[᭙ 9 B]
ᬚᬕ᭄ᬫᬢᬶᬮᬃᬦᬶᬂᬕᬮ᭄ᬧᬸᬭᬶ᭟ᬲᬸᬚᬢᬶᬦᬾᬳᬚᬶᬢᬦ᭄ᬢᬸᬫᭀᬦ᭄ᬫᬓᭂᬚᬂ᭞ᬩᬸᬯᬢ᭄ᬧᬢᬶᬮᬃᬳ᭄ᬬᬭᬶ᭞ᬮᬾᬤᬗᬓ᭄ᬱᬫᬬᬂ᭞ᬳᬚᬶᬦᬾᬦ᭄ᬢᭂᬦ᭄ᬲᬶᬲᬦᬯᬂ᭞ᬳ᭄ᬬᬭᬶᬫᬕᭂᬤᬶᬮᬮᬶᬧ᭄᭞ᬳᬫᬸᬭᬸᬂᬮᬫ᭄ᬧᬄ᭞ᬦᬜᬾᬜ᭄ᬘᭂ
ᬦᬶᬂᬲᬮᬄᬢᬫ᭄ᬧᬶ᭟ᬯᬸᬲ᭄ᬓᬋᬗᬩᬳᭀᬲᬶᬤᬲᬂᬳ᭄ᬬᬂᬰᬶᬯ᭞ᬳ᭄ᬬᬂᬓᬵᬍᬩ᭄ᬭᬂᬢᬶᬢᬦ᭄ᬲᬶᬧᬶ᭞ᬗᭂᬚᭂᬃᬢᬗᬦᬶᬤ᭞ᬳᬂᬲᭂᬗᬦᬾᬦᭀᬳᭀᬲ᭄ᬭᬶᬦ᭄ᬢᬕ᭄᭞ᬦᬾᬢ᭄ᬭᬓᬮᬶᬄᬩᬭᬓ᭄ᬗᭂᬦ᭄ᬤᬶᬄ᭞ᬢᬗᬦ᭄ᬓᬸᬚᭂᬂᬓᬶ
ᬗᬂ᭞ᬩ᭄ᬭᬂᬢᬶᬭᬸᬦ᭄ᬢᬸᬓ᭄ᬚᭂᬗᬄᬗᬶᬮᬶ᭟ᬚᬕ᭄ᬫᬗᭂᬭᬓ᭄ᬩᬳᭀᬲᬾᬓᬤᬶᬓᭂᬭᬸᬕᬂ᭞ᬕᬸᬦ᭄ᬢᬸᬃᬕᬸᬫᬶᬢᭂᬭᬶᬂᬮᬗᬶᬢ᭄᭞ᬲᬳᬦᬶᬕ᭄ᬢᬶᬕ᭄ᬤᬤ᭞ᬢᬸᬃᬫᬦᬸᬤᬶᬂᬲᬂᬳ᭄ᬬᬂᬰᬶᬯ᭞ᬬᬄᬘᭀᬭᬄᬩᭀᬩᬩ᭄ᬤᬸᬃᬩᬸ
ᬤᬶ᭞ᬭᬳᭀᬲ᭄ᬦᬶᬢ᭄ᬬ᭞ᬮᬶᬜᭀᬓ᭄ᬚᬜ᭄ᬚᬶᬤᬸᬍᬕᬢᬶ᭟ᬳᬶᬳᬄᬳᬸᬄᬳᬸᬄᬲᬂᬳ᭄ᬬᬂᬰᬶᬯᬦᬾᬭᬸᬫᬶᬗ᭞ᬳ᭄ᬬᬂᬓᬵᬍᬢᬜ᭄ᬚᬕᭂᬫᬶᬂ᭞ᬲᬓ᭄ᬱᬦᬗ᭄ᬭᬸᬭᬸᬳ᭞ᬤ᭄ᬬᬧᬶᬦ᭄ᬤᬶᬚᬳ᭄ᬬᬂᬓᬸᬫᬭ᭞ᬮᬸᬳᬸᬃᬢ
[᭑᭐ 10 A]
᭞᭑᭐᭞
