[᭘᭒ 82B]
᭘᭒
᭞ᬮᬦ᭄ᬕᬦ᭄ᬤᬯᬢᬶ᭞ᬫᬭᬶᬂᬧᬫᬺᬫᬦ᭄᭞ᬲᬋᬗᬫᬗ᭄ᬓᬾ ᬳᬮᬶᬗ᭄ᬕᬶᬄ᭟ᬦ᭄ᬤᬦ᭄ᬲᬂᬦᬵᬣᬩᬸᬩᬃᬲᬓᬶᬂᬧᬲᬾᬩᬦ᭄᭞ᬫᬜ᭄ᬚᬶᬂᬚ᭄ᬭᭀᬦᬶᬂᬧᬸᬭᬶ᭞ᬧ᭄ᬭᬫᬦ᭄ᬢ᭄ᬭᬶᬲᬥᬬ᭞ᬲᬫᬫᬦ᭄ᬢᬸᬓ᭄ᬲᭀ
ᬯᬂᬲᭀᬯᬂ᭞ᬳ᭄ᬦᭂᬂᬓ᭄ᬦᬢᬫᬗ᭄ᬓᬾᬓᬶ᭞ᬳᬦᬓᭀᬘᬧ᭞ᬭᬤ᭄ᬬᬦ᭄ᬮᬦ᭄ᬕᬦ᭄ᬤᬯᬢᬶ᭟ᬬᬢᬭᬳᬤ᭄ᬬᬦ᭄ᬩᬥᬶᬅᬲ᭄ᬓᬃ᭞ᬗ᭄ᬮᬶᬂᬯᬘᬦᬫᬦᬶᬲ᭄ᬳᬾᬄᬬᬬᬶᬲᬂᬭᬢ᭄ᬦᬵ᭞ᬬᬬᬶᬓᬦ᭄ᬢᬸᬦ
ᬲᬶᬭ᭞ᬳᬶᬗ᭄ᬲᬸᬦ᭄ᬳᬫᬶᬢ᭄ᬫᬗ᭄ᬓᬾ ᬬᬬᬶ᭞ᬮᬸᬗ᭄ᬳᬵᬫ᭄ᬭᬶᬂᬳᬭᬩ᭄᭞ᬳᬗᬸᬮᬢᬶᬭᬫᬵᬚᬶ᭟ᬳᬾᬜ᭄ᬚᬂᬳᬾᬜ᭄ᬚᬶᬂᬬᬦ᭄ᬓᬢ᭄ᬫᬸᬮᬯᬦ᭄ᬭᬫ᭞ᬲᬸᬦ᭄ᬕᭂᬮᬶᬲ᭄ᬫᬮᬶᬄᬗᬸᬫ᭄ᬩᬮᬶ᭞ᬓᬧᬗ᭄ᬕᬶᬄᬮᬦ᭄ᬲᬶᬭ᭞ᬕᬦ᭄ᬤ
ᬯᬢᬶᬳᬗᬸᬘᬧ᭄᭞ᬓᬯᬸᬮᬵᬳᬸᬫᬢᬸᬃᬫᬗ᭄ᬓᬶᬦ᭄᭞ᬲᬶᬗ᭄ᬕᬶᬄᬢᬓᬓᬂ᭞ᬓᬯᬸᬮᬢᬸᬫᬸᬢ᭄ᬗᬶᬭᬶᬂ᭟ᬦᭀᬭᬩ᭄ᬢᬄᬓᬯᬸᬮᬫᬗ᭄ᬓᬾᬓᬦ᭄ᬢᬸᬦ᭞ᬢᬦ᭄ᬯᬗ᭄ᬤᬾᬳᬫ᭄ᬩᬗ᭄ᬫᬲᬶᬦ᭄᭞ᬳᬶ
[᭘᭓ 83A]
ᬫ᭄ᬗᬢᬸᬫᬸᬢ᭄ᬳᬸᬕ᭞ᬤᬾᬦᬵᬧᬋᬂᬗᬧᬢᬶᬕ᭄ᬲᬂ᭞ᬬᬦ᭄ᬫᬗ᭄ᬓᬦᬫᬗ᭄ᬓᬾ ᬬᬬᬶ᭞ᬳᬕᬾ ᬫᬵᬳᬢᬸᬭ᭞ᬫᬭᬳᬶᬂᬭᬫᬳᬚᬶ᭟ᬳᬢᬸᬭᬦᬫᬗ᭄ᬓᬾ ᬲᬶᬭᬬᬬᬶᬳᬾᬦᬵᬕ᭄ᬕᬮ᭄᭞ᬧ᭄ᬥᭂᬓ᭄ᬫᬭᬶᬂᬭᬫ
ᬳᬚᬶ᭞ᬫᬗ᭄ᬓᬾ ᬢᬲᬋᬗ᭞ᬦᬸᬮ᭄ᬬᬓᬮᬶᬄᬧᬋᬓᬵ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬳᬦᬓᬶᬗ᭄ᬯᬂ᭞ᬧᬭᬦ᭄ᬕᬯᬾᬫᬭᬶᬓᬶ᭞ᬬᬢᬫᬢᬸᬃᬭᬳᬤᬾᬦᬵᬩᬥᬶᬅᬲ᭄ᬓᬃ᭞ᬓᬯᬸᬮᬳ
ᬦ᭄ᬥᬵᬧᬫᬶᬢ᭄᭞ᬩ᭄ᬘᬶᬓ᭄ᬦ᭄ᬤᬶᬓᬓᬵᬦ᭄ᬢᬸᬦ᭞ᬳᬫ᭄ᬩᬵ ᬫᬗ᭄ᬓᬾ ᬳᬫᬶᬢ᭞ᬫᬭᬶᬂᬳᬭᬩ᭄ᬳᬗᬸᬮᬢᬶ᭞ᬚᭂᬂᬭᬫᬳᬫ᭄ᬩᬵ᭞ᬤᬶᬫᬾᬦᬾᬳᬕᬾ ᬧᬗ᭄ᬕᬶᬄ᭟ᬦ᭄ᬤᬦ᭄ᬲᬂᬦᬵᬣᬗᬦ᭄ᬤᬶᬓᬤᬸᬄᬳᬦ
ᬓᬶᬗ᭄ᬯᬂ᭞ᬧᬸᬦᬧᬵᬚᬃᬗᭀᬂᬫᬗ᭄ᬓᬶᬦ᭄᭞ᬮᬄᬮᬸᬗ᭄ᬳᬵ ᬢᬲᬶᬭ᭞ᬕᬯᬦᬭᬳᬶᬦᬶᬭ᭞ᬮᬯᬦ᭄ᬩᬮᬦᬶᬭᬲᬫᬶ᭞ᬲᬶᬭᬗᬲᬸᬗᬸ᭞ᬲᬓᬾᬳᬾᬧᬸᬦᬂᬚᬤ᭄ᬫᬶ᭟ᬕᬯᬦᬦᬳᬶᬂᬫ
Kaca:Bali-lontar-gaguritan-sangkur-udhang-02-300ppi.pdf/83
Kaca puniki sampun kauji-wacén
