[᭕᭓ 53B]
᭕᭓
ᬗ᭄ᬲᬸᬦ᭄ᬳᭀᬮᬶᬄᬗᬶᬦᬸᬫ᭄ᬢᭀᬬ᭞ᬢᭀᬬᬧᬭᬦᬾᬫᬗ᭄ᬓᬾ ᬳᬦᬺᬩᬾᬦᬵᬳᬶᬦ᭄᭞ᬳᬶᬂᬯᬦᬲᬸᬦ᭄ᬳᭀᬮᬶᬄᬗᬶᬦᬸᬫ᭄᭞ᬦᬸᬮ᭄ᬬᬳᬶᬗ᭄ᬲᬸᬦ᭄ᬳᬯᬯ᭄ᬭᬢ᭄᭞ᬳ᭄ᬬᬳᬶᬗ᭄ᬲᬸᬦ᭄ᬓᬭᬦᬾᬩᬶᬦ᭄ᬯᬂᬢᬾ
ᬗ᭄ᬲᬸᬦ᭄᭞ᬦᬸᬮ᭄ᬬᬳᬦᬳᬦᬓᬶᬗ᭄ᬯᬂ᭞ᬳᬶᬗ᭄ᬓᬾᬦᬾ ᬢᬲᬶᬭᬮᬳᬶᬃ᭟ᬫᬗ᭄ᬓᬦᬧ᭄ᬭᬓᬭᬦᬶᬭ᭞ᬦᬸᬮ᭄ᬬᬫ᭄ᬦᭂᬂᬳᬦᬓᬶᬭᬫᬗ᭄ᬓᬾᬢᬾᬓᬶ᭞ᬲᬯᬸᬲᬾᬫᬗ᭄ᬓᬦᬳᬶᬓᬸ᭞ᬦᬸᬮ᭄ᬬᬫᬗ᭄ᬓᬾ
ᬳᬦᬓᬶᬭ᭞ᬳᬕ᭄ᬮᬶᬲᬶᬭᬳᬦᬩ᭄ᬥᬯᬘᬦᬳᬭᬸᬫ᭄᭞ᬬᬦ᭄ᬫᬗ᭄ᬓᬦᬧ᭄ᬭᬓᬭᬩ᭄ᬬᬂ᭞ᬳᬾᬦᬵᬚᬂᬲᬸᬦ᭄ᬳᬃᬱᬮᬸᬫᬭᬶᬲ᭄᭟ᬳᬶᬗ᭄ᬲᬸᬦ᭄ᬗᬸᬮᬢ᭄ᬧᬸᬦᬂᬧᬓ᭄ᬱ᭄ᬬ᭞ᬤᬾᬦᬶᬂᬳᬦᬳᬸᬪ
ᬬᬦᬶᬗ᭄ᬲᬸᬦ᭄ᬗᬸᬦᬶ᭞ᬬᬦᭀᬭᬢᬸᬫᬶᬦ᭄ᬤᬓ᭄ᬢᬾᬗ᭄ᬲᬸᬦ᭄᭞ᬓ᭄ᬭᬯᭀᬲ᭄ᬮᬶᬜᭀᬓ᭄ᬳᬪᬬᬩ᭄ᬬᬗᬶᬭᬫᬶᬢᬸᬳᬸᬉᬚᬵᬃᬦᬓᬶᬗ᭄ᬲᬸᬦ᭄᭞ᬩ᭄ᬘᬶᬓ᭄ᬮᬸᬗ᭄ᬳᬳᬦᬓᬶᬗ᭄ᬯᬂ᭞ᬳᬗ᭄ᬳᬶᬂᬳᬚ
[᭕᭔ 54A]
ᬲᬶᬭᬮᬫᬶ᭟ᬭᬶᬲᬫ᭄ᬧᬸᬦᬶᬭᬦ᭄ᬫᬗ᭄ᬓᬦ᭞ᬯᬸᬲ᭄ᬲᬶᬦᬯᬸᬃᬲᬶᬦᬯᬸᬭᬦ᭄ᬳᬶᬂᬩᬶᬩᬶ᭞ᬳ᭄ᬬᬢᬳ᭄ᬬᬗᬃᬓ᭄ᬓᬲᬸᬫᬸᬭᬸᬧ᭄᭞ᬕᭂᬦ᭄ᬢᬶᬧᬤᬗᬶᬂᬘᬦ᭄ᬤ᭄ᬭ᭞ᬮ᭄ᬯᬶᬃᬭᬳᬶᬦᬧᬤᬗᬶᬂᬫᬗ᭄ᬓᬾ ᬧᬸᬦᬶᬓᬸ᭞ᬬᬢᬫ
ᬗ᭄ᬓᬾᬭᬳᬤ᭄ᬬᬦ᭄᭞ᬦᬸᬮ᭄ᬬᬳᬕ᭄ᬮᬶᬲ᭄ᬳᬲᬸᬲᬸᬘᬶ᭟ᬓ᭄ᬭᬱᬦᬾ ᬫᬗ᭄ᬓᬾᬫᬗ᭄ᬓᬢ᭟ᬳᬦᬦ᭄ᬥᬫᬭᬶᬂᬳ᭄ᬬᬂᬫᬅᬍᬯᬶᬄ᭞ᬦᬸᬮ᭄ᬬᬕ᭄ᬮᬶᬲ᭄ᬭᬤᬾᬦ᭄ᬩᬕᬸᬲ᭄᭞ᬦᬸᬚᬸᬫᬭᬳᬶᬂᬯᬦ᭞ᬬᬢᬳᬕ᭄ᬮᬶ
ᬲ᭄ᬲ᭄ᬫᬗ᭄ᬓᬾ ᬢᬲᬶᬭᬮᬸᬫᬓᬸ᭞ᬫ᭄ᬭᬶᬂᬧ᭄ᬭᬦᬳᬶᬭᬢᬧ᭞ᬬᬢᬳᬕ᭄ᬮᬶᬲ᭄ᬫᬗ᭄ᬓᬾ ᬧ᭄ᬭᬧ᭄ᬢᬶ᭟ᬳᬫᬭᬦᬶᬂᬲᭀᬭᬶᬂᬕᬸᬃᬤ᭄ᬥ᭞ᬫᬭᬶᬂᬧ᭄ᬭᬦᬳᬶᬭᬫᬗ᭄ᬓᬾ ᬳᬢᬧᬶ᭞ᬲᬓᬶᬂᬧ᭄ᬭᬫᬦᬶᬂᬳ᭄ᬬᬂᬳᬕᬸᬂ᭞ᬤᬶᬦᬸᬮᬸᬭ
ᬦ᭄ᬢᬲᬶᬭ᭞ᬤᬾᬦᬶᬭᬫᬗ᭄ᬓᬾ ᬤᬾᬭᬳ᭄ᬬᬂᬫᬅᬮᬸᬳᬸᬃᬬᬢᬓᬢᬸᬭᬸᬦᬦ᭄ᬲ᭄ᬯᬭ᭞ᬘᬸᬘᬸᬧᬸᬯᬾᬄᬲᬸᬦᬶᬭᬾᬓᬶ᭟ᬫᬶᬯᬄᬳᬶᬗ᭄ᬲᬸᬦ᭄ᬯᬾᬄᬧᬗᬶᬦᬂ᭞ᬦᬗ᭄ᬳᬶᬂᬦᭀᬭᬦᬦᬳ
Kaca:Bali-lontar-gaguritan-sangkur-udhang-02-300ppi.pdf/54
Kaca puniki sampun kauji-wacén
