Kaca:Bali-lontar-gaguritan-sangkur-udhang-02-300ppi.pdf/60

Saking Wikisource
Kaca puniki sampun kauji-wacén

[᭕᭙ 59B]
᭕᭙
ᬳᬶᬭᬫᬗ᭄ᬓᬾ ᬓᬮᬶᬄ᭞ᬯᬸᬲ᭄ᬲᬸᬭᬸᬧ᭄ᬳ᭄ᬬᬂᬗᬃᬓ᭄ᬓ᭞ᬲᬂᬧᬸᬢ᭄ᬭᬶᬳᬦᬩ᭄ᬥᬳᬭᬶᬲ᭄᭞ᬭᬳᬤᬾᬦ᭄ᬯᬸᬲ᭄ᬳᬶᬗᬢᬸᬭᬦ᭄᭟ᬤᬯᭂᬕ᭄ᬓᬓᬂᬫᬭᬶᬂᬕ᭄ᬤᭀᬂᬓᬦ᭄ᬢᬸᬦ᭄ᬲᬯ᭄ᬗᬶ᭞ᬯᬸᬲᬶᬭᬫᬜ᭄ᬚᬶᬗ᭞ᬫᬭᬶᬂᬕ᭄ᬥᭀᬂᬫ
ᬗ᭄ᬓᬾᬳᬕ᭄ᬮᬶᬲ᭄᭞ᬯᬸᬲ᭄ᬧ᭄ᬭᬧ᭄ᬢᬚ᭄ᬭᭀᬦᬶᬂᬓᭀᬜ᭄ᬘᬭ᭟ᬦᭀᬃᬳᬧ᭄ᬕᬢ᭄ᬤᬾᬦᬵᬳᬶᬭᬳᬗᬭᬶᬳᬭᬶᬄ᭞ᬳᬦᬫᬗ᭄ᬓᬾ ᬧ᭄ᬭᬧ᭄ᬢ᭞ᬧᬫ᭄ᬩᬸᬦᬶᬭᬲᬂᬤᬾᬯᬶ᭞ᬲᬶᬗ᭄ᬳᬩᬦ᭄ᬢᬾᬂᬫᬶᬯᬄᬕᬚᬄ᭟ᬓᬶᬤᬂᬓᬜ᭄ᬘᬶ
ᬮ᭄ᬧ᭄ᬭᬲᬫᬵᬫᬗ᭄ᬓᬾ ᬬᬧ᭄ᬭᬧ᭄ᬢᬶ᭞ᬳᬶᬓᬂᬗ᭄ᬫᬶᬢ᭄ᬓᬯᬸᬮ᭞ᬬᬦ᭄ᬭᬳᬶᬦᬲᬫᬫᬗ᭄ᬰᬶ᭞ᬳᬶᬂᬤᬮᬦ᭄ᬳᬶᬂᬲᬗ᭄ᬓᬸᬃᬉᬥᬂ᭟ᬧᬦ᭄ᬧᬸᬦᬶᬓᬵ ᬧ᭄ᬭᬲᬫᬵᬫᬗ᭄ᬓᬾ ᬦᬸᬗ᭄ᬕᭀᬦᬶ᭞ᬳᬾᬜ᭄ᬚᬂᬓᬓᬂᬮᬶᬯᬢ᭄᭞ᬳᬫ᭄ᬩᬲ
