[᭑᭐ 10 B]
ᬓᬘᬭᬶᬢᬲᬂᬳ᭄ᬬᬂᬰᬶᬯ᭞ᬫᬗᬸᬮᬬᬂᬭᬶᬗᬫ᭄ᬩᬭᬲᬋᬂᬭᬩᬶ᭞ᬫ᭄ᬭᬓ᭄ᬢᬶᬬᬲᬬᬂᬧᬸᬢ᭄ᬭᬦᬶᬂᬲᬸᬦ᭄᭞ᬳ᭄ᬬᬂᬓᬍᬮᬦ᭄ᬤ᭄ᬭᬂᬓᬸᬫᬭᬫᬂᬤᬧᬂᬕᬶᬄ᭞ᬤᬾᬦᬶᬂᬓᬬᬸᬦᬾᬓᬮᬸᬮᬸᬢ᭄᭞ᬓᬳᬦᬦᬦ᭄ᬧᬸᬢ᭄ᬭ
ᬦᬶᬤ᭞ᬜᬶᬗᬶᬤ᭄ᬮᬸᬗᬲᬋᬂᬓᬮᬶᬄ᭟ᬲ᭄ᬬᬤᬶᬦᬮᬯᬲᬶᬤ᭞ᬲᬂᬳ᭄ᬬᬂᬓᬵᬍᬫᬕᭂᬢᭂᬭᬦ᭄ᬗᭂᬢᬸᬢ᭄ᬯᬸᬭᬶ᭞ᬦᬗᬶᬂᬤᬾᬭᬾᬂᬚᬸᬯᬓᬧᬂᬕᬸᬄ᭞ᬳ᭄ᬬᬂᬓᬵᬍᬜᬸᬫᬶᬂᬓᬶᬦᬾᬭᬂ᭞ᬓᬚᭂᬗᬄᬚᭂᬗᬄ
ᬦᬗᬶᬂᬓᬾᬓᬬᬸᬦᬦ᭄ᬲᬸᬭᬸᬤ᭄᭞ᬢᭂᬕᭂᬕ᭄ᬮᬚᭂᬃᬓᬾᬭᬗᬾᬭᬂ᭞ᬫᬯᬶᬦᬦ᭄ᬫᬯᭂᬯᭂᬄᬭᬸᬦ᭄ᬢᬶᬓ᭄᭟ᬓᬘᬭᬶᬢᬯᬾᬦ᭄ᬢᭂᬦ᭄ᬚᬤ᭄ᬫ᭞ᬲᬦ᭄ᬤ᭄ᬬᬓᬵᬍᬭᬶᬂᬫᬃᬕᬶ᭞ᬳᬕᬸᬂᬫᬫᬃᬕᬶ᭞ᬲᬂᬓᬮᬶᬄᬫᬯ
ᬲ᭄ᬢᬸᬮᬫ᭄ᬧᬸᬲ᭄᭞ᬤᬾᬦᬶᬂᬤᬤᭀᬲ᭄ᬢᬢᬤᬳᬦ᭄᭞ᬲᬂᬳ᭄ᬬᬂᬓᬵᬍᬮᬾᬤᬂᬲᬚᭂᬭᭀᬦᬶᬂᬓᬬᬸᬦ᭄᭞ᬲᬫ᭄ᬧ᭄ᬧᬸᬦ᭄ᬧᭀᬮᬶᬄᬢᬢᬤᬳᬦ᭄᭞ᬫ᭄ᬫᬲ᭄ᬢᬸᬧᬸᬃᬦᬳᬶᬤᬫᬂᬓᬶᬦ᭄᭟ᬩᭂᬦ᭄ᬤᬸᬫᬚᭂᬂᬳ᭄ᬬᬂᬓᬸᬫᬭ᭞ᬤᬸ
[᭑᭑ 11 A]
᭞᭑᭑᭞
