Kaca:Bali-lontar-gaguritan-sangkur-udhang-02-300ppi.pdf/50

Saking Wikisource
Kaca puniki sampun kauji-wacén

[᭔᭙ 49B]
᭔᭙
ᬗᬶᬭᬳᬶᬗ᭄ᬓᬶᬦ᭞ᬧᬭᬩᬾᬳ᭄ᬬᬂᬗᬶᬭᬫᬗ᭄ᬓᭀ᭞ᬧ᭄ᬭᬪᬸᬫᬚᬧᬳᬶᬢ᭄ᬦᬫ᭞ᬩᬮᬦᬶᬭᬧ᭄ᬭᬦᬵᬣ᭞ᬓᬲᬸᬩ᭄ᬲᭀᬭᬶᬂᬮᬗᬶᬢ᭄ᬳᬶᬓᬸᬧᬸᬢ᭄ᬭᬦᬾ ᬩ᭄ᬬᬂᬗᬭᬳᬸᬕ᭟ᬳ᭄ᬬᬗᬶᬭ
ᬢᬦᬦᬢᬦ᭄ᬤᬶᬂ᭞ᬳᬤᬶᬮᬸᬮᬄᬦᬰᬭᬦᬶᬭ᭞ᬳᬗ᭄ᬳᬶᬂᬢᬩ᭄ᬬᬂᬗᬶᬭᬫᬗ᭄ᬓᭀ᭞ᬦᭀᬭᬦᬲᬶᬲᬶᬧᬾᬳᬶᬓᬵ᭞ᬢᬦᬦᬭᭀᬯᬗᬾ ᬳᬮ᭞ᬭᬤᬾᬦ᭄ᬳᬾᬭᬦ᭄ᬫ᭄ᬬᬃᬱᬾᬓᬸ᭞ᬧᬜ᭄ᬚᬂ
ᬋᬓᬾ ᬢᬸᬢᬸᬭᬶᬭ᭟ᬩ᭄ᬬᬗᬶᬭᬮᬸᬗ᭄ᬳᬵᬳᬶᬂᬗᬸᬦᬶ᭞ᬫ᭄ᬭᬶᬂᬢᬫᬦ᭄ᬳᭀᬮᬶᬄᬓᬓᬲᬃ᭞ᬧ᭄ᬭᬧ᭄ᬢᬾᬂᬯᬦᬲ᭄ᬧᬶᬫᬗ᭄ᬓᭀ᭞ᬳᬦᬲᬾᬮᬵᬳᬢᬶᬦᭂᬫ᭄ᬯ᭞ᬫ᭄ᬭᬶᬂᬲᭀᬃᬭᬶᬂᬓᬬᬸᬕᬸᬃᬤ᭄ᬥ᭞ᬩ᭄ᬬᬗᬶᬭᬫ
ᬗ᭄ᬕᬶᬄᬩᬜᬸ᭞ᬳᭀᬮᬶᬄᬩ᭄ᬬᬗᬶᬭᬗᬶᬦᬸᬫ᭟ᬫᬃᬕ᭄ᬕᬪᬸᬗ᭄ᬲᬶᬂᬩ᭄ᬬᬗᬶᬭᬢᬾᬓᬶᬓᬭᬦᬾ ᬩᬶᬦ᭄ᬯᬂᬩ᭄ᬬᬗᬶᬭ᭞ᬭᬳᬤᬾᬦ᭄ᬳᬤᬦ᭄ᬳᭂᬮᬶᬗᬾ᭞ᬧᬓ᭄ᬱᬶᬩᬶᬲᬫᬦᬸᬢᬸᬭ᭞
[᭕᭐ 50A]
ᬕ᭄ᬮᬶᬲ᭄ᬯᬭᬳ᭄ᬦᬫᬦᬶᬭ᭞ᬲᬧᬳᬯᬭᬄᬲᬶᬭᬾᬓᬸ᭞ᬫᬃᬫ᭄ᬫᬦᬾ ᬲᬶᬭᬫᬯ᭄ᬭᬸᬳᬵ᭟ᬧᬸᬦᬂᬧᬓ᭄ᬱᬶᬫᬗ᭄ᬓᬾ ᬳᬗ᭄ᬮᬶᬂ᭞ᬮᬄᬢᬫᬗ᭄ᬓᬾ ᬯ᭄ᬭᬸᬳᬦᬶᬭ᭞ᬦᭀᬭᬦᬦᬯᬭᬳᬶᬗᭀᬂ᭞ᬫᬃᬫ᭄ᬫᬦᬶᬗ᭄ᬲᬸ
ᬦ᭄ᬫᬗ᭄ᬓᬾ ᬯ᭄ᬭᬸᬳ᭞ᬳᬧᬦ᭄ᬲᬸᬦ᭄ᬩᬾᬢᬾᬮ᭄ᬢᬶᬗ᭄ᬳᬮ᭄᭞ᬳᬶᬗ᭄ᬲᬸᬦ᭄ᬤᬸᬤᬸᬧᬓ᭄ᬱᬶᬢᬸᬳᬸ᭞ᬳᬶᬗ᭄ᬲᬸᬦ᭄ᬩᬶᬱᬜ᭄ᬚᬸᬢᬶᬭᬸᬧ᭟ᬳᬶᬗ᭄ᬲᬸᬦ᭄ᬧ᭄ᬭᬪᬸᬰᬗ᭄ᬕᬰᬓ᭄ᬢᬶ᭞ᬳᬶᬗ᭄ᬲᬸᬦ᭄ᬩᬶᬱᬵᬲᬮᬶᬦ᭄ᬯᬃᬡ᭄ᬦ᭞ᬢᬸᬭᬳᬶ
ᬗ᭄ᬲᬸᬦ᭄ᬩᬾᬢᬾᬮ᭄ᬢ᭄ᬭᭀᬲ᭄᭞ᬚᭂᬦᭂᬂᬦᬵᬣᬳᬶᬂᬲᬗ᭄ᬓᬃᬉᬥᬂ᭞ᬳᬗ᭄ᬳᬶᬂᬢᬓᬓᬲᬶᬄᬳᬶᬗ᭄ᬯᬂ᭞ᬧ᭄ᬭᬪᬸᬚᬗ᭄ᬕᬵᬰᬓ᭄ᬢᬶᬳᬶᬗ᭄ᬲᬸᬦ᭄᭞ᬲᬗ᭄ᬓᬃᬉᬥᬂᬦᬕᬭᬦᬶᬗ᭄ᬯᬂ᭞ᬲᬶᬭᬫᬮᬶᬄᬮᬯᬦ᭄ᬫᬫᬶ᭞ᬧ᭄ᬭ
ᬦᬄᬧᬸᬢᬸᬦᬶᬗ᭄ᬲᬸᬦ᭄ᬲᬶᬭ᭞ᬧᬸᬢᬸᬦᬾ ᬲᬤᬸᬮᬸᬃᬳᬶᬗᭀᬂ᭞ᬜ᭄ᬦᭂᬂᬦᬵᬣᬳᬶᬂᬳᬤᬶᬮᬸᬮᬄ᭞ᬲᬸᬦ᭄ᬜᭂᬦᭂᬂᬳᬶᬂᬲᬗ᭄ᬓᬸᬃᬉᬥᬂ᭞ᬳ᭄ᬬᬂᬳᬶᬗ᭄ᬲᬸᬦ᭄ᬢᬫᬗ᭄ᬓᬾᬓᬸ᭞ᬲᬦᬓ᭄ᬳᬶᬗ᭄ᬲᬸᬦ᭄ᬳ᭄ᬬᬾᬂᬗᬶᬭ᭟