ᬫ᭄ᬩᬢ᭄ᬤᬶᬤᬶᬦᬾ ᬗᭂᬫ᭄ᬩᬮᬶ᭞ᬧᬸᬦᬶᬓᬧᬫ᭄ᬗᬦ᭄ᬳᬫ᭄ᬩ᭟ᬭᬳᬤ᭄ᬬᬦ᭄ᬫᬲᬳᬸᬭᬾᬫᬗ᭄ᬓᬾ ᬳᬫᬦᬶᬲ᭄᭞ᬳᬥᬸᬄᬫᬶᬭᬳᬶᬗ᭄ᬯᬂ᭞ᬫᬲᬩᭀᬤᭀᬄᬳᬶᬗ᭄ᬲᬸᬦ᭄ᬬᬬᬶ᭞ᬮᬄᬬᬬᬶᬲᬋᬂᬗᬦᬶᬤ᭄ᬭ᭟
[᭖᭐ 60A]
ᬦᬸᬮ᭄ᬬᬕ᭄ᬮᬶᬲ᭄ᬲᬋᬂᬓᬮᬶᬄᬫᬗ᭄ᬓᬾ ᬕᬸᬮᬶᬂ᭞ᬲᬂᬤ᭄ᬬᬄᬭᬚᬧᬸᬢ᭄ᬭ᭞ᬚ᭄ᬭᭀᬦᬶᬂᬕ᭄ᬥᭀᬂᬫᬗ᭄ᬓᬾ ᬳᬕᬸᬮᬶᬂ᭞ᬭᬚᬧᬸᬢ᭄ᬭᬲᬫ᭄ᬧᬸᬦ᭄ᬦᬶᬤ᭄ᬭ᭟ᬧᬤᬗᬾ ᬮ᭄ᬯᬶᬃᬓᬤᬶᬰᬰᬶᬄ᭞ᬤᬫᬃᬓᬓᭂ
ᬫ᭄ᬩᬭᬦ᭄᭞ᬓᬢᭀᬦ᭄ᬘᬬᬦ᭄ᬭᬤᬾ ᬫᬦ᭄ᬢ᭄ᬭᬶ᭞ᬓᬮᬯᬦ᭄ᬫᬗ᭄ᬓᬾ ᬲᬂᬤᬾᬯ᭄ᬬ᭟ᬲᬂᬲᬸᬧᬸᬢ᭄ᬭᬶᬳᬫᬶᬘᬭᬾᬂᬚ᭄ᬭᭀᬦᬶᬂᬳᬢᬶ᭞ᬤᬸᬤᬸᬯᭀᬂᬲᬚᬸᬭ᭄ᬯ᭞ᬯᬃᬡ᭄ᬦᬦ᭄ᬤᬾᬢᬦ᭄ᬧᬢᬦ᭄ᬤᬶᬂ᭞ᬯᭀᬂᬳᬕᬸᬂᬫ
ᬗ᭄ᬓᬾ ᬧᬸᬦᬶᬓ᭟ᬲᬂᬲᬸᬧᬸᬢ᭄ᬭᬶᬦᭀᬭᬩ᭄ᬢᬳᬶᬓᬂᬳᬢᬶ᭞ᬲᬂᬭᬢ᭄ᬦᬳᬗᬭᬲ᭄᭞ᬯᬦ᭄ᬢᬶᬯᬦ᭄ᬢᬶᬳᬗᬭᬲᬶᬦ᭄᭞ᬧᬶᬧᬶᬓᬮᬶᬄᬳᬶᬗᬭᬲᬦ᭄᭟ᬭᬚᬧᬸᬢ᭄ᬭᬧᬕᬸᬮᬯᬢ᭄ᬤᬾᬦ᭄ᬬᬕᬸᬮᬶᬂ᭞ᬲᬂᬧᬸ
ᬢ᭄ᬭᬶᬳᬗᬭᬲ᭄᭞ᬲᬗᭂᬢ᭄ᬧᬗᬭᬲᬶᬭᬾᬓᬶ᭞ᬭᬚᬧᬸᬢ᭄ᬭᬫᬗ᭄ᬓᬾ ᬢᬗ᭄ᬳ᭄ᬬ᭟ᬭᬚᬧᬸᬢ᭄ᬭᬶᬕ᭄ᬮᬶᬲ᭄‌ᬫᬗ᭄ᬓᬾ ᬤᬾᬦᬶᬭᬕᬸᬮᬶᬂ᭞ᬫᬾᬭᬗᬾᬓᬮᬶᬦ᭄ᬢᬂ᭞ᬲᬸᬦ᭄ᬗᬭᬲ᭄ᬤᬾᬦᬵᬳᬶᬭᬢᬗᬶ᭞ᬫᬦᬯᬯ᭄ᬭᬸᬄᬧᬵ