ᬭᬸᬂᬋᬋᬤ᭄ᬓᬦ᭄ᬢᬸᬦ᭄ᬫᬤᬸᬮᬶᬤᬸᬮᬶ᭞ᬫᬯᬶᬦᬦ᭄ᬢᭂᬭᬸᬲ᭄ᬓᬩᬸᬭᬸ᭞ᬦᬸᬮᬶᬭᬭᬶᬲ᭄ᬓᬧᬂᬕᬶᬳ᭞ᬢᬫ᭄ᬧᬓ᭄ᬘᭀᬓᭀᬃ᭞ᬳᬶᬤᬳ᭄ᬬᬂᬓᬸᬫᬭᬢᬸᬳᬸ᭞ᬧᬸᬦᬶᬓᬭᬭᬶᬲ᭄ᬓᬲ᭄ᬮᬩ᭄ᬲᬩ᭄᭞ᬢᬦ᭄ᬧᬾᬦ᭄ᬤᬳᬗᬶᬦ᭄ᬢᬶᬧ᭄ᬚᬂᬓ᭄ᬭᬶᬓ᭄᭟
ᬳ᭄ᬬᬂᬰᬶᬯᬮᬦ᭄ᬤᬾᬯᬶᬳᬸᬫ᭞ᬳᬗᭀᬩ᭄ᬳᭂᬂᬲᭂᬓ᭄ᬭᬶᬳᬫ᭄ᬩᭂᬓ᭄ᬬᬂ᭞ᬓᬵᬍᬓᬓ᭄ᬱᬶ᭟ᬲᬂᬓᬮᬶᬄᬓᬤᬳᬢ᭄ᬲᬸᬂᬲᬸᬢ᭄᭞ᬓᬗᭂᬦ᭄ᬫᬭᬶᬂᬳ᭄ᬬᬂᬓᬸᬫᬭ᭞ᬫᬸᬭᬂᬮᬫ᭄ᬧᬄᬧᬢᬶᬧᬸᬭᬸᬕ᭄ᬗᬮᬶᬄᬮᬶᬂᬦ᭄ᬬ᭞ᬓᬦ᭄ᬢᬸᬦᬮᬶᬯᬸᬃ
ᬯᬶᬫᬸᬤ᭞ᬢᬦ᭄ᬫᬭᬶᬓᬳᬲᬶᬄᬳᬲᬶᬄ᭟ᬓᬘᬭᬶᬢᬳ᭄ᬬᬂ᭞ᬓᬸᬫᬭᬗᬲᬶᬄᬳᬲᬶᬄᬭᬶᬂᬲᭀᬃᬢᬭᬸᬫᬮᬶᬗ᭄ᬕᬶᬄ᭞ᬲᬳᬗᬫᬾᬳᬚᬶᬳᬶᬩᬸ᭞ᬦᬗᬶᬲᬶᬕ᭄ᬲᬶᬕᬂᬫᬸᬮᬶᬲᬄ᭞ᬓᭂᬫ᭄ᬩᬂᬮᬾᬩᬾᬧᬫᬃᬕᬶᬦᬾ
ᬲᬶᬬᬂᬤᬮᬸ᭞ᬕᭂᬧᬸᬲᭂᬤᬸᬓ᭄ᬮᬦ᭄ᬓᬲᬢᬦ᭄᭞ᬓᬮᬸᬦ᭄ᬢᬮᬸᬦ᭄ᬢᬭᬶᬂᬫᬃᬕᬶ᭟ᬭᬶᬓᬜ᭄ᬚᭂᬓᬦ᭄ᬫᬸᬓ᭄ᬧᬸᬦᬶᬓᬦᬶᬓ᭞ᬚᬕ᭄ᬓᬧᬂᬕᬶᬄᬳᭀᬮᬶᬄᬬᬂᬓᬵᬳᬍᬦᬾᬫᬂᬓᬶᬦ᭄᭞ᬓᬘᭀᬕ᭄ᬭᭀᬄᬭᬭᬶᬲ᭄ᬓᬲᬳᬸᬧ᭄᭞ᬦᬗᬶᬂᬦᬾᬦ᭄ᬢᭂ
Kaca:Bali-lontar-gaguritan-sapuhjagat-250ppi.pdf/11
Kaca puniki sampun kauji-wacén
