
[᭑᭘ 18 A]
᭞᭑᭘᭞
ᬓᬸᬫᬭ᭞ᬚᭂᬭᬶᬢ᭄ᬚᭂᬭᬶᬢ᭄᭞ᬭᬶᬂᬩᬜ᭄ᬘᬶᬗᬄᬗᬸᬫᬦᬸᬫᬦ᭄᭟ᬲᬓᬢᬄᬲᬂᬫᬗᬢᭀᬦᬂᬳᬚ᭄ᬭᬶᬄᬋᬲ᭄ᬢᬸᬦ᭄ᬲᬶᬦᬶᬧᬶ᭞ᬤᬾᬦᬶᬂᬓᬩᬦ᭄ᬤᬩᬜ᭄ᬚᭂᬗᬄ᭞ᬭᬲᬳᬾᬫᬦᬾᬫᬯᬸᬯᬸᬄ᭞ᬫᬚᭂᬂᬭᬶᬂ
ᬲᬂᬳ᭄ᬬᬂᬓᬸᬫᬭ᭞ᬚᬕ᭄ᬗᬋᬜ᭄ᬚᬶᬢ᭄᭞ᬚᭂᬗᬳᬾᬫᬯᭂᬢᬸᬳᬾᬭᬂ᭟ᬫ᭄ᬭᬲᬓᬭᬳᬸᬳᬦ᭄ᬫᭂᬲᭂᬄ᭞ᬓᬸᬮ᭄ᬓᬸᬮ᭄ᬓᬸᬮᬾᬩᬸᬮᬸᬲ᭄ᬫᬫᬸᬜᬶ᭞ᬲᬯᬤ᭄ᬯᬓᭂᬃᬢᬦᬵᬕᬭ᭞ᬕᬫᭂᬢᭂᬃᬲᬫᬶᬕᬸᬫᭂᬦ᭄ᬢᬸᬄ᭞ᬧᬤᬵᬗᬕᭂᬫ᭄ᬲᬜ᭄ᬚ
ᬢ᭞ᬢᬦ᭄ᬤᬶᬂᬚᬸᬭᬶᬢ᭄᭞ᬗᬺᬚᭂᬂᬓᬶᬤᬲᬂᬳ᭄ᬬᬂᬓᬵᬍ᭟ᬭᬶᬓᬜ᭄ᬚᭂᬓᬦ᭄ᬲᬂᬳ᭄ᬬᬂᬓᬵᬍᬓᬋᬩᬸᬢ᭄ᬓᬺᬚᬓ᭄ᬢᬦ᭄ᬫᬭᬶ᭞ᬦᬗᬶᬂᬓᬾᬦ᭄ᬢᭂᬦ᭄ᬮᬾᬯᬶᬭᬦ᭄᭞ᬯᬤ᭄ᬯᬦᬶᬗᬶᬤᬲᬂᬧ᭄ᬭᬪᬸ᭞ᬮᬫ᭄ᬧᬸᬲ᭄ᬓᬚᭂᬓ᭄ᬚᭂᬓᬲᭂᬫ᭄ᬧ
ᬮ᭄᭞ᬲᬶᬲᬦ᭄ᬫᬢᬶ᭞ᬓᬧᬶᬂᬮᬬᬸᬫᬸᬭᬂᬮᬫ᭄ᬧᬄ᭟ᬯᬾᬦ᭄ᬢᭂᬦᬾᬫᬢᬸᬃᬓᬧᬸᬭ᭄ᬬᬦ᭄᭞ᬫᬚᭂᬂᬭᬶᬂᬲᬂᬜᬓᬺᬯᭂᬢᬶ᭞ᬗᬸᬦᬶᬗᬂᬯᬤ᭄ᬯᬦᬾᬢᭂᬮᬲ᭄᭞ᬲᬂᬳ᭄ᬬᬂᬓᬵᬍᬗᬯᬶᬭᬸᬕ᭄ᬭᬸᬕ᭄᭞ᬦᬾᬦ᭄ᬢᭂᬦ᭄ᬲᬶᬤᬫ
Kaca:Bali-lontar-gaguritan-sapuhjagat-250ppi.pdf/18
Kaca puniki sampun kauji-wacén
