[᭒᭖ 26B]
᭒᭖
᭞ᬮᬶᬦ᭄ᬢᬂᬲᬸᬓᬵᬧᬭᬭᬢᬸ᭞ᬧ᭄ᬭᬲᬫᬳᬸᬫᬋᬓᬵ᭞ᬚᬬᬾᬂᬭᬡᬳᬶᬂᬲᬢᬶᬗ᭄ᬕᬶᬮ᭄᭞ᬲᬫᬦᬗ᭄ᬓᬶᬮ᭄᭞ᬳᬦ᭄ᬤᬶᬓᬦᬾ ᬚᬬᬾᬂᬭᬡ᭟ᬯᭀᬂᬫᬾᬦᬓ᭄ᬫᬗ᭄ᬓᬾ ᬗᬦ᭄ᬤᬶᬓᬵ᭞ᬳᬦᬸᬢᬸᬃᬧᭀᬮᬄ
ᬳᬶᬭᬾᬓᬶ᭞ᬯ᭄ᬓᬲᬦ᭄ᬮᬯᬦ᭄ᬯᬶᬯᬶᬢᬦ᭄᭞ᬢ᭄ᬮᬲ᭄ᬢᬶᬦᬸᬢᬸᬭᬦ᭄ᬲᬫᬶ᭞ᬧᬭᬭᬢᬸᬯ᭄ᬮᬲ᭄ᬫ᭄ᬬᬃᬱᬶ᭞ᬳᬶᬂᬢᬸᬢᬸᬭᬾᬚᬬᬾᬦᬵᬕ᭄ᬰᬢ᭄ᬭᬸ᭞ᬧ᭄ᬭᬲᬫᬳᬶᬂᬧᬭᬦᬵᬣ᭞ᬲᬫᬯ᭄ᬮᬲ᭄ᬫᬶᬬᬃᬱᬦᬶ᭞ᬮᬶᬦ᭄ᬢᬂᬢᬸᬱ᭄ᬝ᭞
ᬫᬦᬳᬶᬭᬲᬫᬥᬬ᭟ᬚᬬᬾᬦᬵᬕ᭄ᬭᬡᬳᬗᬦ᭄ᬤᬶᬓᬵ᭞ᬫᬭᬳᬶᬂᬧ᭄ᬭᬭᬢᬸᬲᬫᬶ᭞ᬫᬗ᭄ᬓᬾ ᬢᬲᬶᬭᬲᬥᬬ᭞ᬋᬧᬵᬢ᭄ᬫᬚᬵᬳᬦᬾᬦᬵᬕ᭄ᬗᭂᬦ᭄ᬤᬶ᭞ᬫᬸᬯᬂᬓᬓᬂᬕᬸᬭᬶᬢ᭄ᬯᭂᬲᬶ᭞ᬳᬶᬗ᭄ᬓᬾ ᬦᭀᬭ
ᬓᬤᬸᬮᬸ᭞ᬳᭂᬦ᭄ᬤᬶᬫᬗ᭄ᬓᬾ ᬧᬭᬦᬶᬭ᭞ᬭᬤᬾᬦᬵᬫᬓ᭄ᬢᬮ᭄ᬫᬢᬸᬃᬳᬭᬶᬲ᭄᭞ᬧᬸᬢ᭄ᬭᬦ᭄ᬢᬸᬯᬦ᭄᭞ᬗᬸᬮᬢᬶᬚᭂᬂᬢᬳᬦ᭄ᬤᬶᬓᬵ᭟ᬲᬋᬂᬮᬯᬂᬳᬸᬫᬃᬫᬬᬵ᭞ᬲᬸᬯᬾᬫᬗ᭄ᬓᬾ ᬦᭀᬭᬧ᭄ᬭᬧ᭄ᬢᬶ᭞ᬯᬶ
[᭒᭗ 27A]
