Kaca:Bali-lontar-gaguritan-sapuhjagat-250ppi.pdf/12

Saking Wikisource
Kaca puniki sampun kauji-wacén

[᭑᭑ 11 B]
ᬓᬓᭂᬦ᭄ᬬᬂ᭞ᬳ᭄ᬬᬓᬸᬫᬭᬲᬾᬩᭂᬢ᭄ᬫᬓᭂᬮᬶᬤ᭄ᬢᬸᬃᬗᬮᬦ᭄ᬢᬸᬃ᭞ᬢᬭᬸᬓᬳᬂᬕᬾᬦᬮᬶᬗᬦ᭄᭞ᬳ᭄ᬬᬂᬓᬵᬍᬗᭂᬧᬸᬂᬗᬩᬶᬭᬶᬢ᭄᭟ᬳ᭄ᬬᬂᬓᬸᬫᬭᬕᭂᬮᬶᬲ᭄ᬫᭂᬲᬢ᭄‌ᬤᬳᬢ᭄ᬲᬾᬩᭂᬢ᭄ᬲᬓᬤᬶᬢᬢᬶᬢ᭄᭞ᬳ᭄ᬬᬂᬓᬵᬍ
ᬦᭂᬳᭂᬫᬫᬸᬭᬸ᭞ᬭᬶᬂᬲᭀᬃᬢᬭᬸᬫᬳᬸᬤᭂᬭᬦ᭄‌ᬓᬤᬶᬚᬦ᭄ᬢ᭄ᬭᬳ᭄ᬬᬂᬓᬵᬍᬳᬶᬤᬓᬍᬳᬶᬤᬓᬍᬲᭀᬦ᭄᭞ᬕ᭄ᬭᬾᬕᬢ᭄ᬕᬾᬕᭀᬕ᭄ᬭᬾᬕ᭄ᬭᬾᬄᬕ᭄ᬭᬾᬕᬾᬄ᭞ᬢᬸᬮ᭄ᬬᬭᬂᬤᬓᬧᬦ᭄ᬤᬸᬗᬶᬦ᭄᭟
ᬕ᭄ᬭᬸᬤᬸᬕᬂᬘᭀᬓᭀᬃᬳ᭄ᬬᬓᬵᬍ᭞ᬫᬕᭂᬚᭂᬭᬦ᭄ᬢᬦᬳᬾᬳᬗᬺᬱᭂᬦᬢᬶ᭞ᬩᬩᬸᬭᭀᬦᬾᬓᬧᬶᬮᬬᬸ᭞ᬲᭂᬗᬧ᭄ᬓᬮᬗᭂᬦ᭄ᬗᬢᭀᬦᬂ᭞ᬓᬤᬶᬭᬸᬦ᭄ᬢᬶᬓ᭄‌ᬗᭂᬢᭀᬦ᭄ᬲᬓᬤᬶᬓᬓᭂᬢᬸᬲ᭄᭞
ᬗᬍᬫᬶᬤᬳ᭄ᬬᬂᬓᬸᬫᬭ᭞ᬓᬤᬶᬳᬲ᭄ᬢᬶᬓᬩᭀᬭᭀᬲᬶᬦ᭄᭟ᬓᬦ᭄ᬢᭀᬲ᭄ᬮᬶᬦ᭄ᬢᬶᬦᬦᬕᬭ᭞ᬳ᭄ᬬᬂᬓᬸᬫᬭᬫᬍᬲᬢ᭄ᬕᭂᬜ᭄ᬘᭂᬢᬦ᭄ᬲᬶᬧᬶ᭞ᬳ᭄ᬬᬂᬓᬵᬍᬓᬦ᭄ᬤᬧᬦ᭄ᬗᭂᬧᬸᬂ᭞ᬤᬳᬲ᭄ᬤᭀᬳᭀᬲ᭄ᬤᬾᬗᬧᬾ
[᭑᭒ 12 A]
᭞᭑᭒᭞
ᬗᬧ᭄᭞ᬧᭂᬮᬸᬄᬧᬶᬤᬶᬢ᭄᭞ᬳ᭄ᬬᬂᬓᬸᬫᬭᬢᬦ᭄ᬢᬶᬦᭂᬫᬸ᭞ᬫᬲ᭄ᬮᬶᬬᬓ᭄ᬚᬦ᭄ᬧ᭄ᬭᬯᬢ᭄ᬫᬢ᭄ᬭ᭞ᬳ᭄ᬬᬂᬓᬵᬍᬫᬸᬮᬢᬾᬧᬮᬶᬂ᭟ᬯᬾᬦ᭄ᬢᭂᬜ᭄ᬚᬤᬸᬕ᭄ᬤᬸᬕᬂᬮᬮᬂ᭞ᬭᬶᬂᬲᭀᬃᬜᬦᬾᬳ᭄ᬬᬂᬓᬸᬫᬭ
ᬫᬗᭂᬧᬶᬮ᭄᭞ᬳ᭄ᬬᬂᬓᬵᬍᬤᬾᬲᬤᬾᬲᬸ᭞ᬧᬢᬶᬧᬸᬭᬸᬕ᭄ᬫᬜᬸᬮᬩ᭄ᬲᬩ᭄᭞ᬓᭂᬩᬢ᭄ᬓᭂᬩᬶᬢ᭄‌ᬭᬭᬶᬲ᭄ᬮᬮᬗᬾᬓᬕᬩᬸᬃ᭞ᬓᬧᬸᬭᬢ᭄ᬧᬭᬶᬢ᭄ᬓᬤᬸᬭᬦ᭄᭞ᬳ᭄ᬬᬂᬓᬸᬫᬭᬫᭂᬲᬢ᭄ᬕᭂ
ᬮᬶᬲ᭄᭟ᬲᬂᬳ᭄ᬬᬂᬓᬵᬍᬤᬳᬢᬾᬭᬂ᭞ᬚᬕ᭄ᬫᬫᬲ᭄ᬢᬸᬢᬦ᭄ᬫᬭᬶᬳᬗᬸᬩᬢᬩᬶᬢ᭄᭞ᬳᬶᬄᬳᬶᬩᬫᬦᬸᬲᬩᭂᬕᬸᬕ᭄᭞ᬤᬶᬦᬶᬦᬸᬕ᭄ᬤᬸᬕᬂᬳᬫ᭄ᬩᭂᬗᬂ᭞ᬳᬧᬂᬘᬳᬶᬓᬸᬧᬤᬃᬯᬤᬾᬦᬶᬂᬧᬲ᭄ᬢᬸ᭞ᬤᬾ
ᬦᬶᬂᬳᬫᭂᬮᬢ᭄ᬓᬭ᭞ᬮᬫ᭄ᬧᬄᬓᬳᬶᬗᬮᬶᬄᬩᬸᬓ᭄ᬢᬶ᭟ᬓᬘᬭᬶᬢᬳ᭄ᬬᬂkᬳᬸᬫᬭ᭞ᬩᬶᬦ᭄ᬢᬶᬢ᭄ᬫᬮᬳᬶᬩ᭄‌ᬗ᭄ᬭᬜ᭄ᬚᬶᬂᬓᬚᭂᬭᭀᬦᬶᬂᬧᬸᬭᬶ᭞ᬓᬚᬶᬸᬓᭂᬭᬭᬶᬲ᭄ᬫᬲ᭄ᬮᬶᬬᬓ᭄᭞ᬳ᭄ᬬᬂᬓᬵᬍᬓᬚᭂᬗᬄ