[᭕᭘ 58B]
᭕᭘
ᬘᭀᬩᬦᬦᬢᬾᬓᬶ᭟ᬲᬂᬤ᭄ᬬᬄᬳᬬᬸᬫᬶᬤ᭄ᬬᬓᭂᬜ᭄ᬘᬦᬳᬗᬸᬘᬧ᭄᭞ᬓᬓᬂᬯᬦ᭄ᬢᭂᬦ᭄ᬮᬶᬂᬦᬪᬶ᭞ᬫᬗ᭄ᬓᬾ ᬳᬶᬂᬓᬾᬦ᭄ᬬ᭞ᬲᬸᬫᬤ᭄ᬬᬓᬓᬂᬧ᭄ᬭᬧ᭄ᬢ᭞ᬫᬗ᭄ᬓᬦᬵᬦ᭄ᬤᬶᬓᬦᬶᬦᬪᬶ᭞ᬫᬭᬳᬶᬂᬭᬶ
ᬗ᭄ᬯᬂ᭞ᬳᬶᬓᬤ᭄ᬬᬲ᭄ᬯᬫᬶᬦᬾᬓᬶ᭟ᬲᬫᬗ᭄ᬓᬦᬳᬦ᭄ᬤᬶᬓᬦᬾ ᬦᬪᬶᬳᬮᬄ᭞ᬤᬦ᭄ᬫᬗ᭄ᬓᬾ ᬯᬸᬲ᭄ᬢᬶᬦᬸᬮᬶᬲ᭄᭞ᬦᭀᬭᬓ᭄ᬦᬾᬦᬵᬕ᭄ᬕᬶᬗ᭄ᬲᬶᬭᬂ᭞ᬫᬗ᭄ᬓᬦᬳᬦ᭄ᬤᬶᬓᬦᬶᬭ᭞ᬲᬸᬮᬸᬮᬄᬳᬸᬢᬸᬲ᭄ᬳ᭄ᬬᬂᬯᬶᬤ᭄ᬥᬶ᭞ᬢᬸ
ᬤᬸᬄᬮᬦᬶᬗ᭄ᬯᬂ᭞ᬫᬗ᭄ᬓᬾ ᬦᭀᬭᬓ᭄ᬦᬾᬦᬵᬕ᭄ᬕᬶᬗ᭄ᬲᬶᬃ᭟ᬓᬬᬗᬧᬢᬓ᭄ᬭᬱᬦᬶᬭ᭞ᬲᬂᬧᬸᬢ᭄ᬭᬶᬫᬫ᭄ᬓᬲᬲᬫᬶ᭞ᬭᬤᬾᬦ᭄ᬫᬾᬲᭂᬫ᭄ᬗᬸᬘᬧ᭄᭞ᬤᬸᬄᬫᬲ᭄ᬫᬶᬭᬄᬳᬭᬶᬦᬶᬗ᭄ᬯᬂ᭞ᬤᬸᬤᬸᬢᬶᬗ᭄ᬓᬄᬯᭀᬂᬳ
ᬓ᭄ᬭᬫᬶ᭞ᬤᬾᬦᬾ ᬲᬸᬦ᭄ᬓᬃᬬ᭄ᬬ᭞ᬲᬸᬦ᭄ᬲᬤ᭄ᬬᬳᬮᬸᬫᬭᬶᬲ᭄᭟ᬲᬤ᭄ᬬᬳᬶᬗ᭄ᬲᬸᬦ᭄ᬳᬗᬸᬮᬢᬶᬲᬗ᭄ᬓᬸᬃᬉᬥᬂ᭞ᬬᬦ᭄ᬲᬸᬦ᭄ᬧ᭄ᬭᬧ᭄ᬢᬳᬶᬂᬦᬕᬭᬶ᭞ᬳᬾᬜ᭄ᬚᬂᬫᬸᬯᬄᬢᬗ᭄ᬲᬸᬮ᭞ᬳᬶᬗ᭄ᬲᬸᬦ᭄ᬲᬶᬫ᭄ᬧᬗᬲ
[᭕᭙ 59A]
