[᭒᭙ 29B]
᭒᭙
᭞ᬢᬦ᭄ᬩᬶᬲ᭄ᬳᬗᬸᬭᬶᬧ᭄ᬢᬸᬳᬸ᭞ᬳᬸᬫᬃᬫᬬᬫᬗ᭄ᬓᬵᬳᬾ ᬗᬸᬘᬧ᭄᭞ᬳᬾᬄᬢᬧᬓ᭄ᬱᬶ᭞ᬳᬚᬭᬾᬯᬂᬤᬶᬓᬂᬳᬢᬶ᭞ᬳ᭄ᬬᬂᬲᬸᬓ᭄ᬱ᭄ᬫᬵᬳᬗᬸᬭᬶᬧ᭟ᬳᬸᬫᬃᬫᬬᬵᬫᬗ᭄ᬓᬾ ᬢᬳᬕ᭄ᬮᬶᬲ᭄᭞ᬦ᭄ᬤ
ᬳᬸᬭᬶᬧᬵ᭞ᬫᬭᬶᬂᬳ᭄ᬬᬂᬲᬸᬓ᭄ᬱ᭄ᬫᬵ᭞ᬲᬓᬶᬂᬩᬺᬓᬢ᭄ᬳᬸᬭᬶᬧ᭄ᬭᬤᬾᬦᬵ᭞ᬦᬸᬮ᭄ᬬᬲᬋᬂᬳᬮᬸᬗ᭄ᬕᬸᬄ᭞ᬲᬂᬕᬭᬸᬥᬵᬳᬯᭀᬓ᭄ᬦᬵᬗ᭄ᬳᬮᬶ᭞ᬲᬓᬭᭀᬦᬾ ᬫᬶᬘᬭ᭞ᬢᬸᬳᬸᬰᬓ᭄ᬢᬶᬳᬶᬓᬸ᭞
ᬯᭀᬂᬫᬢᬶᬤᬤᬶᬳᬸᬭᬶᬧ᭄᭞ᬦᭀᬭᬦᬦ᭞ᬲᬲᬫᬦᬾ ᬓᬵᬩᬸᬮ᭄ᬢᬾᬓᬶ᭞ᬢᬸᬳᬸᬫᬗ᭄ᬓᬾ ᬳᬲᬲᬦᬓ᭄᭟ᬮᬯᬦ᭄ᬲᬶᬭᬵᬢ᭄ᬯᬦ᭄ᬫᬾᬦᬓᬫᬶᬃ᭞ᬮᬶᬦ᭄ᬢᬂᬰᬓ᭄ᬢᬶ᭞ᬯᭀᬗᬶᬓᬶ
ᬲᬸᬦ᭄ᬢᬶᬗ᭄ᬳᬮ᭄᭞ᬫᬶᬯᬄᬢᬫᬗ᭄ᬓᬾ ᬭᬳᬤᬾᬦ᭄᭞ᬯᬃᬡ᭄ᬦᬦᬾᬚᬬᬾᬂᬰᬢ᭄ᬭᬸ᭞ᬮ᭄ᬯᬶᬃᬚᬫ᭄ᬩᬾ ᬧᬶᬦᭂᬘᬄᬓᬮᬶᬄ᭞ᬋᬧᬵᬢ᭄ᬫᬚᬳᬗᬸᬘᬧ᭄᭞ᬲᬧᬗᬸᬭᬶᬧ᭄ᬳᬾᬗ᭄ᬲᬸᬦ᭄᭞ᬤᬦ
[᭓᭐ 30A]
ᬕᬾᬯᬭᬳ᭄ᬦᬵ᭞ᬳᬗᬸᬭᬶᬧᬵ᭞ᬳᬦ᭄ᬥᬵᬫᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬲᬃᬯ᭄ᬯᬶᬦᬸᬢᬸᬃᬧᭀᬮᬄᬳᬶᬭᬬᬸᬥ᭟ᬓᬗᬬᬸᬤ᭄ᬥᬮᬯᬦ᭄ᬲᬂᬕ᭄ᬭᬸᬥᬳᬶᬓᬶ᭞ᬢ᭄ᬮᬲ᭄ᬯᬶᬦᬭᬄ᭞ᬫᬗ᭄ᬓᬾ ᬲᬫᬥᬬ᭞ᬯ᭄ᬓᬲᬦ᭄ᬮ
ᬯᬦ᭄ᬯᬶᬯᬶᬢᬦᬾ᭞ᬲᬂᬕᬭᬸᬥᬵᬫᬗ᭄ᬓᬾ ᬫᬸᬯᬸᬲ᭄᭞ᬦᬸᬮ᭄ᬬᬦᬸᬢᬸᬃᬧᭀᬮᬳᬦᬾᬓᬶ᭞ᬳᬶᬂᬤᬗᬸᬢᬶᬦᬸᬢᬸᬭᬦ᭄᭞ᬫᬸᬧᬸᬚᬬᬾᬦᬵᬕ᭄ᬰᬢ᭄ᬭᬸ᭞ᬭᬶᬦ᭄ᬓᭂᬲ᭄ᬧᬶᬲᬄᬳᬶᬂᬯᬦ᭞ᬯᬸᬲᬢᬢᬄ᭞
ᬭᬳᬤᬾᬦᬵᬓᬭᭀᬳᬫ᭄ᬬᬃᬱᬶ᭞ᬯ᭄ᬭᬸᬄᬲᬂᬚᬬᬾᬂᬭᬡ᭟ᬳᬸᬫᬃᬫᬬᬮᬦ᭄ᬩᬜ᭄ᬚᬭᬦ᭄ᬲᬭᬶ᭞ᬲᬫᬫᭀᬚᬃ᭞ᬧᬓ᭄ᬱᬶᬲᬸᬦ᭄ᬳᬸᬮᬳ᭞ᬳᬲᬶᬂᬳᬶᬗ᭄ᬲᬸᬦ᭄ᬢᭂᬥᬫᬗ᭄ᬓᬾ ᭞ᬳᬢᭂᬭᬦᬫᬗ᭄ᬓᬾ ᬲᬸ
ᬦ᭄᭞ᬓᬬᬗᬧᬵ ᬫᬗ᭄ᬓᬾ ᬲᬶᬭᬾᬓᬶ᭞ᬲᬂᬕᬭᬸᬥᬫᬗ᭄ᬓᬾ ᬳᬸᬫᭀᬚᬃ᭞ᬓᬸᬮᬗᬢᭂᬃᬢ᭄ᬯᬦ᭄ᬓᬸ᭞ᬭᬶᬲᬫ᭄ᬧᬸᬦᬶᬭᬫᬗ᭄ᬓᬦ᭞ᬦᬸᬮ᭄ᬬᬳᬕ᭄ᬮᬶᬲ᭄᭞ᬢᬶᬦᬸᬗ᭄ᬕᬗᬦ᭄ᬧᬸᬦᬂᬧᬓ᭄ᬱᬶ᭞ᬤᬾ
Kaca:Bali-lontar-gaguritan-sangkur-udhang-02-300ppi.pdf/30
Kaca puniki sampun kauji-wacén