ᬦ᭄ᬢᭂᬦ᭄ᬋᬓᬾ ᬢᬶᬕᬂᬘᬦ᭄ᬤ᭄ᬭᬵ᭞ᬮᬸᬗ᭄ᬳᬵᬦᬾ ᬦᭀᬭᬦᬯᬺᬢ᭄ᬢᬶ᭞ᬧᬓ᭄ᬱᬶᬫᬗ᭄ᬓᬾᬗᬸᬮᬯᬶᬓᬶ᭞ᬚᭂᬂᬳᬦ᭄ᬤᬶᬓᬵᬦᭀᬭᬓᬢ᭄ᬫᬸ᭞ᬭᬶᬫᬗ᭄ᬓᬾ ᬓ᭄ᬭᬱᬓᬯᬸᬮᬵ᭞ᬧᬸᬢ᭄ᬭᬦ᭄ᬢᬸᬯᬦ᭄ᬢᬦ᭄ᬬᬾᬂᬫᬃᬕ᭄ᬕᬶ᭞ᬲᬫ᭄ᬧᬸ
ᬦ᭄ᬳᬾᬯᭂᬄ᭞ᬩ᭄ᬘᬶᬓ᭄ᬳᬦ᭄ᬢᭀᬲᭂᬦᬵᬳᬸᬕ᭟ᬯᭀᬂᬫᬾᬦᬓ᭄ᬫᬗ᭄ᬓᬾ ᬗᬦ᭄ᬤᬶᬓᬵ᭞ᬫᬗ᭄ᬓᬦᬵᬧ᭄ᬜᬦᬦᬶᬭᬾᬓᬵᬳᬶ᭞ᬩ᭄ᬘᬶᬓ᭄ᬳᬦ᭄ᬢᭀᬲ᭄ᬦᬵᬳᬸᬕ᭞ᬤᬦ᭄ᬫᬗ᭄ᬓᬾ ᬳᬲᬸᬓᬵᬦ᭄ᬢᬾᬓᬶ᭞ᬫᬗᬦ᭄ᬳᬗᬶᬦᬸᬫᬲᬫᬶ
᭞ᬲᬋᬂᬮᬯᬦ᭄ᬧᬭᬭᬢᬸ᭞ᬫᬶᬯᬄᬩᬮᬲᬫᭀᬥᬬᬵ᭞ᬧᬶᬭᬂᬧᬶᬭᬂᬤᬶᬦᬦᬾᬓᬶ᭞ᬳ᭄ᬦᭂᬗᬓ᭄ᬦᬕᬭᬸᬥᬓᬗ᭄ᬓᬾᬓᭀᬘᬧ᭄᭟ᬫᬶᬤᭂᬭᬶᬂᬮᬸᬳᬸᬭᬶᬂᬳᬃᬕ᭄ᬕ᭞ᬫᬦ᭄ᬢᬸᬓ᭄ᬲᬓᬶᬂᬳᬭᬩ᭄ᬦᬵ
ᬕᬭᬶ᭞ᬲᬂᬕᬭᬸᬥᬵᬫᬗ᭄ᬓ᭄ᬯᬵᬧᬸᬦᬶᬓᬵ᭞ᬳᬦᬸᬮ᭄ᬬᬳᬫ᭄ᬬᬵᬃᬱᬢᬗᬶᬲ᭄᭞ᬢᬗᬶᬲᬾᬳᬸᬫᬃᬫᬬᬾᬓᬶ᭞ᬓᬘᭂᬧ᭄ᬳᬶᬂᬧᬸᬘᬓᬶᬂᬕᬸᬦᬸᬂ᭞ᬕᬭᬸᬥᬧᬶᬘᬭᬾᬂᬦᬮᬵ᭞ᬧᬭᬦ᭄ᬫᬗ᭄ᬓᬵᬳᬾ ᬦᬺᬩᬾ
Kaca:Bali-lontar-gaguritan-sangkur-udhang-02-300ppi.pdf/27
Kaca puniki sampun kauji-wacén