ᬦᬄᬩᭂᬢᬾᬦ᭄ᬮᬗᬶᬢ᭄᭞ᬦᬾᬳ᭄ᬬᬂᬓᬵᬍ᭞ᬧ᭄ᬭᬬᬗ᭄ᬭᬸᬭᬸᬄᬫᬂᬤᬧᬂᬕᬶᬄ᭟ᬕᬕᬺᬢᭂᬦᬦ᭄ᬲᬂᬳ᭄ᬬᬂᬓᬵᬍᬮᬸᬫᬫ᭄ᬧᬳ᭞ᬢᬜ᭄ᬚᬫᬮᬶᬄᬫᬧᬫᬶᬢ᭄᭞ᬭᬶᬗᬶᬤᬳ᭄ᬬᬂᬰᬶᬯ᭞ᬧᬫᬃᬕᬶᬦᬾᬫ
ᬕ᭄ᬭᬸᬤᬸᬕᬂ᭞ᬚᬭᬢ᭄ᬚᭂᬭᬶᬢ᭄ᬗᬸᬩᬢᬩᬶᬢ᭄᭞ᬳᬶᬄᬳᬶᬩᬓᬸᬫᬭ᭞ᬲᬶᬂᬩᬸᬯᬸᬗᬂᬳᬶᬩᬫᬢᬶ᭟᭐᭟ᬧᬂᬓᬸᬃ᭟ᬜᭂᬮᬩ᭄ᬲᬩ᭄ᬫᬢᬶᬍᬳᬶᬍᬳᬂ᭞ᬗᬭᬸᬭᬸᬳᬶᬦ᭄ᬲᬮᬦ᭄ᬢᬂᬮᬦ᭄ᬢᬗᬶᬦ᭄ᬫᬃᬕᬶ᭞ᬫᬂᬤᬦᬾ
ᬲᬶᬤᬓᬧᬂᬕᬸᬄ᭞ᬤᬾᬦᬶᬂᬚᭂᬗᬄᬓᬳᭀᬭᬦᬾᬭᬂᬚᬤᬸᬮᬸᬭᬶᬦ᭄᭞ᬓᬬᬸᬦᬾᬓᬮᬶᬦ᭄ᬢᬂᬩᭂᬦ᭄ᬤᬸ᭞ᬢᬦ᭄ᬗ᭄ᬯᬶᬮᬗᬶᬦ᭄ᬧᭂᬢᭂᬂᬍᬫᬄ᭞ᬜ᭄ᬮᬶᬓ᭄ᬱᬶᬓ᭄ᬜᬮᬸᬧ᭄ᬲᬸᬧ᭄ᬤ᭄ᬭᬶᬓᬤ᭄ᬭᬶᬓᬶ᭟ᬳᬲᬶᬂᬗ᭄ᬭᬫ᭄ᬩᬸᬦ᭄ᬓᬕᬃᬕᬭᬂ᭞ᬳ
ᬲᬶᬂᬍᬩᬄᬬᬤᬶᬦ᭄ᬤᬍᬫ᭄ᬓᬘᭂᬩᬸᬭᬶᬦ᭄᭞ᬳᬮᬲ᭄ᬢᬸᬓᬤ᭄ᬭᬾᬚᬾᬂᬕᬸᬦᬸᬂ᭞ᬲᬫᬶᬲᬫ᭄ᬧᬸᬦ᭄ᬓᬮᬶᬦ᭄ᬢᬗᬂ᭞ᬫᬲᬲᭂᬋᬧ᭄᭞ᬭᬶᬂᬲᭂᬮᬦᬶᬂᬲᬮ᭄ᬯᬶᬃᬢᬭᬸ᭞ᬫᬂᬤᬲᬶᬤᬓᬓᭂᬦᬶᬬᬂ᭞ᬤᬾᬦᬶᬂᬓᬩᬦ᭄ᬤᬩᬦ᭄ᬩ᭄ᬭᬂᬢᬶ᭟
Kaca:Bali-lontar-gaguritan-sapuhjagat-250ppi.pdf/10
Kaca puniki sampun kauji-wacén