ᬓ᭄ᬤᬧ᭄᭞ᬳᬶᬗ᭄ᬲᬸᬦ᭄ᬦᭀᬭᬳᬶᬤᭂᬧ᭄ᬓᭂᬮᬶᬤ᭄᭞ᬬᬬᬶᬤᬾᬦ᭄ᬳᬢ᭄ᬧ᭞ᬲᬂᬭᬢ᭄ᬦᬳᬗ᭄ᬮᬶᬂᬳᬭᬶᬲ᭄᭟ᬲᬶᬗ᭄ᬕᬶᬄᬫᬗ᭄ᬓᬾ ᬳᬶᬗ᭄ᬲᬸᬦ᭄ᬚᬸᬫᬸᬢᭂᬦᬳᬸᬕ᭞ᬳᬶᬗ᭄ᬲᬸᬦ᭄ᬫᬶᬮ᭄ᬯᬳᬶᬂᬫᬗ᭄ᬓᬶᬦ᭄᭞ᬢᬦ᭄ᬓ᭄ᬯᬲᬵᬓᬦ᭄ᬢᬸᬦ
ᬳᬶᬗ᭄ᬲᬸᬦ᭄ᬫᬗ᭄ᬓᬾ ᬜᬯᬶᬢ᭞ᬧ᭄ᬚᬄᬕ᭄ᬲᬂᬲᬋᬂᬳᬸᬕᬶ᭞ᬭᬳᬤᬾᬦᬵᬗᬸᬘᬧ᭄᭞ᬲᬶᬗ᭄ᬕᬶᬄᬫᬗ᭄ᬓᬾ ᬫᬲ᭄ᬬᬬᬶ᭟ᬳᬗ᭄ᬳᬶᬂᬲᬶᬚᬶᬫᬗ᭄ᬓᬾ ᬢᬳᬾᬯᬦᬶᬗ᭄ᬯᬂ᭞ᬲᬸᬦ᭄ᬮᬦᬂᬲᬶᬭᬧ᭄ᬯᬾᬲ᭄ᬢ᭄ᬭᬶ᭞ᬕ᭄ᬥᬾ ᬘᬶ
ᬦᭀᬩᬦᬶᬂᬳ᭄ᬬᬂ᭞ᬢᬦ᭄ᬯᬗ᭄ᬤᬾᬫᬗ᭄ᬳᬶᬳᬮ᭞ᬳᬦᬧᬚᬵᬭᬶᬭᬳᬸᬓᬶᬯᬭᬄᬓᬂᬕᬮᬓ᭄᭞ᬧᬭᬦ᭄ᬓᬾ ᬥᬄᬮᬸᬫᬭᬶᬲ᭄᭟ᬲᬂᬲᬸᬧᬸᬢ᭄ᬭᬶᬳᬰ᭄ᬭᬸᬄᬫᬳᬗ᭄ᬓᬾ ᬲᬶᬭᬗᬸᬘᬧ᭄᭞ᬳᬚᬓᬾ
ᬯᭂᬳᬶᬂᬳᬢᬶ᭞ᬳᬦᬧᬺᬦᬄᬳᬫ᭄ᬩᬵ᭞ᬜᬶᬗᬶᬤ᭄ᬳᬦ᭄ᬤ᭄ᬯᬾᬘᬸᬧ᭄ᬯ᭞ᬳᬶᬂᬘᬸᬧᬸᬳᬫ᭄ᬩᬵᬳᬸᬫᬸᬜ᭄ᬚᬶᬂ᭞ᬦᭀᬭᬳᬫ᭄ᬩᬵᬢᭀᬦ᭞ᬩᬸᬦ᭄ᬢᭂᬮ᭄ᬦᬤᬾᬦᬵᬳᬕ᭄ᬮᬶᬲ᭄᭟ᬓᬸ᭟ᬓᬯᬃᬡ᭄ᬦᬳᬮᬫ᭄ᬧ
Kaca:Bali-lontar-gaguritan-sangkur-udhang-02-300ppi.pdf/59
Kaca puniki sampun kauji-wacén
